Share Market Today : શેરબજારમાં તેજી યથાવત, Sensex 62000 ઉપર ખુલ્યો, આજે પણ અદાણીના શેર્સમાં જબરદસ્ત તેજી

Share Market Today : સોમવારના કારોબારમાં તેજી સાથે ટ્રેડિંગ પૂર્ણ કર્યા બાદ આજે મંગળવારે પણ ભારતીય શેરબજારમાં તેજી સાથે શરૂઆત થઇ હતી. બંને મુખ્ય ઇન્ડેક્સ 0.2% ટકા કરતા વધુ તેજી સાથે કારોબારની શરૂઆત કરી છે.

TV9 Gujarati | Edited By: Ankit Modi | Updated on: May 23, 2023 | 9:22 AM

Share Market Today : સોમવારના કારોબારમાં તેજી સાથે ટ્રેડિંગ પૂર્ણ કર્યા બાદ આજે મંગળવારે પણ ભારતીય શેરબજારમાં તેજી સાથે શરૂઆત થઇ હતી. બંને મુખ્ય ઇન્ડેક્સ 0.2% ટકા કરતા વધુ તેજી સાથે કારોબારની શરૂઆત કરી છે. આજે સેન્સેક્સ 62000 ઉપર ખુલ્યો છે. સેન્સેક્સ 134.48 પોઇન્ટ અથવા 0.22% વધારા સાથે 62,098.16 ઉપર ખુલ્યો હતો. બીજી તરફ નિફટીએ 18,362.90 ઉપર કારોબારની શરૂઆત કરી ઇન્ડેક્સ 48.50 પોઇન્ટ મુજબ 0.26% તેજી સાથે ખુલ્યો હતો. અદાણી ગ્રુપના તમામ શેરમાં આજે સતત બીજા દિવસે તેજી દેખાઈ રહી છે. ગૌતમ અદાણીની તમામ કંપનીઓના શેર લીલા નિશાન ઉપર કારોબાર કરી રહ્યા છે. અદાણી એન્ટરપ્રાઈઝનો શેર 10 ટકાની તેજી સાથે કારોબાર કરી રહ્યો છે. ગઈકાલે મોટાભાગના અદાણીના શેર્સમાં અપર સર્કિટ લાગી હતી.

શેરબજારની સ્થિતિ ( 23-05-2023 , 09:15 am )

SENSEX	62,110.45	+146.77 (0.24%)
NIFTY	18,367.90	+53.50 (0.29%)

વૈશ્વિક બજારના સંકેત સારા મળ્યા હતા

SGX NIFTY એ પણ સકારાત્મક શરૂઆત કરી હતી. ઈન્ડેક્સ 17350 ના સ્તરની ઉપર કારોબાર કરી રહ્યા છે. એશિયન બજારોમાં જાપાનના નિક્કી અને કોરિયાના કોસ્પી પણ લીલા નિશાનમાં ટ્રેડ થઈ રહ્યા છે. તેવી જ રીતે યુએસ બજારોમાં ડાઉ, એસએન્ડપી અને નાસ્ડેક ફૂટ ઇન્ડેક્સમાં પણ મજબૂતી જોવા મળી રહી છે. આ પહેલા સોમવારે આઈટી અને મેટલ શેરોમાં જોરદાર ખરીદીના કારણે બજારમાં તેજી જોવા મળી હતી.

આજથી 2000 રૂપિયાની નોટો જમા કરાવી શકાશે

19 મેના રોજ દેશની કેન્દ્રીય બેંક ભારતીય રિઝર્વ બેંકે એક નિર્ણય જાહેર કર્યો અને 2,000 રૂપિયાની નોટોને ચલણમાંથી પાછી ખેંચવાની જાહેરાત કરી હતી. ક્લીન નોટ પોલિસીના ભાગ રૂપે રૂ. 2000ની તમામ નોટો પાછી ખેંચી લેવાશે. RBI અનુસાર લોકો કોઈપણ બેંક શાખામાં 23 મે થી 30 સપ્ટેમ્બર સુધી તેમના બેંક ખાતામાં રૂપિયા 2000 ની નોટો જમા કરાવી શકશે.

Web Stories View more