Stock Market Outlook : ચોમાસાનું આગમન, FIIના પૈસાની ચમક, આ 5 બાબતો નક્કી કરશે બજારની ગતિ

ભારતીય શેરબજાર માટે છેલ્લું સપ્તાહ શાનદાર રહ્યું હતું. શુક્રવારે એટલે કે 16 જૂને નિફ્ટી અને સેન્સેક્સ બંને રેકોર્ડ હાઈ લેવલ પર રહ્યા હતા. શેરબજારની આ વૃદ્ધિ આ સપ્તાહે પણ ચાલુ રહી શકે છે. આગામી સપ્તાહમાં બજારના રોકાણકારોને પણ સારો નફો મળવાની અપેક્ષા છે, જો કે આ 5 મોટા પરિબળો બજારની મૂવમેન્ટ નક્કી કરવામાં કામ કરશે.

આ પણ વાંચો : Stock Market ‘યુ-ટર્ન’ માર્યો, ઓટો કંપનીઓએ કરાવ્યુ નુકસાન, જાણો ક્યાં શેરે રોકાણકારોને કરાવ્યો લાભ

વડાપ્રધાન નરેન્દ્ર મોદી આવતા અઠવાડિયે અમેરિકા જવાના છે. વડાપ્રધાનની આ મુલાકાત મહત્વની રહેવાની છે, જે દરમિયાન બંને દેશો વચ્ચે ઘણા મહત્વપૂર્ણ મુદ્દાઓ પર ચર્ચા થઈ શકે છે. આ સિવાય અન્ય ઘણા પરિબળો બજારને અસર કરી શકે છે.

ચોમાસુ અને FII નક્કી કરશે બજારની ગતિ

આગામી સપ્તાહે શેરબજારને અસર કરવા માટે આ 5 કારણો મહત્વપૂર્ણ છે. ચાલો એક નજર કરીએ…

1. PM મોદી 21 થી 24 જૂન સુધી અમેરિકામાં રહેશે. આ દરમિયાન અમેરિકાના મોટા ભાગના બિઝનેસને ચીનની બહાર ખસેડવા અંગે ચર્ચા થઈ શકે છે. પીએમ મોદી અહીં અમેરિકન કોંગ્રેસના સંયુક્ત સત્રને સંબોધિત કરશે અને સાથે જ ઈ-બિઝનેસ લીડરને પણ મળશે. જો કોઈ મોટી બિઝનેસ ડીલ પર સહમતિ થશે તો તેની અસર બજારમાં જોવા મળશે.
2. આ વર્ષે દેશમાં ચોમાસું મોડું પહોંચ્યું છે, પરંતુ આગામી સપ્તાહ સુધીમાં તે દેશભરમાં પહોંચવાની ધારણા છે. ત્યાં સુધીમાં બિપરજોય ચક્રવાતની અસર પણ ઓછી થઈ જશે. તેનાથી માર્કેટ સેન્ટિમેન્ટમાં ફરક પડી શકે છે. ભારતમાં ચોમાસા પર નજર રાખવાનું કારણ તેના પર ખેતીની નિર્ભરતા અને મોંઘવારી પર તેની અસર છે.
3. ભારત તેની જરૂરિયાતના લગભગ 80 ટકા ક્રૂડ ઓઈલની આયાત કરે છે. આવી સ્થિતિમાં આંતરરાષ્ટ્રીય બજારમાં કાચા તેલની કિંમતોની અસર બજારના સેન્ટિમેન્ટ પર પડે છે. ગયા સપ્તાહે પણ બ્રેન્ટ ક્રૂડ ઓઈલ અને વેસ્ટ ટેક્સાસ ઈન્ટરમીડિયેટ ક્રૂડ ઓઈલના ભાવમાં વધારો જોવા મળ્યો હતો. તેની કિંમતો 2.4 ટકા સુધી વધી છે.
4. વિદેશી પોર્ટફોલિયો ઇન્વેસ્ટર્સ (FII) અને ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DII) એ તાજેતરમાં શેરબજારમાં ભારે રોકાણ કર્યું છે. FII દ્વારા 6644 કરોડ અને DII દ્વારા રૂપિયા 1320 કરોડ આગામી સપ્તાહમાં પણ આ ટ્રેન્ડ જોવા મળી શકે છે. તેનું કારણ દેશના શેરબજારમાં જોઈ શકાય છે.
5. આ બધા સિવાય વૈશ્વિક બજારોના સંકેતોની અસર સ્થાનિક બજાર પર પણ પડી શકે છે. આવતા અઠવાડિયે ઘણા દેશોના આર્થિક ડેટા આવવાના છે. તે જ સમયે ફેડરલ રિઝર્વના અધ્યક્ષ જેરોમ પોવેલ યુએસ સંસદમાં મહત્વપૂર્ણ નિવેદન આપવાના છે. તેની અસર ભારતના શેરબજાર પર જોવા મળી શકે છે.

બિઝનેસના તમામ સમાચાર વાંચવા માટે અહીં ક્લિક કરો