Stock Tips : 585 રૂપિયામાં આવેલા IPO ના શેર 2 વર્ષમાં 2300ને પાર કરી ગયા, રોકાણકાર માલામાલ થયા

એરોસ્પેસ અને સંરક્ષણ ક્ષેત્ર(aerospace and defense sector) સાથે સંબંધિત કંપની ડેટા પેટર્ન(Data Patterns Share Price)નો શેર સોમવારે લગભગ 10% વધીને રૂ. 2368.35 પર બંધ થયો હતો. કંપનીના શેર બે વર્ષથી ઓછા સમયમાં રૂ. 585 થી વધીને રૂ. 2300 થઇ ગયા છે. ડેટા પેટર્નના શેરોએ રોકાણકારોને 2 વર્ષથી ઓછા સમયમાં 300% જેટલું વળતર આપ્યું છે. કંપનીના શેરનું 52 સપ્તાહનું ઉચ્ચ સ્તર 2412.85 રૂપિયા છે.

IPOની પ્રાઇસ બેન્ડ રૂ. 555-585 હતી

ડેટા પેટર્ન IPO 14 ડિસેમ્બર 2021ના રોજ સબસ્ક્રિપ્શન માટે ખુલ્યો અને 16 ડિસેમ્બર સુધી ખુલ્લો રહ્યો. કંપનીના IPOની પ્રાઇસ બેન્ડ રૂ. 555-585 હતી. આઈપીઓમાં ડેટા પેટર્નના શેર રૂ. 585માં ફાળવવામાં આવ્યા હતા. BSE પર ડેટા પેટર્નના શેર રૂ.864 પર લિસ્ટ થયા હતા. 21 ઓગસ્ટ 2023ના રોજ BSE પર કંપનીના શેર રૂ. 2368.35 પર બંધ થયા છે. ડેટા પેટર્નનો IPO લગભગ 120 વખત સબસ્ક્રાઇબ થયો હતો.

2 વર્ષથી ઓછા સમયમાં 300% રિટર્ન

ડેટા પેટર્નના શેર રૂ. 585માં ફાળવવામાં આવ્યા હતા અને હવે રૂ. 2368.35 પર પહોંચી ગયા છે. કંપનીના શેરે 2 વર્ષથી ઓછા સમયમાં 300% વળતર આપ્યું છે. તે જ સમયે, કંપનીના શેરોએ છેલ્લા એક વર્ષમાં 183% નું વળતર આપ્યું છે. ડેટા પેટર્નનો શેર 22 ઓગસ્ટ, 2022ના રોજ BSE પર રૂ.838.70 પર હતો, જે 21 ઓગસ્ટ, 2023ના રોજ BSE પર રૂ.2368.35 પર બંધ થયો હતો. તે જ સમયે, ડેટા પેટર્નના શેર આ વર્ષે અત્યાર સુધીમાં 113% વધ્યા છે. જ્યારે કંપનીના શેર છેલ્લા 6 મહિનામાં 83% ચઢ્યા છે.

કંપનીનો બિઝનેસ  શું છે?

ડેટા પેટર્ન એક સંકલિત સંરક્ષણ અને એરોસ્પેસ ઈલેક્ટ્રોનિક્સ સોલ્યુશન્સ પ્રોવાઈડર કંપની છે. આ કંપનીનું સૌથી મહત્વપૂર્ણ કામ ઇલેક્ટ્રોનિક હાર્ડવેર, સોફ્ટવેર, ફર્મવેર, મિકેનિકલ, પ્રોડક્ટ પ્રોટોટાઇપ્સની ડિઝાઇન, વિકાસ, પરીક્ષણ, માન્યતા અને ચકાસણી છે. તે કેટલીક સરકારી કંપનીઓ સાથે મળીને કામ કરે છે. આ સરકારી કંપનીઓમાં હિન્દુસ્તાન એરોનોટિક્સ, ભારત ઈલેક્ટ્રોનિક્સ અને ડીઆરડીઓ જેવા નામ છે.

ડેટા પેટર્નનો IPO 13 ડિસેમ્બરથી 16 ડિસેમ્બર સુધી ખુલ્લો હતો. ઇશ્યૂ હેઠળ પ્રાઇસ બેન્ડ રૂ. 555-585 નક્કી કરવામાં આવી હતી. કંપની IPO દ્વારા એકત્ર કરાયેલા ભંડોળનો ઉપયોગ દેવું ચૂકવવા માટે આ ઉપરાંત, ભંડોળનો ઉપયોગ કાર્યકારી મૂડીની જરૂરિયાતોને પૂર્ણ કરવા માટે પણ કરવામાં આવ્યું હતું.

ડિસ્ક્લેમર : અહેવાલનો હેતુ માત્ર માહિતી આપવાનો છે. શેરબજારમાં રોકાણ જોખમને આધીન છે અને રોકાણ કરતા પહેલા તમારે તમારા સલાહકારની સલાહ લેવી જોઈએ.