ગૌતમ અદાણી માટે એક ગુડ ન્યુઝ, એક બેડ ન્યુઝ, જાણો કંપનીની હાલની સ્થિતી વિશે

નેશનલ સ્ટોક એક્સચેન્જ (NSE) એ અદાણી ગ્રુપને એક સારા સમાચાર આપ્યા છે. બે ગ્રુપ કંપનીઓ અદાણી વિલ્મર અને અદાણી પાવરના શેર ટૂંક સમયમાં NSEના વિવિધ ઇન્ડેક્સનો હિસ્સો બનશે. આનાથી અદાણી ગ્રૂપની આ કંપનીઓ વિશે લોકોમાં થોડો વિશ્વાસ વધવાની અપેક્ષા છે. કોઈપણ રીતે હિંડનબર્ગ રિસર્ચ રિપોર્ટ બહાર આવ્યો ત્યારથી અદાણી ગ્રૂપ બજારમાં વિશ્વાસના અભાવનો સામનો કરી રહ્યું છે.

નેશનલ સ્ટોક એક્સચેન્જનું કહેવું છે કે તે 31 માર્ચ 2023થી તેના ઈન્ડેક્સમાં અદાણી વિલ્મર અને અદાણી પાવરનો સમાવેશ કરી શકે છે. આ માટે તમામ તૈયારીઓ કરી લેવામાં આવી છે.

આ ઈન્ડેક્સમાં અદાણીની કંપનીઓનો સમાવેશ કરવામાં આવશે.

પીટીઆઈના સમાચાર મુજબ, અદાણી ગ્રુપના અદાણી વિલ્મરને Nifty Next 50 અને Nifty 100 માં સ્થાન આપવામાં આવશે અને અદાણી પાવરનો સમાવેશ Nifty 500, Nifty 200, Nifty Midcap 100, Nifty Midcap 150, Nifty Large Midcap 250 અને Nifty Mid-Smallcap 400 સ્ટોક ઈન્ડેક્સમાં થશે.

આ માટે સ્ટોક ઈન્ડેક્સમાં ફેરફાર કરવામાં આવી રહ્યા છે, જે આવતા મહિને 31 માર્ચ, 2023થી લાગુ થશે. જો કે, નેશનલ સ્ટોક એક્સચેન્જ તેના મુખ્ય ઇન્ડેક્સ Nifty 50માં હાલ કોઈ ફેરફાર કરવા જઈ રહ્યું નથી.

આ કંપનીઓને પણ સ્થાન મળશે

અદાણી વિલ્મર ઉપરાંત એબીબી ઈન્ડિયા, કેનેરા બેંક, પેજ ઈન્ડસ્ટ્રીઝ અને વરુણ બેવરેજીસ, બંધન બેંક, બાયોકોન, ગ્લેન્ડ ફાર્મા, એમફેસિસ અને વન 97 કોમ્યુનિકેશન (પેટીએમ)ના શેર પણ નિફ્ટી નેક્સ્ટ 50 ઈન્ડેક્સમાં સામેલ થશે.

રીચ લીસ્ટમાં ગૌતમ અદાણી 25મા નંબરે પહોંચ્યા

અદાણી ગ્રુપના ચેરમેન ગૌતમ અદાણીની નેટવર્થમાં સતત ઘટાડો થઈ રહ્યો છે. શુક્રવારે, સપ્તાહના છેલ્લા ટ્રેડિંગ દિવસે, ગ્રૂપની 10 શેરમાંથી છ તેજી જોવા મળી, પરંતુ ચારમાં ઘટાડો થયો હતો. બ્લૂમબર્ગ બિલિયોનેર ઈન્ડેક્સ અનુસાર અદાણીની નેટવર્થ $1.15 બિલિયન ઘટીને $49.1 બિલિયન થઈ છે. અદાણી હવે વિશ્વના અમીરોની યાદીમાં 25માં નંબરે સરકી ગયા છે.