Petrol-Diesel Price Today : સરકારી તેલ કંપનીઓએ પેટ્રોલ – ડીઝલના નવા રેટ જાહેર કર્યા, જાણો તમારા શહેરમાં 1 લીટર ઇંધણની શું છે કિંમત?

Petrol-Diesel Price Today : ભારતીય શેરબજારની જેમ પેટ્રોલ અને ડીઝલ પણ દેશમાં ઓલ ટાઈમ રેકોર્ડ હાઈ પર ચાલી રહ્યા છે. જોકે વચ્ચે શેરબજારમાં કરેક્શન આવ્યું છે પરંતુ પેટ્રોલ અને ડીઝલના ભાવમાં વધારો જ જોવા મળી રહ્યો છે. જો કે, પેટ્રોલ અને ડીઝલના ભાવમાં આજે 3 નવેમ્બર, બુધવારના રોજ કોઈ વધારો કરવામાં આવ્યો નથી. છેલ્લા ઘણા દિવસોથી ભાવ સતત વધી રહ્યા હતા.

ઓક્ટોબરમાં પેટ્રોલ 7.45 રૂપિયા મોંઘુ થયું હતું
ઓક્ટોબર મહિનામાં પેટ્રોલ અને ડીઝલના ભાવમાં 25 દિવસ વધારો થયો છે. પેટ્રોલ ગત મહિને 30 અને 35 પૈસા પ્રતિદિનની ગણતરી મુજબ 7.45 રૂપિયા મોંઘુ થયું હતું જ્યારે ડીઝલ 7.90 રૂપિયા મોંઘુ થયું હતું. 1 ઓક્ટોબરે દિલ્હીમાં પેટ્રોલ 101.89 રૂપિયા પ્રતિ લિટર હતું જ્યારે ડીઝલની કિંમત 90.17 રૂપિયા પ્રતિ લિટર ચાલી રહી હતી. આંતરરાષ્ટ્રીય બજારમાં ક્રૂડ ઓઈલની વધતી કિંમતોને કારણે દેશમાં ઈંધણની કિંમતો દરરોજ વધી રહી છે. બજારના નિષ્ણાતોનું અનુમાન છે કે ક્રૂડ ઓઈલ અત્યારે વધુ મોંઘુ થઈ શકે છે.

દરરોજ 6 વાગ્યે કિંમત બદલાય છે
તમને જણાવી દઈએ કે પેટ્રોલ અને ડીઝલના ભાવ દરરોજ સવારે છ વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.

દેશના ચાર મહાનગરોમાં પેટ્રોલ ડીઝલની કિંમત

• દિલ્હીમાં પેટ્રોલ 110.04 રૂપિયા અને ડીઝલ 98.42 રૂપિયા પ્રતિ લીટર છે
• મુંબઈમાં પેટ્રોલ રૂ. 115.85 અને ડીઝલ રૂ. 106.62 પ્રતિ લીટર
• ચેન્નાઈ પેટ્રોલ રૂ. 106.66 અને ડીઝલ રૂ. 102.59 પ્રતિ લીટર
• કોલકાતા પેટ્રોલ રૂ. 110.49 અને ડીઝલ રૂ. 101.56 પ્રતિ લીટર

ગુજરાતમાં(Petrol-Diesel Price Today in Gujarat) ગાંધીનગરમાં એક લીટર પેટ્રોલ 106.88 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 106.33 રૂપિયા પ્રતિ લીટર છે. દેશમાં સૌથી મોંઘુ ઇંધણ રાજસ્થાન શ્રીગંગાનગર માંછે જ્યાં પેટ્રોલ 122.70 રૂપિયા પ્રતિ લીટર અને ડીઝલ 113.21 રૂપિયા પ્રતિ લીટર વેચાઈ રહ્યું છે.

ગુજરાતના ચાર મહાનગરોમાં પેટ્રોલ – ડીઝલના લેટેસ્ટ રેટ આ મુજબ છે

દેશના મુખ્ય શહેરમાં પેટ્રોલ – ડીઝલના લેટેસ્ટ ભાવ જાણવા અહીં ક્લિક કરો

આ રીતે જાણો તમારા શહેરમાં પેટ્રોલ-ડીઝલની કિંમત
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.

આ પણ વાંચો : કેન્દ્રીય કર્મચારીઓ માટે ખુશખબર ! આ સરકારી કર્મચારીઓના મોંઘવારી ભથ્થામાં 12 ટકા સુધીનો વધારો કરાયો

આ પણ વાંચો : Diwali Muhurat Trading 2021: દિવાળીમાં બે દિવસ બંધ રહેશે શેરબજાર પણ આ ખાસ સમયે મળશે કમાણીની તક , જાણો વિગતવાર