GST Collection: સરકારને જૂન મહિનામાં 1.61 લાખ કરોડનું ટેક્સ કલેક્શન કર્યું, ફરી બનાવ્યો નવો રેકોર્ડ

જૂન મહિનામાં ભારત સરકારનું GST કલેક્શન 12% વધીને રૂ. 1.61 લાખ કરોડ થયું છે. અગાઉ એપ્રિલ 2023માં ભારતમાં 1.87 લાખ કરોડ રૂપિયાનું GST કલેક્શન થયું હતું, જ્યારે મે મહિનામાં ભારત સરકારનું GST કલેક્શન 1,57,090 કરોડ રૂપિયા હતું. દેશમાં GST લાગુ થયાને 6 વર્ષ થઈ ગયા છે. ભારતમાં ટેક્સેશનના ઈતિહાસમાં GSTની રજૂઆત એક મહત્વપૂર્ણ સીમાચિહ્નરૂપ સાબિત થઈ છે.

આ પણ વાંચો : GST Rates: મોબાઈલથી લઈને TV સુધી આ ઈલેક્ટ્રોનિક વસ્તુઓ થઈ સસ્તી, જીએસટી દરમાં થયો ઘટાડો

નાણા મંત્રાલયે શનિવારે જણાવ્યું હતું કે જૂનમાં ભારતનું GST કલેક્શન રૂ. 1,61,497 કરોડ હતું, જે વાર્ષિક ધોરણે 12 ટકાનો વધારો દર્શાવે છે. માસિક જીએસટી કલેક્શન સતત 15મા મહિને રૂ. 1.4 લાખ કરોડને પાર કરી ગયું છે. દેશમાં GST લાગુ થયા બાદ છઠ્ઠી વખત GST કલેક્શન 1.6 લાખ કરોડને વટાવી ગયું છે. આનાથી સ્પષ્ટ થાય છે કે GST કલેક્શનથી સરકારની કમાણી સતત વધી રહી છે.

જૂન મહિનામાં કુલ GST કલેક્શન 161497 કરોડ રૂપિયા હતું. જેમાં સેન્ટ્રલ જીએસટી રૂ. 31013 કરોડ અને સ્ટેટ જીએસટી રૂ. 38292 કરોડ હતો. IGST રૂ. 80292 કરોડ હતો. જેમાં 39035 કરોડ રૂપિયા આયાત અને 11900 કરોડ સેસથી આવ્યા છે.

CAT એ GSTના વખાણ કર્યા

કોન્ફેડરેશન ઓફ ઓલ ઈન્ડિયા ટ્રેડર્સ (CAT) એ શનિવારે GSTની નવેસરથી સમીક્ષા કરતી વખતે જણાવ્યું હતું કે કાયદાની અતિરેક ઘટાડવા અને પરોક્ષ કર પ્રણાલી હેઠળ વેપારીઓને નિયંત્રિત કરવા માટે એક વિશેષ કર દળની રચના કરવી જોઈએ. જેમાં વરિષ્ઠ સરકારી અધિકારીઓ ઉપરાંત ઉદ્યોગપતિઓ અને પ્રતિનિધિઓને સામેલ કરવા જોઈએ. આ સિવાય CATએ દેશમાં GSTના છ વર્ષ પૂર્ણ થવાને ઐતિહાસિક સફળતા ગણાવી છે.