India-US Trade Deal: ‘ટ્રેડ ડીલ’ થી હાર્લી-ડેવિડસન બાઇક્સ ભારતમાં થશે ડ્યુટી-ફ્રી એન્ટ્રી! કારની ડ્યુટીમાં પણ થશે ઘટાડો

ભારત-અમેરિકા ટ્રેડ ડીલ : ભારત અને અમેરિકા વચ્ચેની ટ્રેડ ડીલ હેઠળ, ભારતે 800 cc થી 1,600 cc સુધીની એન્જિન ક્ષમતા ધરાવતી હાર્લી-ડેવિડસન મોટરસાઇકલ્સ પર આયાત શુલ્ક નાબુદ કરવાનો નિર્ણય લીધો છે. આ ડીલમાં અમેરિકન luxurious કાર પર પણ આયાત કરવામાં આવતાં શુલ્કમાં પણ ઘટાડો થશે.  જો કે વિદ્યુત વાહનો (ઇલેક્ટ્રિક વ્હીકલ્સ) માટે કોઈ પણ શુલ્ક છૂટછાટ આપવામાં આવી નથી.

હાર્લી-ડેવિડસન બાઇકસ પર ડ્યુટી થઇ 0%

આ છૂટછાટો ડીલ સાઇન થતા પછી તરત અમલમાં આવશે, જે અંદાજે માર્ચ મહિનામાં થાય એવી શક્યતા છે. અમેરિકાએ આગામી અઠવાડિયે એક્ઝિક્યુટિવ ઓર્ડર જાહેર કર્યા બાદ, ભારતીય નિકાસ પરના શુલ્ક 18% સુધી ઘટી જશે. અન્ય છૂટછાત અને ભારત તરફથી કોઈપણ અનુરૂપ ઘટાડા ત્યારે જ લાગુ પડશે જયારે આ ટ્રેડ ડીલ પર સત્તાવાર રીતે સાઇન કરવામાં આવશે.

બીજી ઉચ્ચ-ગુણવત્તાવાળી આંતરિક દહન એન્જિન (ICE) ધરાવતી કારોને ભારત 3,000 ccથી વધુ એન્જિન ક્ષમતા ધરાવતી કાર માટે આયાત શુલ્ક 110% ઘટાવીને 30% કરે છે. લોઅર અને મિડ-ટિયર ઓટોમોબાઈલ્સને આ ડીલ હેઠળ શુલ્ક છૂટછાટો મળશે નહીં. આના બદલામાં, ભારતને ઓટોમોબાઈલ પાર્ટ્સની નિકાસ માટે પ્રેફરેનશિયલ ટૅરિફ-રેવિન્યૂ કોટા (preferential tariff-rate quota) મળશે.

કેન્દ્રીય વેપાર મંત્રી પિયૂષ ગોયલએ જણાવ્યું કે જયારે તાત્કાલિક વેપાર કરાર અમલમાં આવશે, ત્યારે કેટલીક ભારતીય ઓટો પાર્ટ્સ USમાં શૂન્ય દર સાથે મળી શકશે, તો કેટલાક પર 18%નો ટેક્સ લગાડવામાં આવશે.

વિદેશી ઉત્પાદકોએ ભારતીય બજારમાં વધુ અનુકૂળ એન્ટ્રી મેળવી શકશે

ભારતએ યુરોપિયન યૂનિયન અને યુનાઇટેડ કિંગડમ (India UK Trade Deal) સાથે પણ સમાન શરતો પર ડિલ સાઇન કરી છે. આ કરાર હેઠળ, યુરોપિયન લક્ઝરી વાહનો પરનો આયાત કર ધીરે ધીરે વર્ષો દરમિયાન ઘટાડવામાં આવશે, અને કેટલાક વિસ્તારમાં આ દર 10%ની આસપાસ પહોંચી શકે છે. જેના કારણે વિદેશી ઉત્પાદકોએ ભારતીય બજારમાં વધુ અનુકૂળ એન્ટ્રી મેળવી શકશે.

T20 World Cup Breaking : સૂર્યકુમાર યાદવના દમ પર જીત્યું ભારત, T20 વર્લ્ડ કપ 2026 ની પહેલી મેચમાં USA ને હરાવ્યું