શુભ મુહૂર્ત : વર્ષ પહેલા કારોબારી દિવસે સેન્સેક્સ 1000 અંક ઉછળ્યો
વર્ષ 2021 ના છેલ્લા દિવસે બજારમાં ખરીદી જોવા મળી હતી. ઇન્ડેક્સમાં સેન્સેક્સ અને નિફ્ટી બંને વધારા સાથે બંધ થયા છે. સેન્સેક્સ 460 પોઈન્ટ વધીને 58254 પર બંધ થયો હતો. નિફ્ટી 150 પોઈન્ટ વધીને 17354 પર બંધ થયો હતો
Share Market : વર્ષના પ્રથમ કારોબારી દિવસે આજે શેરબજારમાં જબરદસ્ત તેજી જોવા મળી છે. બોમ્બે સ્ટોક એક્સચેન્જ (BSE) સેન્સેક્સ 1000 પોઈન્ટ કરતા વધુ વધીને 59,266.39 સુધી પહોંચી ગયો છે. અગાઉના વર્ષના અંતિમ દિવસે શુક્રવારે પણ બજાર વધારા સાથે બંધ રહ્યું હતું.
આજના કારોબારની છેલ્લી સ્થિતિ Sensex 59,183.22 + 929.40 (1.60%) Nifty 17,637.10 + 283.05
વર્ષ 2021ના છેલ્લા સત્રમાં સેન્સેક્સ 58,253.82 જયારે નિફટી 17,354.05 ઉપર બંધ થયો હતો. વર્ષ 2022 ના પહેલા સત્રની શરૂઆત વધારા સાથે સેન્સેક્સ 58,310.09 જયારે નિફટીએ 17,387.15 ઉપર કરી હતો.
વૈશ્વિક સંકેત મિશ્ર
નવા વર્ષના પ્રથમ ટ્રેડિંગ દિવસે સ્થાનિક શેરબજાર માટે મિશ્ર વૈશ્વિક સંકેતો મિશ્ર મળ્યા હતા. આજના કારોબારમાં એશિયાના મુખ્ય બજારોમાં મિશ્ર વલણ જોવા મળ્યું હતું તો વર્ષ 2021 ના છેલ્લા ટ્રેડિંગ દિવસે અમેરિકન બજારો નબળા અને બંધ થયા હતા. શુક્રવારે ડાઉ જોન્સમાં 60 પોઈન્ટની નબળાઈ જોવા મળી હતી અને તે 36,338.30 પર બંધ થયો હતો. નાસ્ડેક 97 પોઈન્ટ નબળો પડીને બંધ રહ્યો હતો. S&P 500 ઈન્ડેક્સ 13 પોઈન્ટ ઘટીને 4,766.18 પર બંધ થયો હતો. સમગ્ર વર્ષ દરમિયાન, S&P 500 26.89%, ડાઉ 18.73% અને Nasdaq 21.39% વધ્યા છે.
FII અને DII ડેટા
શુક્રવારે વિદેશી સંસ્થાકીય રોકાણકારો (FII) એ બજારમાં રૂ. 575.39 કરોડનું રોકાણ કર્યું હતું. દરમિયાન ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DII) એ પણ બજારમાં રૂ. 1165.62 કરોડનું રોકાણ કર્યું હતું.
ઓટો સેલ્સ
મારુતિ, ટાટા મોટર્સ અને આઈશર મોટર્સનું ડિસેમ્બરનું વેચાણ અપેક્ષા કરતાં સારું રહ્યું છે. પરંતુ હીરો મોટો અને ટીવીએસ મોટરે અપેક્ષા કરતા ઓછ વાહન વેચ્યા છે. M&M અને એસ્કોર્ટ્સનું ટ્રેક્ટર વેચાણ પણ નબળું રહ્યું છે.
વર્ષના અંતિમ દિવસે બજારની સ્થિતિ
વર્ષ 2021 ના છેલ્લા દિવસે બજારમાં ખરીદી જોવા મળી હતી. ઇન્ડેક્સમાં સેન્સેક્સ અને નિફ્ટી બંને વધારા સાથે બંધ થયા છે. સેન્સેક્સ 460 પોઈન્ટ વધીને 58254 પર બંધ થયો હતો. નિફ્ટી 150 પોઈન્ટ વધીને 17354 પર બંધ થયો હતો. નિફ્ટી પર બેન્ક ઈન્ડેક્સ અને ફાઈનાન્શિયલ ઈન્ડેક્સ 1 ટકાથી વધુ મજબૂત થયા હતા. ઓટો ઈન્ડેક્સ 1.5 ટકા વધ્યો હતો. જ્યારે મેટલ ઇન્ડેક્સ લગભગ 2 ટકા મજબૂત થયો છે. ટોપ ગેઇનર્સમાં TITAN, ULTRACEMCO, KOTAKBANK, MARUTI, SBI, AXISBANK, BAJAJFINSV, HINDUNILVR, BAJFINANCE અને HDFCBANK નો સમાવેશ થયો હતો.
આ પણ વાંચો : LIC IPO : શું દેશની સૌથી મોટી વીમાકંપની સૌથી મોટા IPO નો વિક્રમ નહિ સર્જે? વાંચો વિગતવાર
