IRFC IPO LISTING: ઇશ્યૂ પ્રાઈઝનાં 4% નીચે 25 રૂપિયા પર લિસ્ટ થયો શેર
IRFC IPO Listing : આજે શેરબજારમાં વધુ એક સ્ટોક લિસ્ટેડ થયો છે. સરકાર દ્વારા સંચાલિત ઇન્ડિયન રેલ્વે ફાઇનાન્સ કોર્પોરેશન (IRFC) ના શેર આજે NSE 4% ડિસ્કાઉન્ટ સાથે રૂ 24.90 પર લિસ્ટેડ થયો છે. BSE પર શેરની લિસ્ટિંગ 25 રૂપિયા કરવામાં આવી છે.
IRFC IPO Listing : આજે શેરબજારમાં વધુ એક સ્ટોક લિસ્ટેડ થયો છે. સરકાર દ્વારા સંચાલિત ઇન્ડિયન રેલ્વે ફાઇનાન્સ કોર્પોરેશન (IRFC) ના શેર આજે NSE 4% ડિસ્કાઉન્ટ સાથે રૂ 24.90 પર લિસ્ટેડ થયો છે. BSE પર શેરની લિસ્ટિંગ 25 રૂપિયા કરવામાં આવી છે.
IRFCનો આઈપીઓ 18 જાન્યુઆરીએ ખુલ્યો હતો અને 20 જાન્યુઆરીએ બંધ થયો હતો. આ આઈપીઓ લગભગ સાડા ત્રણ વખત ભરાયો હતો. તેનો QIB હિસ્સો 3.78 ગણો, NII હિસ્સો 2.67 વખત, RII 3.66 વખત અને કર્મચારીનો હિસ્સો 43.76 ગણો ભરાયો હતો.
આ આઈપીઓનો પ્રાઈસ બેન્ડ શેર દીઠ 25-26 રૂપિયા હતો. આ 2021 નો પહેલો આઈપીઓ હતો. કંપનીએ આ આઈપીઓથી 46,00 કરોડ રૂપિયા ઉભા કર્યા છે. આઈપીઓ પછી, કંપનીમાં સરકારનો હિસ્સો ઘટીને 86.4 ટકા થશે.
IRFCનો આ આઈપીઓ દેશની નોન-બેંકિંગ ફાઇનાન્સિયલ કંપની (NBFC) નો પહેલો આઈપીઓ છે. IRFC જાહેર ક્ષેત્રમાં પ્રથમ NBFC છે. રેલ્વે વિભાગની ઇન્ડિયન રેલ્વે કેટરિંગ ટૂરિઝમ કોર્પોરેશન (IRCTC) પહેલા જ આઈપીઓ લાવી ચૂકી છે. જ્યારે RailTEL નો આઈપીઓ ટૂંક સમયમાં આવી રહ્યું છે.
IRFCએ આ આઈપીઓ હેઠળ એન્કર રોકાણકારો પાસેથી 1,390 કરોડ રૂપિયા એકઠા કર્યા છે. કંપનીની સ્થાપના વર્ષ 1986 માં થઈ હતી. આઈઆરએફસી સ્થાનિક અને વિદેશી બજારોમાંથી ભારતીય રેલ્વે માટે નાણાં એકત્રિત કરવાનું કામ કરે છે.
કંપની આઇપીઓમાંથી એકત્ર કરેલા ભંડોળનો ઉપયોગ ભાવિ વ્યવસાયિક મૂડી આવશ્યકતાઓ અને વ્યવસાય વૃદ્ધિ માટેના તેના કોર્પોરેટ ખર્ચને પહોંચી વળવા કરશે.
