BEL Recruitment 2021: ભારત ઇલેક્ટ્રોનિક્સ લિમિટેડમાં એન્જિનિયરના પદ માટે અરજી કરવાની છેલ્લી તારીખ, આ રીતે કરો અરજી
ભારત ઇલેક્ટ્રોનિક્સ લિમિટેડમાં એન્જિનિયરિંગના પદ પર ભરતી માટે અરજી કરવાની છેલ્લી તારીખ આજે એટલે કે 15 ઓગસ્ટ છે.
BEL Recruitment 2021: ભારત ઇલેક્ટ્રોનિક્સ લિમિટેડમાં (BEL) એન્જિનિયરિંગના પદ પર ભરતી માટે અરજી કરવાની છેલ્લી તારીખ આજે એટલે કે 15 ઓગસ્ટ છે. આ ખાલી જગ્યા હેઠળ કુલ 500 પોસ્ટની ભરતી કરવામાં આવશે. એન્જિનિયરિંગ પદ માટેની નોકરી શોધી રહેલા યુવાનો માટે આ એક સારી તક છે. આમાં અરજી કરવા માટે, ઉમેદવારોએ BELની સત્તાવાર વેબસાઇટ, bel-india.inની મુલાકાત લેવી પડશે. ઉમેદવારોએ અરજી કરતા પહેલા સત્તાવાર નોટિફિકેશન તપાસી લેવું ત્યાર બાદ અરજી કરવી.
ભારત ઇલેક્ટ્રોનિક્સ લિમિટેડ દ્વારા બહાર પાડવામાં આવેલી આ ખાલી જગ્યા (Recruitment 2021)માં અરજી પ્રક્રિયા આજે એટલે કે 15 ઓગસ્ટ 2021 ના રોજ બંધ થઈ રહી છે. આવી સ્થિતિમાં જે ઉમેદવારોએ અત્યાર સુધી આ ખાલી જગ્યા માટે અરજી કરી નથી તેઓએ સત્તાવાર વેબસાઇટ bel-india.in પર જઈને જલદીથી અરજી કરવી જોઈએ. અરજીની છેલ્લી તારીખ પસાર થયા બાદ અરજી ફોર્મની લિંક સત્તાવાર વેબસાઇટ પરથી દૂર કરવામાં આવશે.
ખાલી જગ્યાની વિગતો
ટ્રેની એન્જિનિયર – 308 પદ પ્રોજેક્ટ એન્જિનિયર – 203 પદ
પગાર ધોરણ – ટ્રેની એન્જિનિયર
પ્રથમ વર્ષ – 25,000 રૂપિયા બીજું વર્ષ – 28,000 રૂપિયા ત્રીજું વર્ષ – 31,000 રૂપિયા
પગાર ધોરણ – પ્રોજેક્ટ એન્જિનિયર
પ્રથમ વર્ષ – 35,000 રૂપિયા બીજું વર્ષ – 40,000 રૂપિયા ત્રીજું વર્ષ – 45,000 રૂપિયા
ભરતી સંબંધિત વિગતો:
પ્રોજેક્ટ એન્જિનિયરને પ્રારંભિક 2 વર્ષ માટે રાખવામાં આવશે જે પ્રોજેક્ટની જરૂરિયાત અને વ્યક્તિગત કામગીરીના આધારે 2 વર્ષ (મહત્તમ 4 વર્ષ સુધી) સુધી લંબાવી શકાય છે.
ટ્રેની એન્જિનિયરને પ્રારંભિક 1 વર્ષ માટે રાખવામાં આવશે જે પ્રોજેક્ટની જરૂરિયાત અને વ્યક્તિગત કામગીરીના આધારે 2 વર્ષ (મહત્તમ 3 વર્ષ સુધી) માટે વધારવામાં આવી શકે છે. ઉમેદવારો પાસે BE અને BTechમાં મેળવેલા ગુણના આધારે ઇન્ટરવ્યૂ માટે શોર્ટલિસ્ટ કરવામાં આવશે.
BE અને BTech. પરીક્ષામાં મેળવેલા એકંદર ગુણ માટે 75% ગુણ ફાળવવામાં આવશે અને ઇન્ટરવ્યૂ માટે શોર્ટલિસ્ટિંગમાં 10% ગુણ અનુભવ માટે ફાળવવામાં આવશે.
Latest News Updates
