RVNL OFS : આજે રિટેલ ઇન્વેસ્ટર્સ માટે બિડ ખુલશે, યોજનાના પહેલા દિવસે શેરનો ભાવ 7% તૂટ્યો

RVNL Offer for Sale : સંસ્થાકીય રોકાણકારોએ જાહેર ક્ષેત્રની રેલ વિકાસ નિગમ લિમિટેડ (RVNL)માં સરકારનો 5.36 ટકા હિસ્સો વેચવા માટે આયોજિત ઑફર ફોર સેલના પ્રથમ દિવસે ગુરુવારે સારી બોલી લગાવી હતી. ઓફર ફોર સેલનો પ્રથમ દિવસ સંસ્થાકીય રોકાણકારો માટે આરક્ષિત હતો

QIB એ  નિર્ધારિત 6.38 કરોડ શેરની સામે 15.64 કરોડ શેર માટે બિડ લગાવી હતી. ઓફરની ટોકન કિંમત 121.17 રૂપિયા પ્રતિ શેર હતી. તે મુજબ, મુકવામાં આવેલી બિડની કિંમત આશરે રૂ. 1,900 કરોડ છે.

સરકાર હિસ્સો કેમ વેચી રહી છે?

સરકારે ઓફર ફોર સેલ દ્વારા RVNLના 11.17 કરોડ શેર વેચીને તેનો હિસ્સો ઘટાડવાનો નિર્ણય કર્યો છે. આ માટે પ્રતિ શેર 119 રૂપિયાની અનામત કિંમત નક્કી કરવામાં આવી છે. રિટેલ રોકાણકારો શુક્રવારે તેના માટે બિડ કરશે. જો ઓફર ફોર સેલમાં વધુ બિડ મળે તો સરકાર વધારાનો 1.96 ટકા હિસ્સો પણ વેચી શકે છે.

Web Stories View more

Neem and Health: રોજ સવારે લીમડાના પાન ખાવાથી સ્વાસ્થ્ય પર શું અસર થશે?

મખાના સાથે આ ડ્રાયફ્રૂટ્સ ખાઓ, વિટામિન D ઝડપથી વધશે

IPLના ઈતિહાસમાં કઈ ટીમ સૌથી વધારે મેચ હારી જાણો?

બે પત્નીઓનો પતિ હવે ગર્લફ્રેન્ડ સાથે થયો રોમેન્ટિક! બધા વચ્ચે પકડી લીધો હાથ

બોલિવુડથી દુર છે અમિતાભ બચ્ચનની દીકરી, જુઓ ફોટો

તમારો EPFO ​​પાસવર્ડ ભૂલી ગયા છો? ચિંતા ના કરો... આ રીતે તેનો ઉકેલ લાવો

સરકાર કંપનીમાં ન્યૂનતમ પબ્લિક હિસ્સો રાખવા માટે આ ઓફર લાવી રહી છે. હાલમાં આરવીએનએલમાં સરકારનો હિસ્સો 78.20 ટકા છે. RVNL ને જાન્યુઆરી 2003 માં રેલ્વે મંત્રાલયની સંપૂર્ણ માલિકીના જાહેર ક્ષેત્રના ઉપક્રમ તરીકે સામેલ કરવામાં આવ્યું હતું. તેના દ્વારા રેલવેના માળખાકીય વિકાસ પ્રોજેક્ટના અમલીકરણ અને તેના માટે ભંડોળ એકત્ર કરવાનો લક્ષ્યાંક નક્કી કરવામાં આવ્યો હતો.

RVNL ઑફર ફોર સેલમાં શું છે?

કંપનીએ શેરબજારને જાણ કરી હતી કે વેચાણ માટેની પ્રસ્તાવિત ઓફરમાં RVNLના 70,890,683 ઇક્વિટી શેરનો સમાવેશ થાય છે. આ 3.40 ટકા હિસ્સાની બરાબર છે. વધારાના 40,866,394 ઇક્વિટી શેર્સ વેચવાનો વિકલ્પ પણ છે, જે કુલ જારી અને પેઇડ-અપ ઇક્વિટી શેર મૂડીના 1.96 ટકા છે. કુલ મળીને, 11.17 કરોડ શેર ઓફર કરવામાં આવશે, જે શેર દીઠ રૂ. 119ના ફ્લોર પ્રાઇસના આધારે તિજોરીમાં રૂ. 1,329.90 કરોડ મેળવવાની અપેક્ષા છે.

OFS રિટેલ રોકાણકારો માટે T+1 દિવસે અથવા આજે શુક્રવારે 28 જુલાઈ 2023ના રોજ સ્ટોક એક્સચેન્જની અલગ વિન્ડો પર ટ્રેડિંગ કલાક દરમિયાન ઉપલબ્ધ રહેશે. ગુરુવારથી શરૂ થયેલી બે દિવસીય ઑફર ફોર સેલ (OFS) દરમિયાન રેલ વિકાસ નિગમ (RVNL) ના શેર લગભગ 7% ઘટીને ₹125.5 થઈ ગયા છે

Rail Vikas Nigam Ltd Share Price

NSE : 125.05 −9.20 (6.85%) BSE  : 126.15 −8.20 (6.10%)

ડિસ્ક્લેમર : અમારી સલાહ છે કે રોકાણ કરતા પહેલા આર્થિક સલાહકાર સાથે ચર્ચા કરવી જરૂરી છે.