કૃષિ સેસ પછી પણ પેટ્રોલ-ડીઝલ મોંઘું નહી થાય, જાણો કંઈ રીતે ?

કૃષિ સેસ પછી પણ પેટ્રોલ-ડીઝલ મોંઘું નહી થાય, જાણો કંઈ રીતે ?
FUEL STATION- FILE PIC

PETROL- DIESEL PRICE : નાણામંત્રી નિર્મલા સીતારામને સામાન્ય બજેટમાં પેટ્રોલ પર રૂપિયા 2.5 અને ડીઝલ પર 4 રૂપિયા પ્રતિ લિટર એક્સાઈઝ ડ્યૂટીની જાહેર કરી છે. આ નિર્ણય પછીથી ટ્વિટર પર #ProlrolPriceHike ટ્રેન્ડ થઇ રહ્યું છે.

Ankit Modi

| Edited By: Bipin Prajapati

Feb 02, 2021 | 10:41 AM

PETROL- DIESEL PRICE: નાણામંત્રી નિર્મલા સીતારામને સામાન્ય બજેટમાં પેટ્રોલ પર રૂપિયા 2.5 અને ડીઝલ પર 4 રૂપિયા પ્રતિ લિટર એક્સાઈઝ ડ્યૂટીની જાહેર કરી છે. આ નિર્ણય પછીથી ટ્વિટર પર #ProlrolPriceHike ટ્રેન્ડ થઇ રહ્યું છે. જો કે, એવું નથી કે આ સેસથી પેટ્રોલ અને ડીઝલની કિંમતોમાં વધારો થશે. તેનું કારણ એ છે કે સરકાર એક તરફ કૃષિ સેસ લગાવે છે અને બીજી બાજુ એક્સાઈઝ ડ્યુટી ઘટાડશે. બેઝિક એક્સાઈઝ ડ્યુટીમાં ઘટાડો અને વિશેષ વધારાની એક્સાઈઝ ડ્યુટી દ્વારા આ સંતુલિત કરવામાં આવશે.

હવે સમજવું રહ્યું કે, કૃષિ સેસ ખેડુતો માટે માળખાકીય વિકાસ તરફ દોરી જશે પરંતુ આનાથી પેટ્રોલ અને ડીઝલના ગ્રાહકોના ખિસ્સાને બોજ પડશે નહીં.સેસ અંગે માહિતી આપતાં નાણાં પ્રધાન નિર્મલા સીતારામણે કહ્યું કૃષિ માળખાને તત્કાળ વિકાસની જરૂર છે. આ ઉપરાંત કૃષિ પેદાશોની પ્રક્રિયામાં પણ સુધારો કરવાની જરૂર છે જેથી ખેડુતોની આજીવિકામાં વધારો થઈ શકે. તેમણે કહ્યું કે આ ઉદ્દેશ્યને પૂર્ણ કરવા સંસાધનો એકત્રિત કરવાની જરૂર છે. આવી સ્થિતિમાં, અમે કૃષિ ઇન્ફ્રાસ્ટ્રક્ચર અને વિકાસ સેસ લાગુ કરવાનો નિર્ણય લીધો છે. આ સેસ પેટ્રોલ, ડીઝલ અને સોના-ચાંદી જેવી કેટલીક ચીજો પર લાગુ કરવામાં આવશે. એક્સાઈઝ ડ્યુટીમાં કેટલો ઘટાડો થશે જેના કારણે કૃષિ સેસ દ્વારા વધારાનો ભાર ગ્રાહકોને અસર કરશે નહીં.

સરકારે પેટ્રોલ પરની બેઝિક એક્સાઇઝ ડ્યુટી પ્રતિ લિટર 2.98 રૂપિયાથી ઘટાડીને 1.4 રૂપિયા પ્રતિ લીટર કરવાનો નિર્ણય લીધો છે. આ સિવાય ડીઝલ પરની બેઝિક એક્સાઈઝ ડ્યુટી 4.83 રૂપિયા પ્રતિ લિટરથી ઘટાડીને 1.8 રૂપિયા પ્રતિ લિટર કરવામાં આવશે. આ ઉપરાંત બંને ઇંધણ પરની વિશેષ એક્સાઇઝ ડ્યૂટીમાં પણ પ્રતિ લિટર રૂ 1 નો ઘટાડો કરવામાં આવશે. પેટ્રોલ પર આ ડ્યુટી ફક્ત 11 રૂપિયા પ્રતિ લિટર અને ડીઝલ પર પ્રતિ લીટર 8 રૂપિયા રહેશે. આ રીતે, સરકારે એક રીતે ટેક્સ મૂક્યો છે પરંતુ સામે ફેરફાર પણ કર્યો છે.

Follow us on

Related Stories

Most Read Stories

Click on your DTH Provider to Add TV9 Gujarati