Cannes Technology IPO : વધુ એક કંપનીએ IPO માટે દસ્તાવેજ જમા કર્યા, જાણો શું છે યોજના ?
IPOમાંથી મળેલી આવકમાંથી, લગભગ રૂ. 130 કરોડનો ઉપયોગ દેવું ચૂકવવા માટે કરવામાં આવશે અને રૂ. 98.93 કરોડનો ઉપયોગ મૈસુર અને માનેસરમાં ઉત્પાદન કેન્દ્રો માટેના મૂડી ખર્ચ માટે કરવામાં આવશે.
Cannes Technology IPO : ઈલેક્ટ્રોનિક્સ સિસ્ટમ્સ અને ડિઝાઈન મેન્યુફેક્ચરિંગ સર્વિસ સેક્ટરની કંપની ઈનિશિયલ પબ્લિક ઑફરિંગ (IPO) દ્વારા ફાઇનાન્સ વધારવા માટે માર્કેટ રેગ્યુલેટર સેબી પાસે દસ્તાવેજો ફાઇલ કર્યા છે. ડ્રાફ્ટ રેડ હીરિંગ પ્રોસ્પેક્ટસ (DHRP) અનુસાર IPOમાં રૂ. 650 કરોડના નવા ઇક્વિટી શેરનો ઇશ્યૂ સામેલ હશે અને એક હાલના શેરધારક દ્વારા 7.2 કરોડ ઇક્વિટી શેરના વેચાણ માટે ઓફર કરવામાં આવશે. OFS હેઠળ પ્રમોટર રમેશ કુન્હીકન્નન 37 લાખ ઇક્વિટી શેર ઓફર કરશે અને શેરધારક ફ્રેન્ઝી ફિરોઝ 35 લાખ ઇક્વિટી શેરના વેચાણની ઓફર કરશે. IPOમાં 1.5 કરોડ રૂપિયા સુધીના શેર પાત્ર કર્મચારીઓ માટે અનામત રાખવામાં આવશે.
IPOમાંથી મળેલા નાણાંનો ઉપયોગ ક્યાં થશે?
IPOમાંથી મળેલી આવકમાંથી, લગભગ રૂ. 130 કરોડનો ઉપયોગ દેવું ચૂકવવા માટે કરવામાં આવશે અને રૂ. 98.93 કરોડનો ઉપયોગ મૈસુર અને માનેસરમાં ઉત્પાદન કેન્દ્રો માટેના મૂડી ખર્ચ માટે કરવામાં આવશે. આ ઉપરાંત કંપનીના સબસિડિયરી યુનિટ કેન્સ ઇલેક્ટ્રોનિક્સ મેન્યુફેક્ચરિંગ પ્રાઇવેટ લિમિટેડમાં રૂ. 140.30 કરોડ કરવામાં આવશે.
આ સિવાય તમને જણાવી દઈએ કે જ્વેલરીના રિટેલર સેન્કો ગોલ્ડ લિમિટેડે ઈનિશિયલ પબ્લિક ઓફરિંગ દ્વારા રૂ. 525 કરોડ એકત્ર કરવા માટે માર્કેટ રેગ્યુલેટર સેબી પાસેથી મંજૂરી માંગી છે. સેન્કો ગોલ્ડે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) પાસે IPO સંબંધિત પ્રારંભિક દસ્તાવેજો સબમિટ કર્યા છે. તદનુસાર તે રૂ. 325 કરોડના ફ્રેશ ઇક્વિટી શેર ઇશ્યૂ કરશે તેમજ હાલના શેરધારક SAIF પાર્ટનર્સ ઇન્ડિયાના રૂ. 200 કરોડના શેરનું વેચાણ કરશે.
LICના IPOને લઈને આવ્યા મોટા સમાચાર
હાલમાં જ LICના IPOને લઈને મોટા સમાચાર સામે આવ્યા છે. માહિતી અનુસાર, IPO લાવતા પહેલા સરકારે 50-60 એન્કર રોકાણકારોને શોર્ટલિસ્ટ કર્યા છે. તેમાં બ્લેકરોક, સેન્ડ્સ કેપિટલ, ફિડેલ્ટી ઇન્વેસ્ટમેન્ટ્સ, સ્ટાન્ડર્ડ લાઇફ, જેપી મોર્ગન જેવા અનુભવી રોકાણકારોનો સમાવેશ થાય છે. એન્કર રોકાણકારોએ રોકાણ કરવા માટે જીવન વીમા નિગમનું મૂલ્યાંકન રૂ. 7 લાખ કરોડ રાખ્યું છે. મીડિયા રિપોર્ટ્સ અનુસાર હાલમાં માર્કેટમાં અનિશ્ચિતતાનું વાતાવરણ છે. આ જ કારણ છે કે LICનું વેલ્યુએશન અપેક્ષા કરતા ઓછું રહ્યું છે. હાલમાં આ મૂલ્યાંકન અંગે અંતિમ નિર્ણય લેવાનો બાકી છે. IPO માટે હાલમાં 12 મે છેલ્લી તારીખ છે. આ IPO અંગે જે ઉચ્ચ સ્તરીય સમિતિની રચના કરવામાં આવી છે તેણે એન્કર રોકાણકારો પાસેથી વેલ્યુએશન સંબંધિત માહિતી મેળવી છે.
