લિયોનેલ મેસ્સી બન્યો બાયજુનો બ્રાન્ડ એમ્બેસેડર, ભારે ખોટ વચ્ચે વૈશ્વિક બનવા કંપનીની તૈયારી

એડટેક કંપની બાયજુએવિશ્વ વિખ્યાત ફૂટબોલ ખેલાડી લિયોનેલ મેસ્સીને તેના સામાજિક પ્રભાવ એકમ ‘એજ્યુકેશન ફોર ઓલ’ માટે પ્રથમ વૈશ્વિક બ્રાન્ડ એમ્બેસેડર તરીકે નિયુક્ત કર્યા છે. કંપનીએ એક નિવેદનમાં આ જાણકારી આપી છે. BYJUએ એક નિવેદનમાં જણાવ્યું હતું કે પેરિસ સેન્ટ-જર્મેન અને આર્જેન્ટિનાની ફૂટબોલ ટીમ માટે ક્લબ ફૂટબોલના કેપ્ટન મેસ્સીએ BYJU સાથે શિક્ષણમાં સમાનતાને પ્રોત્સાહન આપવા માટે કરાર પર હસ્તાક્ષર કર્યા છે. બાયજુ દ્વારા મેસીને એવા સમયે બ્રાન્ડ એમ્બેસેડર બનાવવામાં આવ્યા છે જ્યારે કંપનીએ તાજેતરમાં 5000 લોકોને નોકરીમાંથી કાઢી મૂક્યા છે.

BYJUના સહ-સ્થાપક દિવ્યા ગોકુલનાથે, એ જણાવ્યું હતું કે, “અમે અમારા ગ્લોબલ બ્રાન્ડ એમ્બેસેડર તરીકે લિયોનેલ મેસ્સીને મળવા માટે ઉત્સાહિત અને સન્માનિત છીએ. તે ગ્રાસરૂટ લેવલથી સૌથી સફળ ખેલાડીઓમાંનો એક પણ બની ગયો છે. બાયજુ એજ્યુકેશન ફોર ઓલ (EFA) લગભગ 5.5 મિલિયન બાળકોને સમાન તક પૂરી પાડવા માંગે છે. મેસ્સી કરતાં વધુ સારી રીતે માનવ ક્ષમતાની શક્તિનું કોણ પ્રદર્શન કરી શકે છે.

મેસ્સીએ શું કહ્યું?

બાયજુ અને મેસ્સી વચ્ચેના કરારથી બાયજુ કંપનીને વિદેશમાં ઓળખ મળશે, કારણ કે વિશ્વભરમાં ફૂટબોલના લગભગ 3.5 અબજ ચાહકો છે. તે જ સમયે, લિયોનેલ મેસીના સોશિયલ મીડિયા પર લગભગ 450 મિલિયન ફોલોઅર્સ છે. “ઉચ્ચ ગુણવત્તાયુક્ત શિક્ષણ જીવનને બદલી નાખે છે અને બાયજુએ વિશ્વભરના લાખો વિદ્યાર્થીઓની કારકિર્દીનો માર્ગ બદલી નાખ્યો છે,” મેસ્સીએ કહ્યું. હું યુવાનોને પ્રેરણા આપવાની આશા રાખું છું. અગાઉ, બાયજુ કતારમાં યોજાનાર ફિફા વર્લ્ડ કપ 2022 માટે સત્તાવાર સ્પોન્સર બન્યું હતુ.

Web Stories View more

શું તમે જાણો છો દાંત પર કેટલી મિનીટ સુધી બ્રશ કરવું જોઈએ ?

ઉનાળામાં પાણીની પ્લાસ્ટિકની ટાંકીના પાણીને રાખો બરફ જેવુ, અપનાવો આ ટીપ્સ

Kesar Mango : ભારતની કેરી સૌથી વધારે ખવાઈ છે આ દેશમાં

Blood Pressure: આ વિટામિનની ઉણપને કારણે બ્લડપ્રેશર વધે છે! જાણો ક્યાં વિટામિનની ઉણપથી વધે છે બ્લડપ્રેશર!

આજનું રાશિફળ તારીખ : 11-05-2024

ભારતનું આ ગામ કે જ્યાં ભૂતોની થાય છે પૂજા ! જાણો શું છે કારણ

કંપનીને 4.5 હજાર કરોડનું નુકસાન થયું

અહીં આશ્ચર્યજનક બાબત એ છે કે મેસ્સીને બાયજુ દ્વારા એવા સમયે બ્રાન્ડ એમ્બેસેડર બનાવવામાં આવ્યા છે જ્યારે કંપનીએ તેના પાંચ ટકા કર્મચારીઓની છટણી કરી છે. બાયજુમાં 50,000 કર્મચારીઓ કામ કરતા હતા અને કંપનીએ લગભગ 2500 કર્મચારીઓને નોકરીમાંથી કાઢી મૂક્યા હતા. કંપનીએ કહ્યું કે નુકસાન ઘટાડવા અને નફો મેળવવા માટે આવું કરવામાં આવ્યું છે. નાણાકીય વર્ષ 2020-21માં કંપનીને 4,589 કરોડ રૂપિયાની ખોટ થઈ હતી.

જો કે હજુ સુધી કંપની દ્વારા એ નથી જણાવવામાં આવ્યું કે મેસ્સીને બ્રાન્ડ એમ્બેસેડર બનાવવા માટે કેટલા પૈસા આપવામાં આવ્યા હતા. પરંતુ આ પહેલીવાર નથી કે જ્યારે કંપનીએ પ્રમોશન અને બ્રાન્ડ એમ્બેસેડર માટે કોઈ મોટા નામ સાથે કરાર કર્યા હોય. અગાઉ 2017માં કંપનીએ બોલિવૂડ સુપરસ્ટાર શાહરૂખ ખાનને પોતાના બ્રાન્ડ એમ્બેસેડર બનાવ્યા હતા.