Dividend Stocks : આ FMCG કંપની 450% નું મજબૂત ડિવિડન્ડ આપશે, ખાતામાં પૈસા ક્યારે આવશે?

Dividend Stocks:  રિટેલ રોકાણકાર શેરબજારમાં લિસ્ટેડ કંપનીઓના શેરમાં રોકાણના રિટર્ન સિવાય પણ અન્ય ઘણી રીતે આવક મેળવે છે. સામાન્ય રીતે કંપનીઓ ત્રિમાસિક પરિણામો દરમિયાન કોર્પોરેટ્સની જાહેરાત કરે છે. તેમાં બોનસ શેર, સ્ટોક સ્પ્લિટ અને ડિવિડન્ડની જાહેરાતનો સમાવેશ થાય છે. ડિવિડન્ડમાં કંપનીઓ વચગાળાનું ડિવિડન્ડ/સ્પેશિયલ ડિવિડન્ડ આપે છે. ડિવિડન્ડ દરમિયાન રોકાણકારો વધારાનો નફો કમાય છે. FMCG ક્ષેત્રની કંપની મેરિકો લિમિટેડે રોકાણકારોને 450 ટકા સુધીનું ડિવિડન્ડ જાહેર કર્યું છે.

450% ડિવિડન્ડ

મેરિકો લિમિટેડે(Marico Ltd) ડિસેમ્બર 2022 ના રોજ પૂરા થતા નાણાકીય વર્ષ માટે રોકાણકારોને ઇક્વિટી શેર દીઠ રૂપિયા 4.5 નું વચગાળાનું ડિવિડન્ડ જાહેર કર્યું છે. કંપનીના શેરની ફેસ વેલ્યુ 1 રૂપિયો છે. આ રીતે રોકાણકારોને વચગાળાના ડિવિડન્ડમાંથી 450 ટકા આવક મળશે.મેરિકોએ શેરબજારને માહિતી આપી હતી કે વચગાળાના ડિવિડન્ડની રેકોર્ડ તારીખ 8 માર્ચ 2023 છે. જ્યારે, ડિવિડન્ડ ચુકવણીની વાસ્તવિક તારીખ 28 માર્ચ 2023 છે.

પૈસા 3 વર્ષમાં ડબલ થયા

મેરિકો લિમિટેડ લાંબા ગાળે રોકાણકારો માટે મલ્ટિબેગર સાબિત થયું છે. છેલ્લા ત્રણ વર્ષથી રિટર્ન લગભગ 100 ટકા રહ્યું છે. તે જ સમયે, પાંચ વર્ષનું વળતર 62 ટકા રહ્યું છે. મેરિકોએ છેલ્લા એક વર્ષમાં 4 ટકાનું વળતર આપ્યું છે. 6 માર્ચ, 2023 ના રોજ મેરિકોની કિંમત રૂ.501 પર બંધ થઈ છે. શેરે 23 સપ્ટેમ્બર, 2022ના રોજ BSE પર 554.05 પર 52 સપ્તાહની ઊંચી સપાટી બનાવી હતી. તે જ સમયે, 28 માર્ચ, 2022 ના રોજ, શેરે 468.65 રૂપિયાની એક વર્ષની રેકોર્ડ નીચી સપાટી બનાવી હતી.

ડિવિડન્ડ ક્યારે મળે છે?

ડિવિડન્ડ ક્વાર્ટરના પરિણામો સાથે આપવામાં આવે છે. કેટલીક કંપનીઓ વર્ષના છેલ્લા ક્વાર્ટરમાં માત્ર એક જ વાર ડિવિડન્ડ આપે છે જેને અંતિમ ડિવિડન્ડ કહેવાય છે. તે કંપનીઓ પર નિર્ભર કરે છે કે તેઓ ક્યારે ડિવિડન્ડ આપે છે, કેટલું આપે છે અને કેટલી વાર આપે છે. કેટલીક કંપનીઓ વર્ષમાં એકવાર આપી શકે છે અને કેટલીક કંપનીઓ બે-ત્રણ વખત પણ આપી શકે છે.

Disclaimer : શેરમાં રોકાણ શેરબજારના જોખમને આધીન છે. અહેવાલનો હેતુ માત્ર તમારા સુધી માહિતી પહોંચાડવાનો છે. રોકાણ દ્વારા નફા કે નુકસાન સાથે અહેવાલનો કોઈ સંબંધ રહેશે નહિ. કૃપા કરી રોકાણ પહેલા તમારા આર્થિક સલાહકારની મદદ અવશ્ય લેવી.