Multi Bagger Stocks: વર્ષ 2001 માં 60,000 ના બુલેટના બદલે તેની કંપનીના શેર ખરીદ્યા હોત, તો આજે તેની કિંમત થાય છે 7 કરોડ રૂપિયાથી વધારે
ઓક્ટોબર 2001માં રોયલ એનફિલ્ડ બાઇકની કિંમત આશરે 60,000 રૂપિયા હતી અને તે બુલેટને બનાવનારી કંપની આઈશર મોટર્સના 1 શેરની કિંમત 2 રૂપિયા હતી. હાલમાં NSE પર આઇશર મોટર્સના શેરની કિંમત 2600 રૂપિયાની આસપાસ છે.
શેરબજારમાં (Stock Market) કોઈ પણ રોકાણ જો લાંબા ગાળા (Long Term Investment) માટે કરવામાં આવે તો તે વધારે ફાયદાકારક રહે છે. ઈક્વિટી રોકાણમાં ધીરજ એ સૌથી મહત્વપૂર્ણ પરિબળ છે. લાંબા ગાળાનું રોકાણ હંમેશા ઈન્વેસ્ટરને અનપેક્ષિત વળતર આપી શકે છે. આપણે એક ઉદાહરણ દ્વારા આ રોકાણનો ફંડા સમજીએ. જો તમે વર્ષ 2001 માં 60,000 રૂપિયાના રોયલ એનફિલ્ડ બુલેટના બદલે તે બુલેટ બનાવનાર કંપની આઈશર મોટર્સના શેરની ખરીદી કરી હોત, તો આજે તેની વેલ્યુ 7 કરોડ રૂપિયાથી વધારે થાય છે.
આ સાંભળીને રોકાણકાર વિચારે છે કે જો તે સમયે ખરીદેલી પ્રોડક્ટને બદલે સ્ટોક ખરીદ્યો હોત તો તેઓ આજે કરોડપતિ બની ગયા હોત. ચાલો આપણે તેને વિગતવાર ગણતરી સાથે સમજીએ.
આઈશર મોટર્સના 1 શેરની કિંમત 2 રૂપિયા હતી
ઓક્ટોબર 2001માં રોયલ એનફિલ્ડ બાઇકની કિંમત આશરે 60,000 રૂપિયા હતી અને તે બુલેટને બનાવનારી કંપની આઈશર મોટર્સના 1 શેરની કિંમત 2 રૂપિયા હતી. હાલમાં NSE પર આઇશર મોટર્સના શેરની કિંમત 2600 રૂપિયાની આસપાસ છે. તે મૂજબ 22 વર્ષમાં આઇશર મોટર્સના શેરના ભાવ 1300 ગણા વધ્યા છે.
60,000 ના 7.80 કરોડ રૂપિયા થઈ ગયા હોત
તેનો અર્થ એ છે કે, જો કોઈ વ્યક્તિએ ઓક્ટોબર 2001 માં 60,000 રૂપિયામાં રોયલ એનફિલ્ડ બુલેટને બદલે આઈશર મોટર્સના શેરની ખરીદી કરી અને સ્ટોકમાં રોકાણ કર્યું હોત, તો હાલના બજાર ભાવ મૂજબ તે 60,000 ના 7.80 કરોડ રૂપિયા થઈ ગયા હોત.
60000 રૂપિયામાં 30,000 શેર આવે
2001 માં શેરનો ભાવ 2 રૂપિયા હતો એટલે 60000 રૂપિયામાં 30,000 શેર આવે. હાલમાં આઈશર મોટર્સના શેરનો ભાવ આપણે 2600 રૂપિયા લેખે ગણતરી કરીએ તો 30,000 x 2600 = 7,80,00,000 રૂપિયા થાય.
આ પણ વાંચો : Investment Tips : 30 વર્ષની વયથી રોકાણની શરૂઆત કરી નિવૃત્તિ સમયે મેળવો ₹10,00,00,000 નું ફંડ, સમજો ફોર્મ્યુલા
જો કોઈ રોકાણકારે રોયલ એનફિલ્ડ બાઈકને બદલે ઓક્ટોબર 2001માં મલ્ટિબેગર સ્ટોક આઈશર મોટર્સની ખરીદી હોત, તો તેની કિંમત 7.80 કરોડ રૂપિયા ગણાય. આટલા કરોડમાં તમે Audi Q2, BMW બાઈક અને BMW કારની ખરીદી કરી શકો છો. ત્યારબાદ પણ રોકાણકાર પાસે તેના બેંક ખાતામાં 5 કરોડ બચે છે. ભારતમાં Audi Q2 અને BMW કાર ખરીદવા માટે 2.80 કરોડ પૂરતા છે.
