Share Market Today : ભારતીય શેરબજારની ફ્લેટ શરૂઆત, IKIO Lighting IPO ખુલ્યો
Share Market Today : મિશ્ર વૈશ્વિક સંકેત વચ્ચે ભારતીય શેરબજારની શરૂઆત ફ્લેટ થઇ છે. મંગળવારે બંને મુખ્ય ઇન્ડેક્સ સારી સ્થિતિમાં બંધ થયા હતા.આજે સેન્સેક્સ લાલ નિશાન નીચે જયારે નિફટી સામાન્ય તેજી નોંધાવી લીલા નિશાન નિશાન ઉપર ખુલ્યો છે.
Share Market Today : મિશ્ર વૈશ્વિક સંકેત વચ્ચે ભારતીય શેરબજારની શરૂઆત ફ્લેટ થઇ છે. મંગળવારે બંને મુખ્ય ઇન્ડેક્સ સારી સ્થિતિમાં બંધ થયા હતા.આજે સેન્સેક્સ લાલ નિશાન નીચે જયારે નિફટી સામાન્ય તેજી નોંધાવી લીલા નિશાન નિશાન ઉપર ખુલ્યો છે. આજના કારોબારની શરૂઆતની વાત કરીએતો સેન્સેક્સ (Sensex Today) 49.12 પોઇન્ટ અથવા 0.078% નુકસાન સાથે 62,738.૩૫ ની સપાટીએ ખુલ્યો હતો. મંગળવારે કારોબારના અંતે BSE સેન્સેક્સ 240 પોઈન્ટના ઉછાળા સાથે 62,787 પોઈન્ટ પર બંધ થયો હતો. નિફટીની વાત કરીએતો નજીવા વધારા સાથે 18,600.80 ઉપર કારોબાર શરૂ કર્યો હતો. આ સમયે ઇન્ડેક્સમાં 6.95 પોઇન્ટ અથવા 0.037%ની નજીવી વૃદ્ધિ જોવા મળી હતી. આજે વૈશ્વિક બજારો તરફથી સારા સંકેત મળ્યા નથી અને SGX NIFTY ઘટાડા સાથે ટ્રેડ કરી રહ્યો છે.
| શેરબજારની સ્થિતિ ( 06-06-2023 , 09:15am ) | ||
| SENSEX | 62,760.84 | −26.63 (0.042%) |
| NIFTY | 18,595.65 | +1.80 (0.0097%) |
વૈશ્વિક સંકેત
આજે વિશ્વભરના શેરબજારોમાંથી મિશ્ર સંકેતો મળી રહ્યા છે. એશિયન બજારોમાં જાપાનનો નિક્કી અડધા ટકાના ઘટાડા સાથે કારોબાર કરી રહ્યો છે. જ્યારે કોરિયાનો કોસ્પી ઈન્ડેક્સ લીલા નિશાનમાં છે. SGX NIFTY લાલ નિશાન નીચે સરકી ગયો હતો જે 18700 નીચે નીચલા સ્તરે જોવા મળ્યો હતો. સવારે 7.20 વાગે તે 18,705 આસપાસ ટ્રેડ કરી રહ્યો હતો. બીજી તરફ યુએસ ફ્યુચર્સ માર્કેટમાં મામૂલી ઘટાડો જોવા મળી રહ્યો છે. આ પહેલા સોમવારે ભારતીય શેરબજાર તેજીમાં બંધ થયું હતું.
IKIO Lighting IPO ખુલ્યો
IKIO નો IPO આજથી સબસ્ક્રિપ્શન માટે ખુલશે અને 8 જૂને બંધ થશે. રૂ. 607 કરોડનો આ આઇપીઓ રૂ. 350 કરોડના ફ્રેશ ઇક્વિટી શેર સાથે બજારમાં આવશે અને આમાં 90 લાખ શેર પ્રમોટરો દ્વારા ઓફર ફોર સેલ દ્વારા વેચવામાં આવશે. આ ઈસ્યુની પ્રાઇસ બેન્ડ પ્રતિ શેર રૂ. 270-285 નક્કી કરવામાં આવી છે અને એન્કર રોકાણકારો માટે બિડિંગ પ્રક્રિયા આજે 5 જૂનથી શરૂ થઇ હતી. તેની લોટ સાઈઝ 52 શેરની હશે અને રિટેલ રોકાણકારો વધુમાં વધુ 13 લોટ માટે શેર માટે બિડ કરી શકે છે. કંપનીના શેરની ફાળવણી 13 જૂને થવાની ધારણા છે અને ત્યારબાદ 16 જૂને BSE અને NSE પર શેરનું લિસ્ટિંગ થશે.
આ પણ વાંચો : ભારતની સંરક્ષણ કંપનીઓ તેના રોકાણકારોને માલામાલ બનાવી રહી છે, શેરધારકોને 3 વર્ષમાં 350% થી વધુ રિટર્ન મળ્યું
