CBSE 10th, 12th Result 2021: ક્યારે આવશે સીબીએસઈ ધોરણ 10 અને 12નું પરિણામ, જાણો તમામ વિગત
સેન્ટ્રલ બોર્ડ ઓફ સેકન્ડરી એજ્યુકેશનએ શાળાઓને 25 જુલાઇ સુધીમાં ધોરણ 12ના પરિણામની તૈયારી પૂર્ણ કરવા જણાવ્યું હતું.
CBSE 10th, 12th Result 2021: સીબીએસઈના વર્ગ 10 અને 12ના પરિણામ ટૂંક સમયમાં જાહેર થવાની સંભાવના છે. સેન્ટ્રલ બોર્ડ ઓફ સેકન્ડરી એજ્યુકેશન (CBSE)એ શાળાઓને 25 જુલાઇ સુધીમાં ધોરણ 12ના પરિણામ (CBSE Class 12 Result 2021)ની તૈયારી પૂર્ણ કરવા જણાવ્યું હતું, તેથી પરિણામ હવે ગમે ત્યારે જાહેર કરી શકાય છે. સીબીએસઈ 10 અને 12ના પરિણામ સત્તાવાર વેબસાઇટ cbseresults.nic.in પર જાહેર કરવામાં આવશે. વિદ્યાર્થીઓ આ વેબસાઇટની મુલાકાત લઈને સરળતાથી પોતાનું પરિણામ ચકાસી શકશે. આ સિવાય પરિણામ એસએમએસ, આઈવીઆરએસ અને ઉમંગ એપ્લિકેશન દ્વારા પણ જોઇ શકાય છે.
ખાનગી / પત્રાચાર અને બીજા કંપાર્ટમેન્ટના વિદ્યાર્થીઓનું કહેવું છે કે, નિયમિત પરીક્ષાઓ રદ કરવામાં આવી હતી ત્યારે તેઓએ સીબીએસઈને મેઈલ મોકલ્યા હતા. ખાનગી પરીક્ષાઓ રદ કરવામાં આવી છે કે નહીં તે અંગેના વિદ્યાર્થીઓને મેઇલ પર સીબીએસઈ નિયંત્રક સંયમ ભારદ્વાજનો જવાબ મળતો હતો કે, બધી પરીક્ષાઓ રદ થઈ ગઈ છે.
બાદમાં જ્યારે સીબીએસઈએ 12મા ધોરણ માટેની મૂલ્યાંકન નીતિ બહાર પાડી ત્યારે તેના પરિપત્રમાં જણાવવામાં આવ્યું હતું કે, કોરોના રોગચાળાની સ્થિતિમાં સુધારો થયા પછી ખાનગી / પત્રચાર અને બીજા કમ્પાર્ટમેન્ટના વિદ્યાર્થીઓની પરીક્ષા લેવામાં આવશે. આ પરિપત્ર બાદ વિદ્યાર્થીઓનો વિરોધ શરૂ થયો. આ બાદ તાજેતરમાં સીબીએસઈએ પરીક્ષાઓની તારીખો પણ જાહેર કરી છે. સપ્ટેમ્બર સુધી ખાનગી પરીક્ષાઓ ચાલવાની છે. આવી સ્થિતિમાં વિદ્યાર્થીઓને પણ ડર છે કે, તેમનું પરિણામ ક્યારે આવશે અને ક્યારે પ્રવેશ મળશે.
સમગ્ર વિરોધને લઈને મંગળવારે, ધોરણ 12ના ખાનગી શાળાના વિદ્યાર્થીઓએ સીબીએસઈ કચેરીની બહાર વિરોધ દર્શાવ્યો હતો. આ દરમિયાન વિદ્યાર્થીઓ સાથે વાલીઓ પણ ઉપસ્થિત રહ્યા હતા.
તમને જણાવી દઈએ કે સુપ્રીમ કોર્ટે સીબીએસઈ અને અન્ય રાજ્ય બોર્ડને 31 મી જુલાઈ સુધી ધોરણ 12નું પરિણામ જાહેર કરવા આદેશ આપ્યો હતો. તે મુજબ 25 અને 31 જુલાઇની વચ્ચે પરિણામ જાહેર થવાની સંભાવના છે. હવે પરિણામ જલ્દી આવે તેવી સંભાવના છે. જોકે હજી સુધી કોઈ તારીખ જાહેર કરવામાં આવી નથી.