ભારત બોન્ડ ETFમાં ફરી મળશે રોકાણની તક, ડિસેમ્બરમાં રોકી શકાશે નાણાં
Bharat Bond ETF: સરકાર ડિસેમ્બર સુધીમાં ભારત બોન્ડ ઈટીએફમાંથી 10,000 કરોડ રૂપિયા એકત્ર કરી શકે છે. આ રકમનો ઉપયોગ સેન્ટ્રલ પબ્લિક સેક્ટર અંડરટેકિંગ્સ (CPSEs)ની વૃદ્ધિ યોજના માટે કરવામાં આવશે.
જો તમે બજારમાં રોકાણ કરીને સારી કમાણી કરવા માંગો છો તો તમારા માટે આ એક સારી તક છે. સરકાર ભારત બોન્ડ ETFનો (Bharat Bond ETF) આગામી હપ્તો ડિસેમ્બર સુધીમાં લાવી શકે છે. નાણાં મંત્રાલયના (Finance Minister) એક વરિષ્ઠ અધિકારીએ આ માહિતી આપી. અધિકારીએ કહ્યું કે સરકાર ડિસેમ્બર સુધીમાં ભારત બોન્ડ ઈટીએફમાંથી 10,000 કરોડ રૂપિયા એકત્ર કરી શકે છે. આ રકમનો ઉપયોગ સેન્ટ્રલ પબ્લિક સેક્ટર અંડરટેકિંગ્સ (CPSEs)ની વૃદ્ધિ યોજના માટે કરવામાં આવશે.
અધિકારીએ જણાવ્યું હતું કે કેન્દ્રીય જાહેર ક્ષેત્રના ઉપક્રમોની ભંડોળની જરૂરિયાતનું મૂલ્યાંકન કરવામાં આવી રહ્યું છે અને વર્તમાન કેલેન્ડર વર્ષના અંત પહેલા એક્સચેન્જ ટ્રેડેડ ફંડ (ETF)નો ત્રીજો હપ્તો રજૂ કરવામાં આવશે. તેમણે કહ્યું, હમણાં અમે આ રકમ ફાઈનલ કરી રહ્યા છીએ. પરંતુ તે 10,000 કરોડ રૂપિયાથી વધુ હશે. ભારત બોન્ડ ઈટીએફ એ એક્સચેન્જ ટ્રેડેડ ફંડ છે જે જાહેર ક્ષેત્રની કંપનીઓના બોન્ડમાં રોકાણ કરે છે. ETF હાલમાં માત્ર ‘AAA’ રેટેડ બોન્ડમાં જ રોકાણ કરે છે.
ETF દ્વારા એકત્ર કરાયેલા નાણાંનો ઉપયોગ સીપીએસઈ (CPSE) અથવા જાહેર ક્ષેત્રની બેંકોના દેવાને એકઠું કરવા માટેની યોજનામાં થાય છે. આ તેમની મૂડી ખર્ચની જરૂરિયાતને પણ પૂર્ણ કરે છે. એડલવાઈસ એસેટ મેનેજમેન્ટ સ્કીમના ફંડ મેનેજર છે.
પ્રથમ અને બીજા હપ્તામાંથી ઘણા કરોડ એકઠા થયા
જણાવી દઈએ કે ભારત બોન્ડ ETFનો બીજો હપ્તો જુલાઈ 2020માં લોન્ચ કરવામાં આવ્યો હતો. તે ત્રણ ગણાથી વધુ ઓવરસબ્સ્ક્રાઇબ થયું હતું અને સરકારે તેમાંથી 11,000 કરોડ રૂપિયા એકત્ર કર્યા હતા. સરકારને ડિસેમ્બર 2019માં તેની પ્રથમ ઓફરમાં લગભગ 12,400 કરોડ રૂપિયા મળ્યા હતા. ભારત બોન્ડ ETF તેના બીજા હપ્તામાં 5 અને 12 વર્ષના પાકતી મુદતના વિકલ્પો ઓફર કર્યા હતા, જ્યારે પ્રથમ હપતામાં પાકતી મુદતના વિકલ્પો 3 અને 10 વર્ષ માટે હતા.
ભારત બોન્ડ ETFની ખાસ બાબતો
- તે દેશનું પ્રથમ કોર્પોરેટ બોન્ડ એક્સચેન્જ ટ્રેડેડ ફંડ (ETF) છે.
- રોકાણકારો ભારત બોન્ડ ETFમાં ઓછામા ઓછું 1,000 રૂપિયા જેટલું રોકાણ કરી શકે છે. આ પછી 1,000ના ગુણાંકમાં રોકાણ કરી શકાય છે.
- એક્સચેન્જ ટ્રેડેડ ફંડ માત્ર જાહેર ક્ષેત્રના AAA રેટેડ બોન્ડમાં રોકાણ કરશે.