સુંદર પિચાઈ કે સત્ય નડેલા નહીં, આ ભારતીય છે અમેરિકામાં સૌથી વધુ પગાર મેળવનાર મૂળ ભારતીય
યુએસના ટોચના 10 સૌથી વધુ પગાર મેળવનારા સીઈઓની યાદીમાં એક ભારતીય સ્થાન મેળવી શક્યું છે. C-Suite Comp ના એક અહેવાલ અનુસાર Palo Alto Networksના સીઇઓ અને ચેરમેન Nikesh Arora યુનાઇટેડ સ્ટેટ્સમાં સૌથી વધુ કમાણી કરનારા સીઇઓની યાદીમાં 10માં ક્રમે છે.
યુએસના ટોચના 10 સૌથી વધુ પગાર મેળવનારા સીઈઓની યાદીમાં એક ભારતીય સ્થાન મેળવી શક્યું છે. જોકે તે Sundar Pichai કે Satya Nadella નથી…
C-Suite Comp ના એક અહેવાલ અનુસાર Palo Alto Networksના સીઇઓ અને ચેરમેન Nikesh Arora યુનાઇટેડ સ્ટેટ્સમાં સૌથી વધુ કમાણી કરનારા સીઇઓની યાદીમાં 10માં ક્રમે છે. ડેટા એનાલિટિક્સ ફર્મ C-Suite Comp એ તાજેતરમાં યુએસમાં સૌથી વધુ કમાણી કરનારા CEOની યાદી બહાર પાડી હતી.
સુંદર પિચાઈ યાદીમાં સ્થાન મેળવી ન શક્યા
ગૂગલના ભારતીય-અમેરિકન સીઈઓ સુંદર પિચાઈ યાદીમાં સ્થાન મેળવી શક્યા નથી. બીજી તરફ પાલો અલ્ટો નેટવર્ક્સના નિકેશ અરોરાએ બે યાદીમાં સ્થાન મેળવ્યું છે. તેમણે 151.4 મિલિયન ડોલરની કમાણી સાથે વર્ષ 2023 માં આપવામાં આવેલ કુલ રિટર્ન દ્વારા યુ.એસ.માં સૌથી વધુ કમાણી કરનાર સીઈઓની યાદીમાં ચોથા ક્રમે છે. અરોરાએ 266.4 મિલિયન ડોલરના વાર્ષિક રિટર્ન સાથે વર્ષ 2023 માં ખરેખર ચૂકવવામાં આવેલા વળતર દ્વારા યુએસમાં સૌથી વધુ કમાણી કરનારા CEO માં 10માં ક્રમે છે.
આ યાદીમાં ટેસ્લાના CEO એલોન મસ્ક ટોચ પર હતા જેમણે 2023માં 1.4 બિલિયન ડોલરની કમાણી કરી હતી. માત્ર એક અન્ય ચીફ એક્ઝિક્યુટિવ પલાંટીર ટેક્નૉલૉજીના એલેક્ઝાન્ડર કાર્પએ 1 બિલિયન ડોલરનો આંકડો પાર કર્યો હતો.
અમેરિકાના ટોચના 10 સૌથી વધુ પગાર મેળવનારા CEO ની યાદી
| CEOs | Compensation Paid |
| Elon Musk, Tesla | $1.4 billion |
| Alexander Karp, Palantir Technologies | $1.1 billion |
| Hock Tan, Broadcom | $767.7 million |
| Brian Armstrong, Coinbase Global | $680.9 million |
| Safra Catz, Oracle | $304.1 million |
| Brian Chesky, Airbnb | $303.5 million |
| Jon Winkelried, Tpg | $295.1 million |
| Jeff Green, Trade Desk | $291.7 million |
| Adam Foroughi, Applovin | $271.3 million |
| Nikesh Arora, Palo Alto Networks | $266.4 million |
નિકેશ અરોરાની કારકિર્દીની સફર
નિકેશ અરોરાએ 2018 માં પાલો અલ્ટો નેટવર્ક્સના CEO તરીકેનો કાર્યભાર સંભાળ્યો હતો. તેમની શ્રેષ્ઠ કારકિર્દીમાં Google અને SoftBank ગ્રૂપનો સમાવેશ થાય છે. 56 વર્ષીય અરોરાનો જન્મ ભારતીય વાયુસેનાના અધિકારીને ત્યાં થયો હતો અને તેણે દિલ્હીની એરફોર્સ પબ્લિક સ્કૂલમાં શાળાકીય અભ્યાસ પૂર્ણ કર્યો હતો. તેમણે બનારસ હિન્દુ યુનિવર્સિટી (IIT-BHU)ની ઇન્સ્ટિટ્યૂટ ઑફ ટેક્નોલોજીમાંથી ઇલેક્ટ્રિકલ એન્જિનિયરિંગમાં સ્નાતકની ડિગ્રી મેળવી નોર્થઈસ્ટર્ન યુનિવર્સિટીમાંથી MBA અને બોસ્ટન કોલેજમાંથી MSc પણ કર્યું છે.
અરોરાએ વરિષ્ઠ નેતૃત્વની ભૂમિકામાં Google માં 10 વર્ષ વિતાવ્યા હતા. વર્ષ 2014 માં તેમણે સોફ્ટબેંક ગ્રુપમાં તેના પ્રમુખ અને ચીફ ઓપરેટિંગ ઓફિસર તરીકે જોડાવા માટે રાજીનામું આપ્યું હતું. તેમના અન્ય વ્યાવસાયિક કાર્યોમાં T-Mobile અને ભારતી એરટેલ યુરોપનો પણ સમાવેશ થાય છે.અરોરાએ બિઝનેસ ટાયકૂન કરમચંદ થાપરની પૌત્રી આયેશા થાપર સાથે લગ્ન કર્યા છે.
આ પણ વાંચો : Stanley Lifestyles IPO Listing : લિસ્ટિંગ સાથે રોકાણકારોને મળ્યું બમ્પર રિટર્ન, 35% પ્રીમિયમ પર લિસ્ટ થયો શેર