Hikal ના પાનોલી યુનિટમાં પર્યાવરણીય નિયમોના ઉલ્લંઘન બદલ GPCB ક્લોઝર નોટિસ ફટકારતા કંપનીનો શેર 8% તૂટ્યો

ગુજરાત પોલ્યુશન કંટ્રોલ બોર્ડ (GPCB) એ ફાર્મા કંપનીને પર્યાવરણીય ધોરણોના કથિત ઉલ્લંઘન બદલ ભરૂચ સ્થિત Hikal Limited પ્લાન્ટમાં ઉત્પાદનનીકામગીરી બંધ કરવા ક્લોઝર નોટિસ ફટકારી છે. આ કાર્યવાહી પછી Hikal Limited ના શેરના ભાવમાં 8 ટકાથી વધુનો ઘટાડો થયો હતો

TV9 Gujarati | Edited By: Ankit Modi | Updated on: Jul 25, 2023 | 6:43 AM

ગુજરાત પોલ્યુશન કંટ્રોલ બોર્ડ (GPCB) એ ફાર્મા કંપનીને પર્યાવરણીય ધોરણોના કથિત ઉલ્લંઘન બદલ ભરૂચ સ્થિત Hikal Limited પ્લાન્ટમાં ઉત્પાદનનીકામગીરી બંધ કરવા ક્લોઝર નોટિસ ફટકારી છે. આ કાર્યવાહી પછી Hikal Limited ના શેરના ભાવમાં 8 ટકાથી વધુનો ઘટાડો થયો હતો. નેશનલ સ્ટોક એક્સચેન્જ – NSE પર કંપનીનો શેર 278 રૂપિયાના ભાવે બંધ થયો હતો.

ગુજરાત પ્રદુષણ નિયંત્ર બોર્ડ -જીપીસીબીએ Hikal Limited ને પર્યાવરણ (સંરક્ષણ) અધિનિયમ 1986 ની કેટલીક જોગવાઈઓના કથિત ઉલ્લંઘન બદલ ભરૂચ જિલ્લામાં આવેલી PANOLI GIDC ખાતેના પ્લાન્ટની કામગીરી 15 દિવસની અંદર બંધ કરવાનો નિર્દેશ આપ્યો હતો.

કંપનીનું નિવેદન

કંપનીએ એક નિવેદનમાં જણાવ્યું હતું કે, Hikal પર્યાવરણીય અનુપાલનને અત્યંત ગંભીરતાથી લે છે અને નિયમોનું પાલન અને પર્યાવરણીય સંવાદિતા જાળવવાના મહત્વને સમજે છે. “અમે અમારા હિતધારકોને ખાતરી આપવા માંગીએ છીએ કે અમે નિયમનકારી સત્તધીશો દ્વારા ઉઠાવવામાં આવેલી ચિંતાઓને દૂર કરવા માટે તાત્કાલિક અને યોગ્ય પગલાં લઈ રહ્યા છીએ”

Web Stories View more

IPL વચ્ચે ખુશખબર, આથિયા શેટ્ટી માતા બની, નાની પરીને આપ્યો જન્મ

અત્યાર સુધીમાં કેટલા ઓટો-રિક્ષા ચાલકના પુત્રોએ IPLમાં નામના મેળવી છે?

Jioનું સૌથી સસ્તું રિચાર્જ, માત્ર 11 રૂપિયામાં મળી રહ્યો છે મોટો લાભ

આ 5 ભૂલ તમારા હાડકાંને કરી દેશે પોલા,યુવાનીમાં આવી જશે ઘડપણ

હરભજન સિંહ પર IPLમાંથી પ્રતિબંધ મુકવાની માંગ ઉઠી

વધુમાં ઉમેર્યું હતું કે નિર્દેશ પાછળના કારણો સમજવા અને નિરાકરણ મેળવવા માટે કંપની GPCB સાથે સંકલનમાં છે.”અમે નિશ્ચિતપણે માનીએ છીએ કે ક્લોઝરની દિશા પુનર્વિચારને પાત્ર છે અને અમે સંબંધિત અધિકારીઓને આ બાબતે અમારું વલણ વ્યક્ત કર્યું છે”

કંપનીની આર્થિક સ્થિતિ

માર્ચ ક્વાર્ટરમાં કંપનીનો ચોખ્ખો નફો વાર્ષિક ધોરણે 74 ટકા વધીને રૂપિયા 36 કરોડ નોંધાયો હતો. કુલ આવક રૂ. 545 કરોડ પર પહોંચી છે જે અગાઉના નાણાકીય વર્ષના સમાન સમયગાળામાં રૂ. 502 કરોડની સરખામણીએ 9 ટકાની વૃદ્ધિ દર્શાવે છે.ઓપરેટિંગ સ્તરે વ્યાજ, કર, ઘસારા અને ઋણમુક્તિ પહેલાની કમાણી અગાઉના વર્ષના સમાન સમયગાળા દરમિયાન રૂ. 61 કરોડથી રૂ. 48 ટકા વધીને રૂ. 90 કરોડ થઈ હતી.

ભરૂચ જિલ્લાના પ્લાન્ટને મળી નોટિસ

કંપનીએ સ્ટોક એક્સચેન્જોને જાણ કરી હતી કે તેને ગુજરાત પ્રદૂષણ નિયંત્રણ બોર્ડ (GPCB) તરફથી 21મી જુલાઈના રોજ આદેશ મળ્યો છે જેમાં તેને આદેશની તારીખથી 15 દિવસની અંદર ભરૂચમાં પાનોલી GIDC ખાતેના તેના પ્લાન્ટની કામગીરી બંધ કરવાનો નિર્દેશ આપવામાં આવ્યો છે. 22 જુલાઈના રોજ ઓર્ડર મળ્યો હતો જે કથિત ઉલ્લંઘનના સંદર્ભમાં ઈશ્યુ કરવામાં આવ્યો હતો. આ આદેશ પર્યાવરણ (સંરક્ષણ) અધિનિયમ 1986 ની કેટલીક જોગવાઈઓના કથિત ઉલ્લંઘન સાથે સંબંધિત છે.