Current Affairs: 4 રનવે ધરાવતું દેશનું પહેલું એરપોર્ટ કયું હશે ? સ્પર્ધાત્મક પરીક્ષાની તૈયારી માટે ટોચના 10 પ્રશ્નો અને તેના જવાબો
Current Affairs: સરકારી નોકરી મેળવવા અને પરીક્ષામાં પાસ થવા માટે સામાન્ય જ્ઞાન અને વર્તમાન બાબતો પર મક્કમ સમજ હોવી સૌથી જરૂરી છે.
Current Affairs: સરકારી નોકરી મેળવવા અને પરીક્ષામાં પાસ થવા માટે સામાન્ય જ્ઞાન અને વર્તમાન બાબતો પર મક્કમ સમજ હોવી સૌથી જરૂરી છે. રેલ્વે, બેંક, પોલીસ, આર્મી જેવી પરીક્ષાઓમાં આ વિષયોના પ્રશ્નો ચોક્કસપણે પૂછવામાં આવે છે. આ પરીક્ષાઓની મેરિટ લિસ્ટમાં સ્થાન મેળવવા માટે, વ્યક્તિએ સૌથી વધુ માર્કસ મેળવવાની જરૂર છે.
તાજેતરમાં બનેલી મોટી ઘટનાઓને ધ્યાનમાં રાખીને વર્તમાન બાબતોના કેટલાક મહત્વપૂર્ણ પ્રશ્નો તૈયાર કરવામાં આવ્યા છે. વર્તમાન પ્રવાહની બાબતોના વિષયમાં વિદેશ, રમતગમત, વેપાર અને વિજ્ઞાનને લગતા પ્રશ્નો તૈયાર કરવામાં આવ્યા છે.
પ્રશ્ન 1. પશ્ચિમ બંગાળની દુર્ગા પૂજાને સાંસ્કૃતિક વારસાનો દરજ્જો કોણે આપ્યો છે? જવાબ: યુનેસ્કોએ ભારતીય તહેવાર દુર્ગા પૂજાને તેની ‘ઇન્ટેન્જિબલ કલ્ચરલ હેરિટેજ ઓફ હ્યુમેનિટી’ની યાદીમાં સામેલ કરી છે.
પ્રશ્ન 2. કયું એરપોર્ટ દેશમાં 4 રનવે ધરાવતું પ્રથમ એરપોર્ટ હશે? જવાબ: ઈન્દિરા ગાંધી ઈન્ટરનેશનલ (IGI) એરપોર્ટ ટૂંક સમયમાં દેશનું પહેલું એરપોર્ટ બનશે જ્યાં ચાર રનવે હશે.
પ્રશ્ન 3. CDS બિપિન રાવત સહિત 13 લોકો મૃત્યુ પામ્યા. બધા કયા હેલિકોપ્ટરમાં હતા? જવાબ: IAF Mi-17V5. (ભારતીય વાયુસેનાનું એરક્રાફ્ટ Mi-17V5 રશિયામાં બનેલું છે. દેશના દિગ્ગજ નેતાઓ આ વિમાનમાંથી ઉડાન ભરે છે)
પ્રશ્ન 4. નેપાળી કોંગ્રેસ પાર્ટીના પ્રમુખ તરીકે કોણ ચૂંટાયા છે? જવાબઃ શેર બહાદુર દેઉબા.
પ્રશ્ન 5. ટાઇમ મેગેઝિન દ્વારા કયા જિમ્નાસ્ટને શ્રેષ્ઠ રમતવીર પુરસ્કાર 2021થી સન્માનિત કરવામાં આવ્યા છે? જવાબ: સિમોન બાઈલ્સ. (સિમોનને જિમ્નાસ્ટ લિજેન્ડ માનવામાં આવે છે, તેણે ઓલિમ્પિકમાં સાત મેડલ અને વર્લ્ડ ચેમ્પિયનશિપમાં 25 મેડલ જીત્યા હતા).
પ્રશ્ન 6. ગ્લોબલ હેલ્થ સિક્યુરિટી ઈન્ડેક્સ 2021માં ભારતનો ક્રમ શું છે? જવાબ: ભારત 195 દેશોમાં 66મા ક્રમે છે.
પ્રશ્ન 7. નેશનલ એનર્જી કન્ઝર્વેશન એવોર્ડથી કોને સન્માનિત કરવામાં આવ્યા છે? જવાબ: રાજસ્થાન રિન્યુએબલ એનર્જી કોર્પોરેશન.
પ્રશ્ન 8. “ટાઈમ પર્સન ઓફ ધ યર 2021” એવોર્ડથી કોને નવાજવામાં આવ્યા છે? જવાબ: એલોન મસ્ક.
પ્રશ્ન 9. કઈ ભારતીયે મિસ યુનિવર્સ 2021નો ખિતાબ જીત્યો છે? જવાબ: હરનાઝ કૌર સંધુ. (21 વર્ષની લાંબી રાહ બાદ ભારતની દીકરીએ મિસ યુનિવર્સનો ખિતાબ જીતીને સમગ્ર દેશને ખુશ થવાની તક આપી છે).
પ્રશ્ન 10. ઉત્તરાખંડ રાજ્ય સરકાર દ્વારા દૂધ ઉત્પાદકો માટે કઈ યોજના શરૂ કરવામાં આવી છે? જવાબ: દૂધ મૂલ્ય પ્રોત્સાહન યોજના.
આ પણ વાંચો: UPSC Success Story: તૈયારી દરમિયાન તમારી નબળાઈ દૂર કરવી જરૂરી છે, જાણો IAS કનિષ્ક પાસેથી સફળતાનો મંત્ર
