વિદેશી રોકાણકારો ફરી ભારતીય બજાર તરફ વળ્યા, ઓગસ્ટના પ્રથમ બે સપ્તાહમાં ખરીદ્યા 22 હજાર કરોડ રૂપિયાના શેર
સેન્સેક્સની ટોચની 10 કંપનીઓમાંથી છ કંપનીઓની માર્કેટ મૂડી (માર્કેટ કેપ) ગયા સપ્તાહે સામૂહિક રીતે રૂ. 1,56,247.35 કરોડ વધી છે. આ દરમિયાન રિલાયન્સ ઈન્ડસ્ટ્રીઝને સૌથી વધુ ફાયદો થયો છે.
વિદેશી પોર્ટફોલિયો રોકાણકારો (FPIs) એ ઓગસ્ટના પ્રથમ બે સપ્તાહમાં આક્રમક રીતે ભારતીય શેરોની ખરીદી કરી છે. ગયા મહિને લાંબા અંતર પછી FPIs ફરીથી ભારતીય શેરબજારો(Share Market)માં ખરીદી કરી છે. વિદેશી રોકાણકારોએ ઓગસ્ટના પ્રથમ બે સપ્તાહમાં ફુગાવાની ચિંતા હળવી કરીને શેરબજારમાં રૂ. 22,452 કરોડ ઠાલવ્યા હતા. ડિપોઝિટરી ડેટા અનુસાર જુલાઇ મહિનાની શરૂઆતમાં FPIs એ ઇક્વિટીમાં આશરે રૂ. 5,000 કરોડનું રોકાણ કર્યું હતું. ફોરેન પોર્ટફોલિયો ઈન્વેસ્ટર્સ (FPIs) એ ઓગસ્ટના પ્રથમ બે સપ્તાહમાં ભારતીય શેર તરફ વિશ્વાસ બતાવ્યો છે. લાંબા અંતર પછી FPIs ફરી ભારતીય શેરબજાર તરફ વળ્યાં છે.
જુલાઈમાં નવ મહિના સુધી વેચાણ કર્યા બાદ રોકાણ કર્યું
જુલાઈમાં FPIs સતત નવ મહિનાના ઉપાડ પછી પ્રથમ વખત ખરીદાર બન્યા હતા. ગયા વર્ષના ઑક્ટોબરથી તેમણે સતત વેચાણ કર્યું હતું. ઑક્ટોબર 2021 થી જૂન 2022 સુધીમાં વિદેશી પોર્ટફોલિયો રોકાણકારોએ રૂ. 2.46 લાખ કરોડના શેરનું વેચાણ કર્યું હતું.
કોટક સિક્યોરિટીઝના ઇક્વિટી રિસર્ચ (રિટેલ) શ્રીકાંત ચૌહાણે જણાવ્યું હતું કે ફુગાવાની ચિંતાઓ હળવી કરવા અને મધ્યસ્થ બેન્કો દ્વારા નાણાકીય વલણને કડક બનાવવાને કારણે ઊભરતાં બજારોમાં FPI ના પ્રવાહમાં વધુ સુધારો જોવા મળશે. સત્તાવાર માહિતી અનુસાર જુલાઈમાં છૂટક ફુગાવાનો દર ઘટીને 6.71 ટકા થઈ ગયો છે.
જો કે, તે હજુ પણ આરબીઆઈના 6 ટકાના સંતોષકારક સ્તરથી ઉપર છે. ખાદ્યપદાર્થોના ભાવમાં ઘટાડાથી છૂટક ફુગાવો ઘટ્યો છે. બીજી તરફ અમેરિકામાં ફુગાવો જૂનમાં 40 વર્ષના ઉચ્ચ સ્તરથી ઘટીને 8.5 ટકા પર આવી ગયો છે. આ સૂચવે છે કે યુએસ સેન્ટ્રલ બેંક ફેડરલ રિઝર્વ તેના નાણાકીય વલણને વધુ કડક કરશે નહીં.
નિષ્ણાતોનું અનુમાન
ટ્રેડસ્માર્ટના ચેરમેન વિજય સિંઘાનિયાએ જણાવ્યું હતું કે ઊર્જાના ભાવ નીચા રહેવા અને યુદ્ધના મોરચે કેટલાક ચોંકાવનારા સમાચારો સાથે વિદેશી ભંડોળનો પ્રવાહ ચાલુ રહેશે. ડિપોઝિટરી ડેટા અનુસાર, FPIsએ 1 થી 12 ઓગસ્ટ વચ્ચે ઇક્વિટીમાં ચોખ્ખા રૂ. 22,452 કરોડનું રોકાણ કર્યું છે. આ સિવાય FPIs એ સમીક્ષા હેઠળના સમયગાળા દરમિયાન ડેટ અથવા બોન્ડ માર્કેટમાં રૂ. 1,747 કરોડનું ચોખ્ખું રોકાણ કર્યું છે.
તમને જણાવી દઈએ કે સેન્સેક્સની ટોચની 10 કંપનીઓમાંથી છ કંપનીઓની માર્કેટ મૂડી (માર્કેટ કેપ) ગયા સપ્તાહે સામૂહિક રીતે રૂ. 1,56,247.35 કરોડ વધી છે. આ દરમિયાન રિલાયન્સ ઈન્ડસ્ટ્રીઝને સૌથી વધુ ફાયદો થયો છે.
ફોરેન પોર્ટફોલિયો ઈન્વેસ્ટર્સ (FPIs) એ ઓગસ્ટના પ્રથમ બે સપ્તાહમાં ભારતીય શેર તરફ વિશ્વાસ બતાવ્યો છે. લાંબા અંતર પછી FPIs ફરી ભારતીય શેરબજાર તરફ વળ્યાં છે