LIC IPO : આજે દેશનો સૌથી મોટો IPO થયો લોન્ચ, રૂપિયા 14235નું રોકાણ કરી તમે ખરીદી શકો છો હિસ્સેદારી
LIC IPO Opening For Subscription today : LIC IPOમાં પોલિસીધારકોને બમ્પર ડિસ્કાઉન્ટ આપવામાં આવશે. ઈસ્યુના 10 ટકા પોલિસીધારકો માટે અને 0.7 ટકા કર્મચારીઓ માટે અનામત રાખવામાં આવ્યા છે.
બહુપ્રતિક્ષિત લાઈફ ઈન્સ્યુરન્સ કોર્પોરેશન ઓફ ઇન્ડિયાનો આઇપીઓ (LIC IPO) આજે ખુલ્યો છે. રોકાણકાર 9 મે સુધી આ ઇશ્યુમાં રોકાણ કરી શકશે. LIC IPO માં રોકાણકારો 902-949 રૂપિયાના પ્રાઇસ બેન્ડ પર શેર માટે બિડ કરી શકે છે. સરકાર આ ઓફર દ્વારા લગભગ 3.5 ટકા હિસ્સો વેચવા જઈ રહી છે. આ ઈશ્યુના 10 ટકા પોલિસી ધારકો માટે અનામત રહેશે. સમગ્ર ઇશ્યુના 35 ટકા નાના રોકાણકારો માટે હશે. પ્રાઇસ બેન્ડના આધારે રોકાણકારો ઓછામાં ઓછા 15 શેર માટે બિડ કરી શકશે.છૂટક રોકાણકારો IPOમાં માત્ર રૂ. 2 લાખ સુધીના મૂલ્યના શેર ખરીદવા માટે બિડ કરી શકશે.
પોલિસીધારકોને બમ્પર ડિસ્કાઉન્ટ મળશે
LIC IPOમાં પોલિસીધારકોને બમ્પર ડિસ્કાઉન્ટ આપવામાં આવશે. ઈસ્યુના 10 ટકા પોલિસીધારકો માટે અને 0.7 ટકા કર્મચારીઓ માટે અનામત રાખવામાં આવ્યા છે. IPOમાં 22.13 કરોડ શેર ઈશ્યુ કરવામાં આવશે. LIPOના IPOમાં પોલિસી ધારકોને IPOની કિંમત પર 60 રૂપિયાનું ડિસ્કાઉન્ટ મળશે. જ્યારે રિટેલ અને કર્મચારીઓને 45 રૂપિયાનું ડિસ્કાઉન્ટ મળશે. IPOની લોટ સાઈઝ 15 શેરની હશે. અપર પ્રાઇસ બેન્ડ અનુસાર, એક લોટ માટે 14,235 રૂપિયા ખર્ચવા પડશે.
2 લાખનું મહત્તમ રોકાણ થશે
LIC અનુસાર નાના રોકાણકારોને IPOમાં બિડ કરવાની તક આપવામાં આવશે પરંતુ તેમના માટે રોકાણની મહત્તમ મર્યાદા નક્કી કરવામાં આવી છે. પોલિસીધારકોને વધુમાં વધુ રૂ. 2 લાખ સુધીના શેર ખરીદવાની તક આપવામાં આવશે. એટલું જ નહીં છૂટક રોકાણકારો IPOમાં માત્ર રૂ. 2 લાખ સુધીના મૂલ્યના શેર ખરીદવા માટે બિડ પણ કરી શકશે. જો કે આ માટે તમામ પોલિસીધારકો માટે ડીમેટ ખાતું હોવું ખૂબ જ જરૂરી છે. કંપનીનો IPO 9 મેના રોજ બંધ થશે.
LIC IPO GMP
બજારના નિષ્ણાતોના મતે LIC IPO ગ્રે માર્કેટ પ્રીમિયમ (GMP) રૂ. 85 છે જે ગઈકાલના રૂ. 69ના ગ્રે માર્કેટ પ્રીમિયમ કરતાં રૂ. 16 વધુ છે. આ શેરના લિસ્ટિંગ સાથે રોકાણકારોને સારો લાભ મળવાનો અંદાજ લગાવાઈ રહ્યો છે.
LIC IPO Details
| LIC IPO Date | May 4, 2022 to May 9, 2022 |
| LIC IPO Face Value | ₹10 per share |
| LIC IPO Price | ₹902 to ₹949 per share |
| LIC IPO Lot Size | 15 Shares |
| Issue Size | 221,374,920 shares of ₹10 (aggregating up to ₹21,008.48 Cr) |
| Offer for Sale | 221,374,920 shares of ₹10 (aggregating up to ₹21,008.48 Cr) |
| Retail Discount | Rs 45 per share |
| Employee Discount | Rs 45 per share |
| Issue Type | Book Built Issue IPO |
| Listing At | BSE, NSE |
આ પણ વાંચો : અદાણીને ફળી અખાત્રીજ, કોહીનુર ખરીદીની સાથે બીજી પણ ઉપલબ્ધિ મેળવી, ભારતની સૌથી મોટી FMCG બની અદાણી વિલ્મર
આ પણ વાંચો : 5 રૂપિયાના આ શેરે રોકાણકારોને માલામાલ કર્યા, 1 લાખ રૂપિયાના 2 વર્ષમાં થયા 22 લાખ રૂપિયા
Latest News Updates
