શેરબજારના નબળા પ્રદર્શન છતાં આ ત્રણ સ્ટોક્સ રોકાણકારોને સારું રિટર્ન આપી શકે છે
આજે અમે તમને એવા 3 શેરો વિશે જણાવી રહ્યા છીએ જેના પર અગ્રણી બ્રોકરેજ હાઉસે રોકાણની સલાહ આપી છે અને લાંબા ગાળામાં 25 ટકાથી વધુ વળતર આપી શકે છે.
હાલમાં શેરબજાર(Share Market)માં ઘટાડો જોવા મળી રહ્યો છે.બુધવારે બજારમાં સતત ચોથા દિવસે ઘટાડો નોંધાયો હતો. આવી સ્થિતિમાં નિષ્ણાતો સ્ટોક સ્પેસિફિક રોકાણ અંગે સલાહ આપી રહ્યા છે. આજે અમે તમને એવા 3 શેરો વિશે જણાવી રહ્યા છીએ જેના પર અગ્રણી બ્રોકરેજ હાઉસે રોકાણની સલાહ આપી છે અને લાંબા ગાળામાં 25 ટકાથી વધુ વળતર આપી શકે છે.
UPL શેરખાને 930ના ટાર્ગેટ સાથે UPLમાં રોકાણની સલાહ આપી છે. શેર આજે 738ના સ્તરે બંધ થયો છે. એટલે કે અહીંથી શેરમાં લગભગ 26 ટકાની વૃદ્ધિ જોવા મળી શકે છે. બ્રોકિંગ ફર્મના જણાવ્યા અનુસાર સામાન્ય રીતે વર્ષના બીજા છ માસ કંપની માટે સારા સાબિત થયા છે. આવી સ્થિતિમાં પ્રથમ અર્ધવાર્ષિક ગાળામાં 14 ટકાની વૃદ્ધિ નોંધાવ્યા પછી એવી સંભાવના છે કે કંપની નાણાકીય વર્ષ 2022 માટે કમાણીમાં વૃદ્ધિની અપેક્ષા કરતાં વધુ સારું પ્રદર્શન કરી શકે છે. આ સાથે, શેરમાં તેના વર્ષના ઉચ્ચતમ સ્તરથી 14 ટકાથી વધુ ઘટાડો નોંધ્યો છે જેમાં મૂલ્યાંકન વધુ સારું બન્યું છે.
TTK Prestige ICICI ડાયરેક્ટ પાસે TTK પ્રેસ્ટિજ પર 1420 ના લક્ષ્ય સાથે બાય કૉલ છે. સ્ટોક હાલમાં 1107ના સ્તરે છે એટલે કે અહીંથી સ્ટોકમાં 27 ટકાનો વધારો અપેક્ષિત છે. બ્રોકિંગ ફર્મ અનુસાર કંપની કિચન સોલ્યુશન્સની ફ્લેગશિપ કંપની છે. કંપની હવે પ્રેશર કૂકર ઉત્પાદક પાસેથી ઘર અને રસોડા માટે ઉત્પાદનોની વિશાળ શ્રેણીનું સફળતાપૂર્વક ઉત્પાદન કરી રહી છે. કંપની હાલમાં પ્રેશર કૂકર સેગમેન્ટમાં અગ્રણી કંપની છે. કંપની લાંબા સમયથી તેની બેલેન્સ શીટમાં મજબૂત રોકડ અનામત જાળવી રહી છે. આગામી સમયમાં માંગમાં વધારો થવાને કારણે કંપનીને તેના સેગમેન્ટની મજબૂત સ્થિતિનો ફાયદો થશે.
Steel Authority of India મોતીલાઓ ઓસ્વાલે 142ના ટાર્ગેટ સાથે સ્ટીલ ઓથોરિટીમાં રોકાણની સલાહ આપી છે. સ્ટોક હાલમાં 114 ના સ્તરે છે એટલે કે સ્ટોકમાં લગભગ 25 ટકા વધુ વૃદ્ધિની અપેક્ષા છે. બ્રોકિંગ ફર્મના જણાવ્યા અનુસાર વર્તમાન ક્વાર્ટરમાં ઘણી અસર જોવા મળી છે જેના કારણે માંગ અપેક્ષા કરતા ઓછી રહી છે. હાલમાં સમગ્ર વિશ્વમાં ગ્રાહકો જરૂરિયાત મુજબ ખરીદી કરી રહ્યા છે. તે જ સમયે, કોઈ ગ્રાહક સ્ટોક વધારવા માટે ખરીદી નથી કરી રહ્યો જેના કારણે માંગમાં ઘટાડો થયો છે. દિલ્હી એનસીઆર જ્યાં બાંધકામની ગતિ ઝડપી છે. ત્યાં નવેમ્બર દરમિયાન પ્રદૂષણને કારણે બાંધકામની ગતિવિધિઓ પ્રભાવિત થઈ છે. જે હવે લગભગ દર વર્ષે આ સમયગાળા દરમિયાન જોવા મળી રહી છે. આ બધાની અસર માંગ પર પડે છે. જો કે, જો આગામી સમયમાં ઓમિક્રોનનું દબાણ નહીં વધે તો ફરી એકવાર માંગમાં વધારો થઈ શકે છે.
નોંધ : શેરમાં રોકાણ શેરબજારના જોખમને આધીન છે. અહેવાલનો હેતુ માત્ર તમારા સુધી માહિતી પહોંચાડવાનો છે. રોકાણ દ્વારા નફા કે નુકસાન સાથે અહેવાલનો કોઈ સંબંધ રહેશે નહિ. કૃપા કરી રોકાણ પહેલા તમારા આર્થિક સલાહકારની મદદ અવશ્ય લેવી.
આ પણ વાંચો : Supriya Lifescience IPO : આજે ખુલ્યો Lifescience કંપનીનો 700 કરોડનો IPO, ગ્રે માર્કેટમાં શેરની મજબૂત માંગ
આ પણ વાંચો : Anil Ambani ની આ નાદાર કંપનીમાં EPFO ના 2500 કરોડ અટવાયા, કંપની પર 40 હજાર કરોડનું દેવું
