India Post GDS Recruitment 2022 :જો તમે 10મું પાસ છો અને સરકારી નોકરી શોધી રહ્યા છો તો તમારા માટે એક મોટી તક આવી છે. ઇન્ડિયા પોસ્ટે(India Post) 10 પાસ ઉમેદવારો માટે નોકરીઓ જાહેર કરી છે. આ ભરતીઓ સમગ્ર દેશમાં ગ્રામીણ પોસ્ટ ઓફિસો (Gramin Dak Sevak) માં પોસ્ટ વિભાગ દ્વારા કરવામાં આવશે. વધુ માહિતી માટે તમે તેની સત્તાવાર વેબસાઇટની મુલાકાત લઈને નોટિફિકેશન વાંચી શકો છો. 38,926 ગ્રામીણ ડાક સેવકો (GDS) ને સમગ્ર દેશમાં વિવિધ રાજ્યોમાં BPM/ABPM/ડાક સેવક તરીકે આ નોકરીઓ આપવામાં આવશે. પોસ્ટ વિભાગે આ જગ્યાઓ ભરવા માટે લાયક ઉમેદવારો પાસેથી અરજીઓ મંગાવી છે. આ માટે અરજી કરવાની પ્રક્રિયા 2 મે 2022થી શરૂ કરવામાં આવી છે. અરજી કરવાની છેલ્લી તારીખ 5મી જૂન 2022 છે.
ગ્રામીણ ડાક સેવકની જગ્યાઓ માટે અરજી કરનારા ઉમેદવારોની ઉંમર 18 વર્ષથી ઓછી અને 40 વર્ષથી વધુ ન હોવી જોઈએ. અરજી કરનાર ઉમેદવાર 10મું પાસ હોવો જોઈએ. અનામત શ્રેણીના ઉમેદવારોને ઉપલી વય મર્યાદામાં છૂટ આપવામાં આવી છે જેની માહિતી નોટિફિકેશનમાં શેર કરવામાં આવી છે. ઉમેદવારોએ અરજી માટે 100 રૂપિયા ચૂકવવાના રહેશે.
જાહેર કરાયેલા નોટિફિકેશન મુજબ આ પ્રક્રિયા દ્વારા ઈન્ડિયા પોસ્ટમાં બ્રાન્ચ પોસ્ટ માસ્ટર (BPM), આસિસ્ટન્ટ બ્રાન્ચ પોસ્ટ માસ્ટર (ABPM) અને ડાક સેવકની 38,926 ખાલી જગ્યાઓ પર ભરતી કરવામાં આવશે. બ્રાન્ચ પોસ્ટ માસ્ટર પોસ્ટ પર પસંદ કરાયેલા ઉમેદવારોને દર મહિને રૂ. 12,000નો પગાર આપવામાં આવશે. અન્ય પોસ્ટ માટે, ઉમેદવારોને દર મહિને 10,000 રૂપિયા સુધીનો પગાર મળશે.
ઈન્ડિયા પોસ્ટમાં બ્રાન્ચ પોસ્ટ માસ્ટર (BPM), આસિસ્ટન્ટ બ્રાન્ચ પોસ્ટ માસ્ટર (ABPM) અને ડાક સેવકની 38,926 ખાલી જગ્યાઓ માટે પોસ્ટની અધિકૃત વેબસાઇટ https://indiapostgdsonline.gov.in પર જઈને અરજી કરી શકાય છે.
આ પણ વાંચો : અદાણીને ફળી અખાત્રીજ, કોહીનુર ખરીદીની સાથે બીજી પણ ઉપલબ્ધિ મેળવી, ભારતની સૌથી મોટી FMCG બની અદાણી વિલ્મર
Published On - 9:45 am, Wed, 4 May 22