Paytm યુઝર્સ માટે ખુશખબર, CEOએ RBIના પ્રતિબંધનો શોધી કાઢ્યો તોડ, કરશે આ કામ

અગ્રણી ભારતીય ફિનટેક કંપની Paytm હાલમાં રિઝર્વ બેંક ઓફ ઈન્ડિયા (RBI) દ્વારા લાદવામાં આવેલા પ્રતિબંધનો સામનો કરી રહી છે. નિયમોના ઉલ્લંઘન અને પાલનને લગતી સમસ્યાઓને કારણે, RBIએ 29 ફેબ્રુઆરી 2024 થી પેટીએમ પેમેન્ટ્સ બેંક (PPB) પર વિવિધ પ્રકારની સેવાઓ પ્રદાન કરવા પર પ્રતિબંધ મૂક્યો છે.

કંપનીના ફાઉન્ડર અને મેનેજિંગ ડિરેક્ટર (MD) વિજય શેખર શર્માએ આ મામલે મોટું નિવેદન આપ્યું છે. તેમણે કહ્યું કે Paytm આદેશનું પાલન કરવા માટે પગલાં લઈ રહ્યું છે અને તે અન્ય બેંકો સાથે કામ કરશે. વિજયે સ્પષ્ટ કર્યું છે કે RBIના પ્રતિબંધ બાદ Paytm Paytm પેમેન્ટ્સ બેંક સાથે કામ નહીં કરે. તેનાથી વિપરીત, કંપની અન્ય બેંકો સાથે કામ કરતી જોવા મળશે.

ગુરુવારે વર્ચ્યુઅલ પ્રેસ કોન્ફરન્સ દ્વારા પત્રકારો સાથે વાત કરતા, Paytmના સ્થાપકે કહ્યું કે One 97 Communications Limited (OCL) અને Paytm પહેલાથી જ નોડલ એકાઉન્ટ્સને અન્ય બેંકોમાં સ્થાનાંતરિત કરવા પર કામ કરી રહ્યા છે.

Paytmના સ્થાપકે આપ્યું આ નિવેદન

વિજયે કહ્યું કે RBI દ્વારા અમને (Paytm)ને કોઈ અલગ વિગતો મોકલવામાં આવી નથી. તેણે કહ્યું કે Paytm તેને માત્ર સ્પીડ બમ્પ માને છે. પરંતુ અમે બેંકોની ભાગીદારીમાં વિશ્વાસ રાખીએ છીએ અને અમે તેને આગામી થોડા દિવસોમાં જોઈ શકીશું.

“OCL and PPSL are already in process of moving nodal accounts to other banks, and marketing business services are not affected due to these directions,” says our Founder and CEO @vijayshekhar

— Paytm (@Paytm) February 1, 2024

ઇક્વિટી અને વીમાનું શું?

ઈવેન્ટમાં બોલતા પ્રેસિડેન્ટ અને સીઓઓ ભાવેશ ગુપ્તાએ કહ્યું કે કંપની અન્ય ઘણા ભાગીદારો સાથે કામ કરી રહી છે. ઈક્વિટી અને ઈન્સ્યોરન્સ સેક્ટર વિશે વાત કરતાં તેમણે કહ્યું કે આરબીઆઈના નિર્ણયની તેના પર કોઈ અસર નહીં થાય કારણ કે બંને સ્વતંત્ર રીતે કામ કરે છે.

PPB નોડલ એકાઉન્ટ્સ બંધ

આ પહેલા મંગળવારે આરબીઆઈએ પેટીએમની પેરેન્ટ કંપની One 97 કોમ્યુનિકેશન્સ અને પેટીએમ પેમેન્ટ્સ બેંકના નોડલ એકાઉન્ટ બંધ કરી દીધા હતા. આનાથી PPBને ભારત બિલ પેમેન્ટ ઓપરેટિંગ યુનિટ સહિત ફંડ ટ્રાન્સફર, UPI સેવા જેવી સેવાઓ પૂરી પાડવાનું બંધ થઈ ગયું છે.