Go First ની એરલાઇન્સની ફ્લાઇટ્સના ઉડવાના હજુ કોઇ એંધાણ નથી, flight 30 મે સુધી રદ રહેશે
GoFirst એરલાઇન્સની ફ્લાઇટ્સ(flight) ફરી શરૂ થવામાં વધુ સમય લાગી શકે છે. કંપનીના નવા નિર્ણય મુજબ 30 મે સુધી ફ્લાઈટ્સ કેન્સલ રહેશે. કંપનીએ તેનું કારણ પણ આપ્યું છે.
બજેટ એરલાઇન્સ GoFirst એ જાહેરાત કરી છે કે તેની તમામ ફ્લાઇટ્સ 30 મે સુધી રદ રહેશે. કંપનીનું કહેવું છે કે તે શક્ય તેટલી વહેલી તકે તમામ મુસાફરોને રિફંડ પણ જારી કરશે. કંપનીએ ફ્લાઈટ કેન્સલ કરવાનું કારણ ‘ઓપરેશનલ’ જણાવ્યું છે. કંપનીએ તેના ઓફિશિયલ ટ્વિટર એકાઉન્ટ પર ફ્લાઈટ્સ કેન્સલ થવાની માહિતી શેર કરી છે. 3 મેથી GoFirst ફ્લાઇટ્સ સતત રદ કરવામાં આવી રહી છે.
Due to operational reasons, Go First flights until 30th May 2023 are cancelled. We apologise for the inconvenience caused and request customers to visit https://t.co/W9zQ6X3vmu for more information. For any queries or concerns, please feel free to contact us. pic.twitter.com/norPCJLYD1
— GO FIRST (@GoFirstairways) May 26, 2023
રજાઓ દરમિયાન પ્રવાસની યોજનાઓ બગડી રહી છે
ઉનાળામાં શાળાની રજાઓ હોય છે, તેથી ઘણા પરિવારો આ સિઝનમાં મુસાફરી કરવાનું આયોજન કરે છે. GoFirst એ પોતાના નિવેદનમાં ઉલ્લેખ કર્યો છે કે લોકોની મુસાફરીની યોજનાઓ બગાડવામાં આવી છે.
GoFirst એ લખ્યું છે કે અમે સ્વીકારીએ છીએ કે ફ્લાઈટ્સ કેન્સલ થવાને કારણે તમારી મુસાફરીની યોજનાઓ ખોરવાઈ ગઈ છે. અમે તમને જરૂરી તમામ મદદ પૂરી પાડવા માટે પ્રતિબદ્ધ છીએ.
આ પણ વાંચો :Petrol-Diesel Price Today : આજે તમારા શહેરમાં વાહનના ઇંધણની કિંમત શું છે? આ રીતે તપાસો
ટૂંક સમયમાં બુકિંગ શરૂ થશે
કંપનીએ લોકોને એવી પણ માહિતી આપી છે કે તેણે કંપનીની સમસ્યાઓના તાત્કાલિક નિરાકરણ માટે અને કામગીરીને પુનઃજીવિત કરવા માટે અરજી દાખલ કરી છે. તે ટૂંક સમયમાં બુકિંગ ફરી શરૂ કરશે.
એવિએશન સેક્ટર રેગ્યુલેટર ડિરેક્ટોરેટ જનરલ ઓફ સિવિલ એવિએશન (DGCA) એ બુધવારે GoFirstને એક વ્યાપક પુનર્ગઠન પ્લાન તૈયાર કરવા જણાવ્યું હતું. આ સાથે એ પણ જણાવવા માટે કહેવામાં આવ્યું છે કે તે તેની ફ્લાઈટ્સ ફરીથી ક્યારે શરૂ કરશે, આ માટે એક ટકાઉ યોજના પણ આપો.
નાદારી ટાળવાનો પ્રયાસ
GoFirst એ પોતાની સામે નાદારીની કાર્યવાહી શરૂ ન થાય તે માટે NCLT પાસેથી રાહત માંગી હતી. આ સંદર્ભમાં, તેમની અરજી પર, NCLTએ 10 મેના રોજ આદેશ આપ્યો અને કંપનીને રાહત આપી.
પ્રેટ એન્ડ વ્હિટની કંપનીના ખરાબ એન્જિનના કારણે GoFirstને તેની ફ્લાઈટ્સ સેવા યોગ્ય રીતે ચલાવવામાં મુશ્કેલી પડી રહી છે. જેના કારણે કંપની નાદારીની સ્થિતિ બની છે. કંપનીના 54 એરક્રાફ્ટમાંથી અડધા એરક્રાફ્ટ ખરાબ એન્જિનને કારણે ઉડી શકતા નથી.
બિઝનેસના તમામ સમાચાર વાંચવા માટે અહીં ક્લિક કરો
