શું તમે IPO માં કરો છો રોકાણ ? જાણો કેવી રીતે ચેક કરવું Allotment Status
Check IPO Allotment Status શેરબજારમાં લિસ્ટેડ થતા પહેલા કંપની પોતાનો IPO લાવે છે. IPOમાં રોકાણ કર્યા પછી, રોકાણકારોને IPO હેઠળ શેર ફાળવવામાં આવે છે. આજે અમે તમને IPO એલોટમેન્ટ સ્ટેટસ કેવી રીતે ચેક કરવું તે અંગે જણાવીશું.
રોકાણ માટે બંધ આ IPOને લઈને રોકાણકારોમાં ઘણો ક્રેઝ હતો. રોકાણકારોએ ભારે ઉત્સાહ સાથે IPO માટે બિડ કરી છે. હવે રોકાણકારોની નજર આઈપીઓ લીસ્ટીંગ પર છે. પરંતુ ઘણી વખત સમસ્યા થાય છે કે રોકાણકારો આઇપીઓમાં રોકાણ તો કરે છે પણ કેટલાક નવા રોકાણકારોને એ ખ્યાલ નથી રહેતો કે આઇપીઓનું અલોટમેન્ટ કેવી ચકાસવું.
જો તમે IPOમાં પણ રોકાણ કર્યું છે, તો તમારે તપાસ કરવી પડશે કે તમને શેર ફાળવવામાં આવ્યા છે કે નહીં. અમે તમને જણાવીશું કે તમે IPO ફાળવણીની સ્થિતિ કેવી રીતે ચકાસી શકો છો.
ફાળવણીની સ્થિતિ કેવી રીતે તપાસવી
- તમે બોમ્બે સ્ટોક એક્સચેન્જ (BSE) ના અધિકૃત પોર્ટલની મુલાકાત લઈને IPO ફાળવણીની સ્થિતિ ચકાસી શકો છો. તમે આ સરળ સ્ટેપને અનુસરીને ફાળવણીની સ્થિતિ ચકાસી શકો છો.
- BSE IPO એલોટમેન્ટ પેજ (https://www.bseindia.com/investors/appli_check.aspx) પર જાઓ.
- આ પછી તમારે ઈસ્યુ પ્રકારમાં ‘Equity’ સિલેક્ટ કરવાનું રહેશે.
- હવે ઈસ્યુના નામમાં જે IPO માં ઇન્વેસ્ટ કર્યું હોય તે દાખલ કરો.
- આ પછી તમારે તમારો પાન કાર્ડ નંબર નાખવો પડશે.
- હવે કેપ્ચા દાખલ કરો અને ‘Search’ બટન પર ક્લિક કરો.
- હવે ફાળવણીની સ્થિતિ સ્ક્રીન પર બતાવવામાં આવશે.
- તમે એલોટમેન્ટ સ્ટેટસનો રેકોર્ડ પણ ડાઉનલોડ અને પ્રિન્ટ કરી શકો છો.
બજાજ હાઉસિંગ ફાઇનાન્સના IPO ના લિસ્ટીંગની રાહ
બજાજ હાઉસિંગ ફાઇનાન્સના IPOને રોકાણકારો તરફથી ખૂબ જ સારો પ્રતિસાદ મળ્યો છે.નેશનલ સ્ટોક એક્સચેન્જ (NSE)ના ડેટા અનુસાર રૂ. 6,560 કરોડના IPO માટે 46,28,35,82,522 શેર માટે બિડ કરવામાં આવી છે. હવે રોકાણકારોને તેના લિસ્ટીંગની રાહ રહેશે. બજાજ હાઉસિંગ ફાઇનાન્સના IPOની લિસ્ટીંગ 16 સપ્ટેમ્બર અને સોમવારે કરવામાં આવશે.
