શું તમારા PAN CARD ની વિગતોમાં ભૂલ છે? ચિંતા ન કરશો ઘરે બેઠા આ ભૂલ સુધારી શકાય છે, જાણો રીત

જો તમારા પાન કાર્ડમાં કોઈ ભૂલ છે અને તમે તેને સુધારવા માંગો છો, તો તમારે આવકવેરા કચેરીની મુલાકાત લેવાની જરૂર નથી. તમે ઘરે બેસીને પાનની ભૂલો સુધારી શકો છો.

Symbolic Image

TV9 Gujarati | Edited By: Ankit Modi | Updated on: Mar 15, 2022 | 9:28 AM

PAN Card Correction Online: પરમેનન્ટ એકાઉન્ટ નંબર એટલે કે PAN CARD એ જરૂરી દસ્તાવેજ છે. પાન કાર્ડ ભારતીય કર વિભાગ દ્વારા જારી કરવામાં આવે છે. PAN કાર્ડમાં યુનિક 10 અંકના આલ્ફાન્યૂમેરિક નંબરો હોય છે. પાન કાર્ડનો ઉપયોગ ટેક્સ સંબંધિત કામ માટે જ નહીં પરંતુ ઓળખ કાર્ડ તરીકે પણ થાય છે. કેટલીકવાર એવી કેટલીક ભૂલો હોય છે જેને સુધારવામાં ન આવે તો પરેશાની થઈ શકે છે.આજકાલ પાન કાર્ડ અને આધાર કાર્ડ(Aadhaar Card)ને લિંક કરાવવું ફરજિયાત કરવામાં આવ્યું છે. જો પાન કાર્ડમાં કોઈ ભૂલ છે તો તેને આધાર કાર્ડ સાથે લિંક કરી શકાશે નહીં. કારણ કે PAN અને Aadhaar માં નામ અને જન્મ તારીખ એક જ હોવી જોઈએ. આધાર કાર્ડ અને પાન કાર્ડને લિંક કરવાની છેલ્લી તારીખ 31 માર્ચ છે.

જો તમારા પાન કાર્ડમાં કોઈ ભૂલ છે અને તમે તેને સુધારવા માંગો છો, તો તમારે આવકવેરા કચેરીની મુલાકાત લેવાની જરૂર નથી. તમે ઘરે બેસીને પાનની ભૂલો સુધારી શકો છો. PAN કાર્ડમાં ઘણીવાર જન્મતારીખ કે નામમાં ભૂલો હોય છે. તમે આ ભૂલો જાતે સુધારી શકો છો.

તમારું PAN કાર્ડ કેવી રીતે ઠીક કરવું ?

PAN કાર્ડ પર છપાયેલી જન્મ તારીખ અથવા નામમાં ભૂલ સુધારવા માટે તમારે પહેલા આવકવેરા વિભાગના ટેક્સ ઇન્ફોર્મેશન નેટવર્ક https://www.onlineservices.nsdl.com/paam/endUserRegisterContact.html પર જવું પડશે. અહીં અરજીના પ્રકાર પર જાઓ અને Changes or Correction in existing PAN Data/Reprint of PAN Card પર ક્લિક કરો.

અહીં તમારી પાસેથી જે પણ માહિતી માંગવામાં આવી છે તે ભરો અને સાચો કેપ્ચા કોડ દાખલ કરીને સબમિટ કરો. તે પછી તમારે આધાર, પાસપોર્ટ અથવા અન્ય દસ્તાવેજો અપલોડ કરવાના રહેશે. પછી તમને પેમેન્ટ કરવા માટે કહેવામાં આવશે.

પેમેન્ટ કર્યા પછી તમને બેંક રેફરન્સ નંબર અને ટ્રાન્ઝેક્શન નંબર મળશે. આ માહિતી સાચવો અને પછી ચાલુ Continue પર ક્લિક કરો. પછી તમારે એક ફોર્મ ભરવું પડશે જેમાં તમારે પાન કાર્ડની ભૂલ વિશે જણાવવાનું છે જેને તમે સુધારવા માંગો છો. ફક્ત તે વિગતો ભરો અને બધી જરૂરી માહિતી સબમિટ કરો. થોડા દિવસોમાં તમને તમારું પાન કાર્ડ સુધારણા સાથે મળી જશે.

પાન કાર્ડ સંબંધિત કોઈપણ માહિતી માટે તમે NSDL હેલ્પલાઈન નંબર 1800-180-1961 અને 020-27218080 પર સંપર્ક કરી શકો છો. આ સિવાય તમે આવકવેરા વિભાગના ઈ-મેલ આઈડી efilingwebmanager@incometax.gov.in અને tininfo@nsdl.co.in પર પણ લખી શકો છો.