Global Market : નથી અટકી રહ્યો વૈશ્વિક બજારમાં ઘટાડો!!! આજે પણ ભારતીય શેરબજાર માટે નબળા સંકેત
એશિયાના મોટાભાગના શેરબજારો આજે ઘટાડા સાથે ખુલ્યા છે અને લાલ નિશાન પર કારોબાર કરી રહ્યા છે. આજે સવારે સિંગાપોર સ્ટોક એક્સચેન્જમાં -0.23 ટકાના ઘટાડા સાથે, જાપાનનો નિક્કી 1.46 ટકાના ઘટાડા સાથે કારોબાર કરી રહ્યો છે.
ભારતીય શેરબજાર(Share Market)માં ગુરુવારે સતત સાતમા કારોબારી દિવસે ઘટાડો ચાલુ રહ્યો હતો. આ દરમિયાન શેરબજાર બે મહિનાના સૌથી નીચા સ્તરે પહોંચી ગયું હતું. 29 સપ્ટેમ્બરે BSE સેન્સેક્સ 188 પોઈન્ટ ઘટીને 56,410 પર જ્યારે નિફ્ટી 50.40 પોઈન્ટ ઘટીને 16,818 પર બંધ થયું છે. છેલ્લા સાત દિવસમાં સેન્સેક્સ 4.58 ટકા અને નિફ્ટી 4.90 ટકા નીચે આવી ગયો છે. વૈશ્વિક દબાણને કારણે આજે 8મા દિવસે પણ વેચાણ જોવા મળે તેવી શક્યતા છે અને વૈશ્વિક બજારમાં ઘટાડાની અસર સ્થાનિક રોકાણકારોના સેન્ટિમેન્ટ પર પણ જોવા મળશે.
મોંઘવારી દર હજુ પણ આરબીઆઈના લક્ષ્યાંકથી ઉપર છે. આવી સ્થિતિમા, મોટાભાગના નિષ્ણાતોનું માનવું છે કે રિઝર્વ બેન્ક ઓફ ઈન્ડિયા ટૂંક સમયમાં મોંઘવારી પર લગામ લગાવવા માટે રેપો રેટમાં 0.35 થી 0.50 ટકાનો વધારો કરી શકે છે.આજે આરબીઆઈની મોનેટરી પોલિસી કમિટીની મહત્વની બેઠક યોજાવાની છે. આવી સ્થિતિમાં રોકાણકારો કોઈપણ દાવ લગાવતા પહેલા આ બેઠકના પરિણામની રાહ જોતા જોવા મળ્યા હતા.
વૈશ્વિક બજારની સ્થિતિ (સવારે 8.30 વાગે અપડેટ)
| Name | Last | Chg% | Chg |
| Nifty 50 | 16,818.10 | -0.24% | -40.5 |
| Dow Jones | 29,225.61 | -1.54% | -458.13 |
| S&P 500 | 3,640.47 | -2.11% | -78.57 |
| Nasdaq | 10,737.51 | -2.84% | -314.13 |
| S&P 500 VIX | 31.84 | 5.50% | 1.66 |
| TR Canada 50 | 311.35 | 1.81% | 5.53 |
| Bovespa | 107,664 | -0.73% | -787 |
| DAX | 11,975.55 | -1.71% | -207.73 |
| FTSE 100 | 6,881.59 | -1.77% | -123.8 |
| Euro Stoxx 50 | 3,279.04 | -1.69% | -56.26 |
| FTSE MIB | 20,352.98 | -2.40% | -499.69 |
| Tadawul All Share | 11,405.32 | 2.11% | 235.24 |
| Nikkei 225 | 25,959.50 | -1.75% | -462.55 |
| DJ New Zealand | 293.45 | -2.02% | -6.06 |
| Shanghai | 3,043.71 | 0.08% | 2.5 |
| Hang Seng | 17,221.00 | 0.32% | 55.13 |
| Taiwan Weighted | 13,349.43 | -1.37% | -184.83 |
| SET | 1,592.37 | -0.43% | -6.86 |
| KOSPI | 2,174.44 | 0.16% | 3.51 |
| Karachi 100 | 41,013.86 | -1.02% | -421.27 |
| HNX 30 | 431.5 | 0.00% | 0 |
| CSE All-Share | 9,951.48 | -0.07% | -7.39 |
યુએસ બજારોમાં ફરી વેચાણ
એક દિવસના ઉછાળા બાદ ફુગાવો અને મંદીની આશંકાથી યુએસના તમામ મુખ્ય શેરબજારો આજે ફરી બંધ થયા છે. આજે S&P 500 ઇન્ડેક્સ 2.11 ટકા ઘટીને 3,640.47 પોઈન્ટ પર છે. તે 6 મહિનામાં સૌથી નીચા સ્તરે આવી ગયો છે. અહીં આજે NASDAQ 314.13 પોઈન્ટ ઘટીને 10,737.51 પર છે.
યુરોપિયન બજારોલાલ નિશાનમાં
યુરોપના તમામ મુખ્ય શેરબજારોમાં પણ આજે રોકાણકારોને નુકસાન થયું છે. એક દિવસની તેજી બાદ આજે તમામ બજારો લાલ નિશાનમાં કારોબાર કરી રહ્યા છે. યુરોપના મુખ્ય શેરબજારમાં સમાવિષ્ટ જર્મનીનું સ્ટોક એક્સચેન્જ સવારે 7:30 વાગ્યા સુધીમાં 1.71 ટકા, ફ્રાન્સનું શેરબજાર 1.53 ટકા અને લંડનનું શેરબજાર -1.77 ટકાના ઘટાડા સાથે ટ્રેડ થઈ રહ્યું હતું.
એશિયન બજાર ઘટાડા સાથે ખુલ્યા
એશિયાના મોટાભાગના શેરબજારો આજે ઘટાડા સાથે ખુલ્યા છે અને લાલ નિશાન પર કારોબાર કરી રહ્યા છે. આજે સવારે સિંગાપોર સ્ટોક એક્સચેન્જમાં -0.23 ટકાના ઘટાડા સાથે, જાપાનનો નિક્કી 1.46 ટકાના ઘટાડા સાથે કારોબાર કરી રહ્યો છે. તાઈવાનનું શેરબજાર પણ -1.50 ટકાના ઘટાડા સાથે કારોબાર કરી રહ્યું છે. આ સિવાય દક્ષિણ કોરિયાના કોસ્પીમાં 0.09 ટકાનો ઘટાડો જોવા મળી રહ્યો છે.
