EPFO: ઇન્ટરનેટ વગર પણ કરી શકાશે PF Account Balance Check, જાણો સંપૂર્ણ પ્રક્રિયા
નોંધનીય છે કે તમે PF બેલેન્સ તપાસવા માટે EPFOની સત્તાવાર વેબસાઇટ પર પણ જઈ શકો છો. પરંતુ કેટલીકવાર ટ્રેનમાં મુસાફરી કરતી વખતે અથવા ખરાબ નેટવર્કને કારણે PF બેલેન્સ ચેક કરવામાં સમસ્યા આવે છે.
દેશમાં સંગઠિત ક્ષેત્રમાં મોટી સંખ્યામાં લોકો કામ કરે છે. સરકારી અથવા ખાનગી ક્ષેત્રની કંપનીઓમાં કામ કરતા લોકોના પગારમાંથી એક હિસ્સો કાપીને એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)માં જમા કરવામાં આવે છે. આવી સ્થિતિમાં PFમાં જમા કરાયેલી રકમ કર્મચારીઓની ભવિષ્યની થાપણો છે. કર્મચારીના આકસ્મિક મૃત્યુના કિસ્સામાં અથવા કોઈપણ કટોકટીના કિસ્સામાં ખાતાધારક અથવા તેના નોમિની પૈસા ઉપાડી શકે છે. EPFO ખાતાધારકોને સમય-સમય પર કહેવામાં આવે છે કે PF ખાતામાં જમા થયેલી રકમ થોડા દિવસોના અંતરાલ પર તપાસ(PF Account Balance Check) કરવી જોઈએ. આમ કરવાથી કોઈ પણ પ્રકારની છેતરપિંડી થાય તો ખાતાધારકને તેની જાણ થઈ જાય છે.
નોંધનીય છે કે તમે PF બેલેન્સ તપાસવા માટે EPFOની સત્તાવાર વેબસાઇટ પર પણ જઈ શકો છો. પરંતુ કેટલીકવાર ટ્રેનમાં મુસાફરી કરતી વખતે અથવા ખરાબ નેટવર્કને કારણે PF બેલેન્સ ચેક કરવામાં સમસ્યા આવે છે. આવી સ્થિતિમાં તમે ખાતાધારકના PF બેલેન્સને તપાસવા માટે SMS અથવા મિસ્ડ કૉલની મદદ લઈ શકો છો. આ માટે તમારા PF ખાતામાં મોબાઈલ નંબર રજીસ્ટર્ડ હોવો જરૂરી છે. જાણો એસએમએસ દ્વારા પીએફ એકાઉન્ટ ચેક કરવાની પ્રક્રિયા વિશે
મેસેજ દ્વારા આ રીતે બેલેન્સ ચેક કરો
તમને જણાવી દઈએ કે તમે SMS દ્વારા બેલેન્સ ત્યારે જ ચેક કરી શકો છો જ્યારે તમારા પીએફ એકાઉન્ટમાં રજિસ્ટર્ડ મોબાઈલ નંબર રજીસ્ટર હશે. SMS દ્વારા બેલેન્સની માહિતી મેળવવા માટે EPFO UAN LAN (જે ભાષામાં તમે માહિતી મેળવવા માંગો છો) તેને 7738299899 પર મોકલો. હિન્દીમાં માહિતી મેળવવા માટે HIN, અને અંગ્રેજી માટે ENG કોડનો ઉપયોગ કરી શકો છો. આ મેસેજ મોકલ્યાની બેથી ત્રણ મિનિટમાં તમને PF Balance સંબંધિત માહિતી મળી જશે.
મિસ્ડ કોલ દ્વારા આ રીતે બેલેન્સ ચેક કરો
મિસ્ડ કોલ દ્વારા પણ પીએફ બેલેન્સની માહિતી મેળવવા માટે તમે તમારા રજીસ્ટર્ડ મોબાઈલ નંબર પરથી 011-22901406 પર મિસ્ડ કોલ કરી શકો છો. આ પછી તમને એક કોલ આવશે જેના દ્વારા તમારા ખાતામાં જમા થયેલી રકમ વિશે માહિતી આપવામાં આવશે.
