EPFO એ જુલાઈમાં 18.75 લાખ સભ્યો જોડયા, ESIC માં પણ 19.88 લાખ સભ્યો ઉમેરાયા

એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ જુલાઈ 2023 માં 18.75 લાખ સભ્યો ઉમેર્યા છે. કોઈપણ એક મહિનામાં સંસ્થામાં જોડાયેલ સભ્યોની આ મહત્તમ સંખ્યા છે. સંગઠિત ક્ષેત્રમાં કર્મચારીઓ વિશે બુધવારે જાહેર કરાયેલા આંકડામાં આ માહિતી આપવામાં આવી છે. શ્રમ મંત્રાલયે એક નિવેદનમાં જણાવ્યું હતું કે સપ્ટેમ્બર 2017 થી EPFO ​​પેરોલ ડેટા પ્રકાશિત થયા પછી કોઈપણ મહિનામાં 18.75 લાખ સભ્યોનો આ સૌથી વધુ વધારો છે.

EPFO સભ્યોની સંખ્યા છેલ્લા ત્રણ મહિનાથી વધી રહી છે અને જૂનમાં આ આંકડો 85,932 હતો. ડેટા દર્શાવે છે કે જુલાઈ 2023 દરમિયાન લગભગ 10.27 લાખ નવા સભ્યો નોંધાયા છે જે જુલાઈ 2022 પછી સૌથી વધુ છે.

મોટાભાગના નવા સભ્યો 18-25 વર્ષની વય જૂથના છે

EPFOમાં જોડાનારા મોટાભાગના નવા સભ્યો 18-25 વર્ષની વય જૂથના છે. કુલ સભ્યોમાં તેમનો હિસ્સો લગભગ 58.45 ટકા છે. નિયમિત પગાર પર નોકરી મેળવનારાઓનો ડેટા દર્શાવે છે કે લગભગ 12.72 લાખ સભ્યો જેઓ બહાર ગયા હતા તેઓ ફરીથી EPFO ​​માં જોડાયા છે. આ દર છેલ્લા 12 મહિનામાં સૌથી વધુ છે.

આ સભ્યોએ તેમની નોકરી બદલી અને EPFO ​​હેઠળની સંસ્થાઓમાં ફરી જોડાયા. ઉપરાંત તેઓએ અંતિમ સમાધાન માટે અરજી કરવાને બદલે તેમની થાપણો ટ્રાન્સફર કરવાનું પસંદ કર્યું. ડેટા અનુસાર, જુલાઈ 2023 દરમિયાન લગભગ 3.86 લાખ મહિલા સભ્યો EPFOમાં જોડાઈ હતી. લગભગ 2.75 લાખ મહિલા સભ્યો પ્રથમ વખત સામાજિક સુરક્ષાના દાયરામાં આવી છે.

રાજ્યવાર વિશ્લેષણ દર્શાવે છે કે મહારાષ્ટ્ર, તમિલનાડુ, કર્ણાટક, ગુજરાત અને હરિયાણામાં સૌથી વધુ વધારો થયો હતો. નિવેદનમાં કહેવામાં આવ્યું છે કે પેરોલ ડેટા કામચલાઉ છે કારણ કે ડેટા સંગ્રહએ ચાલુ પ્રક્રિયા છે.

આ  પણ વાંચો : Share Market Today : નબળાં વૈશ્વિક સંકેતના કારણે શેરબજારની ઘટાડા સાથે શરૂઆત, Sensex 66608 પર ખુલ્યો

ESIC એ 19.88 લાખ સભ્યો ઉમેર્યા

કર્મચારી રાજ્ય વીમા નિગમ (ESIC) એ જુલાઈ, 2023 માં તેની આરોગ્ય વીમા યોજના ESI હેઠળ 19.88 લાખ નવા કર્મચારીઓ ઉમેર્યા છે. શ્રમ મંત્રાલયે એક નિવેદનમાં જણાવ્યું હતું કે ESICના કામચલાઉ પગારપત્રક ડેટા અનુસાર, સમીક્ષા હેઠળના મહિનામાં 19.88 લાખ નવા કર્મચારીઓ ઉમેરવામાં આવ્યા છે. નિવેદનમાં કહેવામાં આવ્યું છે કે આ સમયગાળા દરમિયાન, લગભગ 27,870 નવી સ્થાપનાઓ નોંધવામાં આવી હતી અને ESICના સામાજિક સુરક્ષાના દાયરામાં લાવવામાં આવી હતી.

ડેટા દર્શાવે છે કે યુવાનો માટે વધુ નોકરીઓનું સર્જન થયું છે. આ સમયગાળા દરમિયાન ઉમેરાયેલા કુલ 19.88 લાખ કર્મચારીઓમાંથી 9.54 લાખ કર્મચારીઓની ઉંમર 25 વર્ષથી ઓછી હતી. એ જ રીતે, જુલાઈમાં મહિલા સભ્યોની ચોખ્ખી નોંધણી 3.82 લાખ હતી, જ્યારે ESI યોજના હેઠળ કુલ 52 ટ્રાન્સજેન્ડર કર્મચારીઓ નોંધાયા હતા.