વારંવાર રિજેક્ટ થઈ રહી છે લોનની એપ્લિકેશન? આ અહેવાલ તમારી સમસ્યા હલ કરવામાં મદદરૂપ થશે

જ્યારે પણ આપણે એકસાથે વધુ ભંડોળ એકત્ર કરવાની જરૂર હોય ત્યારે મોટાભાગના લોકો બેંકમાંથી લોન લેવાનું વધુ સારું પસંદ કરે છે. પરંતુ ઘણી વખત એવું બને છે કે તમામ ઔપચારિકતાઓ પૂર્ણ કરવા છતાં તમારી લોનની અરજી બેંક દ્વારા નકારી દેવામાં આવે છે. તમને જણાવી દઈએ કે છેલ્લા કેટલાક વર્ષોમાં રિટેલ લોનની માંગ ઘણી વધી ગઈ છે. આવી સ્થિતિમાં બેંકો લોન માટે આવનારી અરજીઓની બારીકાઈથી તપાસ કરી રહી છે. જો તમે બેંકમાં લોન માટે અરજી કરી છે અને તમારી અરજી નકારી કાઢવામાં આવી છે!!! તો તમારે તેની પાછળનું કારણ શોધવું જોઈએ.  અમે તમને એવા જ કેટલાક પગલાઓ વિશે જણાવી રહ્યા છીએ જે લોનની અરજી રિજેક્ટ થવા પર મદદરૂપ સાબિત થશે.

શા માટે લોન અરજીઓ નકારી કાઢવામાં આવે છે?

જ્યારે પણ કોઈ બેંક અથવા નોન-બેંકિંગ ફાયનાન્સ કંપની (NBFC) તમારી લોન અરજીને નકારી કાઢે છે ત્યારે તેઓ તમને તેને નકારવાનું કારણ પણ જણાવે છે. આના ઘણા કારણો હોઈ શકે છે જેમ કે તમારો ક્રેડિટ સ્કોર ઓછો હોવો, આવક ઓછી હોવી, સમયસર EMI ન ચૂકવવી અથવા એક જગ્યાએ રહીને નોકરી ન કરવી. તે જ સમયે, જો તમારી ક્રેડિટ રિપોર્ટમાં કોઈ ભૂલ હોય તો પણ,તમારી લોન અરજી નકારી શકાય છે.

ક્રેડિટ સ્કોર તપાસતા રહો

લોન મેળવવા માટેની પ્રથમ અને મુખ્ય શરત એ છે કે સારો ક્રેડિટ સ્કોર સારો હોવો જોઈએ. લોન માટે 750 થી ઉપરનો ક્રેડિટ સ્કોર વધુ સારો માનવામાં આવે છે. જો તમારો સ્કોર આનાથી ઓછો છે, તો થોડા સમય માટે લોન માટે અરજી કરવાનું બંધ કરો અને વારંવાર પૂછપરછ ન કરો. આ પછી તમારો ક્રેડિટ સ્કોર સુધારવા પર ધ્યાન કેન્દ્રિત કરો. આ માટે તમારા બાકી EMI અને ક્રેડિટ કાર્ડના બિલો સમયસર ચૂકવો. થોડા સમય પછી તેની અસર તમારા ક્રેડિટ સ્કોરમાં જોવા મળશે.

એકસાથે અનેક જગ્યાએ અરજી કરવાનું ટાળો

જો તમારી લોનની અરજી એક જગ્યાએ રિજેક્ટ થઈ જાય, તો તરત જ બીજી જગ્યાએ અરજી કરવાનું ટાળો. જ્યારે પણ તમે લોન અથવા ક્રેડિટ કાર્ડ માટે અરજી કરો છો, ત્યારે તમારી વિગતો ક્રેડિટ રિપોર્ટમાં દાખલ કરવામાં આવે છે. આવી સ્થિતિમાં, તમારે એક જ સમયે લોન માટે એકથી વધુ કંપનીઓનો સંપર્ક કરવાનું ટાળવું જોઈએ. જો તમે આ સતત કરો છો, તો ધિરાણ સંસ્થાઓને એવી છાપ મળે છે કે તમે કોઈપણ સંજોગોમાં લોન લેવા માંગો છો.