Gautam Adani માટે આવ્યા રાહતના સમાચાર, રેટિંગ એજન્સીએ કહ્યું : અદાણી ગ્રૂપની કંપનીઓના રેટિંગ પર કોઈ અસર નહીં

Fitch Ratings On Adani Group : અદાણી ગ્રુપના શેરોમાં ભારે ઘટાડા વચ્ચે રેટિંગ એજન્સી ફિચ તરફથી એક મોટું નિવેદન આવ્યું છે. ફિચ રેટિંગ્સે કહ્યું છે કે શોર્ટ સેલર હિંડનબર્ગના અહેવાલની અદાણી ગ્રુપની કંપનીઓ અને તેમની સિક્યોરિટીઝના રેટિંગ પર કોઈ અસર થવાની નથી જેને તેણે પહેલેથી જ રેટ કર્યું છે. ફિચે વધુમાં કહ્યું કે કંપનીના રોકડ પ્રવાહના તેના અંદાજમાં કોઈ ફેરફાર થયો નથી. ફિચ રેટિંગના આ નિવેદનથી અદાણી જૂથને રાહત મળી શકે છે.જો કે, ફિચે કહ્યું કે તે અદાણી ગ્રુપની કંપનીઓ પર નજીકથી દેખરેખ રાખવાનું ચાલુ રાખશે જેને તેણે રેટ કર્યા છે. રેટિંગ એજન્સી અનુસાર તે આ કંપનીઓના ધિરાણ, લાંબા ગાળામાં ધિરાણ, કોઈપણ નિયમનકારી અથવા કોઈપણ કાયદાકીય બાબત અથવા ESG સંબંધિત મુદ્દા પર નજર રાખશે જે કંપનીની ક્રેડિટ પ્રોફાઇલને અસર કરી શકે છે.

રેટિંગ એજન્સીએ જણાવ્યું હતું કે અદાણી જૂથના કોઈ મોટા ઓફશોર બોન્ડનીમેચ્યોરિટી ટૂંકા ગાળામાં થવાની નથી. જૂન 2024માં અદાણી પોર્ટ્સના બોન્ડ, ડિસેમ્બર 2024માં અદાણી ગ્રીન એનર્જી અને બાકીની કંપનીઓ 2026 કે પછીના સમયગાળામાં મેચ્યોર થશે.

ફિચ રેટિંગ્સે હાલમાં અદાણી ગ્રુપની 8 કંપનીઓને રેટિંગ આપ્યું છે. જેમાં અદાણી ટ્રાન્સમિશનને BBB-/Stable, અદાણી ઇલેક્ટ્રિસિટી મુંબઈ લિમિટેડની સિનિયર સિક્યોર્ડ ડૉલર નોટ્સને BBB-રેટિંગ મળ્યું છે. અદાણી ઇન્ટરનેશનલ કન્ટેનર ટર્મિનલ પ્રાઇવેટ લિમિટેડ સિનિયર સિક્યોર્ડ ડૉલર નોટ્સને BBB-/Stable, અદાણી ટ્રાન્સમિશન BBB-/Stable, અદાણી ગ્રીન એનર્જી સિનિયર સિક્યોર્ડ ડૉલર નોટ્સ BBB-/Stable, મુંબઈ ઇન્ટરનેશનલ ઍરપોર્ટ લિમિટેડ સિનિયર સિક્યોર્ડ ડૉલર નોટ્સ BB+/ BBB-/Stable રેટિંગ હાંસલ કરે છે.

અગાઉ, રેટિંગ એજન્સી ક્રિસિલે કહ્યું હતું કે તે અદાણી જૂથને આપવામાં આવેલા તમામ રેટિંગ પર સતત નજર રાખી રહી છે. રેટિંગ એજન્સીએ કહ્યું છે કે રિસર્ચ રિપોર્ટ બાદ ગ્રૂપના શેરમાં થયેલા ઘટાડાને ધ્યાનમાં રાખીને રેટિંગ એજન્સી કોર્પોરેટ ગવર્નન્સ અથવા બેન્કો અથવા કેપિટલ માર્કેટમાંથી નાણાં એકત્ર કરવાની કંપનીની ક્ષમતા પર કોઈપણ નિયમનકારી અથવા સરકારી પગલાંની અસર પર નજર રાખશે.

અદાણી મામલે JPC ની માંગ કરાઈ

રાજ્યસભામાં કોંગ્રેસના સાંસદ શકિતસિંહ ગોહિલે સરકાર પર આકરા પ્રહાર કર્યા છે. જેમાં તેમણે આ ઘટનાને મોટો ફ્રોડ સાથે સરખાવી છે. તેમજ કહ્યું કે લોકો એલઆઇસીના નાણાં ભરે છે અને કોઇના કહેવાથી એલઆઇસી રોકાણ કરે છે. જે લોકો સાથે મોટો વિશ્વાસઘાત છે. જેના લીધે અમારી માગ છે આ મુદ્દે જોઇન્ટ પાર્લામેન્ટ્રી કમિટીની(JPC) રચના કરવામાં આવે.