Gold Demand : સોનુ સસ્તું થતા ભારતીયોએ જબરદસ્ત ખરીદી કરી, માંગમાં 37% નો વધારો આવ્યો

કોરોના(Corona) મહામારી દરમ્યાન ભારતીયો સોના(Gold)ની ભારે ખરીદી કરી રહ્યા છે. આ જ કારણ છે કે જાન્યુઆરી-માર્ચ ત્રિમાસિક ગાળામાં દેશમાં સોનાની માંગ વાર્ષિક ધોરણે 37% વધી 140 ટન થઈ છે. ગયા વર્ષે સમાન ક્વાર્ટરમાં સોનાની કુલ માંગ 102 હતી.

ભારતમાં સોનાની માંગ ગત વર્ષના સમાન સમયગાળાની તુલનામાં જાન્યુઆરીથી માર્ચ 2021 ના ​​ત્રિમાસિક ગાળામાં 37 ટકા વધીને 140 ટન થઈ છે. આ સમયગાળા દરમિયાન કોવિડ -19 સંબંધિત પ્રતિબંધોમાં રાહત, સોનાના ભાવમાં નરમાશ અને માંગ વધવાને કારણે તેજી જોવા મળી હતી. વર્લ્ડ ગોલ્ડ કાઉન્સિલ (WGC ) એ આ માહિતી જારી કરી છે.

WGC ના ડેટા અનુસાર 2020 ના પહેલા ક્વાર્ટરમાં સોનાની કુલ માંગ 102 ટન હતી. મૂલ્યની દ્રષ્ટિએ પ્રથમ ક્વાર્ટરમાં સોનાની માંગ 57 ટકા વધીને રૂ. 58,800 કરોડ થઈ છે. જે એક વર્ષ અગાઉ સમાન ક્વાર્ટરમાં રૂ 37,580 કરોડ હતું.

Web Stories View more

IPL 2024માં સુનિલ નારાયણની બેટિંગનો જાદુ, જુઓ ક્યારે શું કર્યું

રસોડાના ફ્લોર પર પડેલા સિલિન્ડરના ડાઘ આ રીતે કરો સાફ

SBI પાસેથી 5 વર્ષ માટે રૂપિયા 25 લાખની હોમ લોન પર EMI કેટલી ચૂકવવી પડશે?

ગરમીમાં કોલ્ડ ડ્રિંક પીતા લોકો સાવધાન ! સ્વાસ્થ્ય પર થશે તેની ગંભીર અસરો

કરીના કપૂરને મળી મોટી જવાબદારી, જુઓ ફોટો

ઘરમાં એકથી વધુ તુલસીના છોડ રાખવા જોઈએ કે નહીં? જાણી લો

જાન્યુઆરી-માર્ચ 2020 દરમિયાન સોનાના ઝવેરાતની કુલ માંગ 39 ટકા વધીને 102.5 ટન થઈ છે. એક વર્ષ પહેલાં તે 73.9 ટન હતું. જો આપણે કિંમતની વાત કરીએ તો ઝવેરાતની માંગ 58 ટકા વધીને રૂ. 43,100 કરોડ થઈ છે, જે ગયા વર્ષના 27,230 કરોડ રૂપિયા હતી.

આ સમયગાળા દરમિયાન સોનામાં રોકાણની માંગ 34 ટકા વધીને 37.5 ટન થઈ છે, જે અગાઉના વર્ષના 28.1 ટન હતી. બીજી તરફ મૂલ્યની દ્રષ્ટિએ તે એક વર્ષ અગાઉની સરખામણીએ 53 ટકા વધીને 15,780 કરોડ રૂપિયા થઈ ગયું છે જે ગયા વર્ષે 10,350 કરોડ રૂપિયા હતું.

9000 રૂપિયા સુધી કિંમતમાં ઘટાડો થયો ઓગસ્ટ 2020 માં કોરોનાના પ્રથમ તબક્કામાં સોનાના ભાવ 10 ગ્રામ દીઠ રૂ 56000 ની સપાટીએ પહોંચ્યાં હતા. જો કે આ પછી કિંમતોમાં ઘટાડો થયો છે અને સોનું 47000 થી 48000 રૂપિયાની વચ્ચે પહોંચી ગયું છે. આ રીતે ગયા વર્ષે ઓગસ્ટથી સોનું લગભગ 9000 રૂપિયા સસ્તુ થયું છે. જોકે એપ્રિલમાં સોનામાં આશરે 4000 રૂપિયા જેટલો વધારો થયો છે.

રસીકરણ બાદ ખરીદીમાં વધારો થયો સંક્રમણ વચ્ચે સોનાની ખરીદી અંગે ગ્રાહકોની સમજમાં ભારતમાં રસીકરણએ સુધારો દર્શાવ્યો હતો. સોનાના ભાવમાં નરમાશ, આર્થિક પ્રવૃત્તિમાં ઉછાળો અને લગ્ન સમારોહને કારણે સોનાની માંગમાં વધારો થયો છે.