NEET UG 2023 : આજે ફરી એપ્લિકેશન વિન્ડો ખુલશે, આ તારીખ સુધી રજીસ્ટ્રેશન કરી શકાશે

NEET UG 2023 નોંધણી: નેશનલ ટેસ્ટિંગ એજન્સી (NTA) આજે, 11 એપ્રિલ, નેશનલ એલિજિબિલિટી કમ એન્ટ્રન્સ ટેસ્ટ (NEET) UG 2023 રજિસ્ટ્રેશન માટે વિન્ડો ફરીથી ખોલશે. ઉમેદવારો સત્તાવાર વેબસાઇટ neet.nta.nic.in દ્વારા 13 એપ્રિલની મધ્યરાત્રિ 12 સુધી તેમની અરજી સબમિટ કરી શકે છે. આ સંદર્ભમાં NTAએ તેની સત્તાવાર વેબસાઇટ પર નોટિસ પણ જાહેર કરી છે.

આ અંતર્ગત જે ઉમેદવારોએ અગાઉ રજીસ્ટ્રેશન કરાવ્યું હતું અને અમુક કારણોસર તેઓ અરજી સબમિટ કરી શક્યા ન હતા. આવા તમામ ઉમેદવારો તેમની અરજી સબમિટ કરી શકે છે. તેમજ જે ઉમેદવારો હજી સુધી રજીસ્ટ્રેશન કરાવી શક્યા નથી. તેઓ પણ અરજી કરી શકે છે.

આ પણ વાંચો : સ્નાતકો માટે લોજીસ્ટીક ક્ષેત્રમાં નોકરીની નવી તકો, મળશે મહિને 1,00,000થી વધુ પગાર

NTA એ તમામ ઉમેદવારોને વિગતો કાળજીપૂર્વક ભરવાનું કહ્યું છે કારણ કે, અરજીમાં સુધારા માટેની વિન્ડો ખોલવામાં આવશે નહીં. પ્રથમ કરેક્શન વિન્ડો 8 થી 10 એપ્રિલ 2023 દરમિયાન ખોલવામાં આવી હતી. NTAએ જણાવ્યું છે કે જે ઉમેદવારો વિવિધ અનિવાર્ય કારણોસર અગાઉ તેમની નોંધણી પૂર્ણ કરી શક્યા ન હતા તેમના માટે અરજી વિન્ડો ફરીથી ખોલવામાં આવી રહી છે. તે હવે નિર્ધારિત છેલ્લી તારીખ સુધી કરી શકશે.

આ રીતે અરજી કરો

1. NTA neet.nta.nic.in ની વેબસાઇટ પર જાઓ.
2. નોંધણી કરો અને તમારા લૉગિન ઓળખપત્રો મેળવો, જો તમારી પાસે પહેલાથી નથી.
3. હવે, લોગીન કરો અને અરજી ફોર્મ ભરો.
4. તમામ વિગતો ભરો, દસ્તાવેજો અપલોડ કરો અને પરીક્ષા ફી ચૂકવો.
5. ફોર્મ સબમિટ કરો અને પ્રિન્ટ કાઢો.

મહત્વનુ છે કે, NEET UG 2023 ની પરીક્ષાની તારીખ જાહેર કરવામાં આવી છે. પરીક્ષા 7 મે 2023 ના રોજ દેશભરમાં નિર્ધારિત વિવિધ પરીક્ષા કેન્દ્રો પર લેવામાં આવશે. NTA ટૂંક સમયમાં પરીક્ષાની માહિતી સ્લિપ અને એડમિટ કાર્ડ જાહેર કરશે. ઉમેદવારની પરીક્ષા શહેર વગેરેની માહિતી પરીક્ષાની માહિતી સ્લીપમાં નોંધવામાં આવશે. ઉમેદવારો તેમના નોંધણી નંબરનો ઉપયોગ કરીને તેને સત્તાવાર વેબસાઇટ દ્વારા ડાઉનલોડ કરી શકે છે.

વીડિયોના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

નોકરી વીડિયો અને કરિયર સમાચાર સાથે જોડાયેલા તમામ સમાચાર જાણવા માટે જોડાયેલા રહો…