સામાન્ય રીતે લોકો જ્યારે કોઈ કટોકટીની પરિસ્થિતિ હોય અથવા જ્યારે અચાનક પૈસાની જરૂર પડે ત્યારે લોનનો સહારો લે છે. ઘણી વખત એવું પણ બને છે કે લોનના અમુક હપ્તા (EMI) ભર્યા પછી લોકો મુશ્કેલીમાં મુકાઈ જાય છે અને હપ્તા ડિફોલ્ટ થવા લાગે છે. આની પહેલી અસર તમારા ક્રેડિટ સ્કોર(Credit score) પર પડે છે. ક્રેડિટ સ્કોરએ આજના યુગમાં ખૂબ જ ઉપયોગી છે અને તેને ગંભીરતાથી લેવાની જરૂર છે. જો તમારો ક્રેડિટ સ્કોર ખરાબ છે તો કોઈ બેંક તમને કોઈપણ પ્રકારની લોન આપશે નહીં. આ કારણોસર સારો ક્રેડિટ સ્કોર જાળવવો મહત્વપૂર્ણ છે. આજે અમે તમને એવા જ કેટલાક ઉપાયો જણાવવા જઈ રહ્યા છીએ, જે તમારો ક્રેડિટ સ્કોર સુધારવામાં મદદરૂપ સાબિત થઈ શકે છે.
ક્રેડિટ સ્કોર વ્યક્તિની ક્રેડિટ હિસ્ટ્રી દર્શાવે છે. ક્રેડિટ સ્કોર જણાવે છે કે તમે કેટલી વાર લોન લીધી છે, તમારી ઉપર હાલમાં કેટલું દેવું છે, તમે કેટલા ક્રેડિટ કાર્ડનો ઉપયોગ કરી રહ્યાં છો, તમારી પાસે કેટલી જવાબદારીઓ છે અને તમે કેટલી જવાબદારીપૂર્વક તમારા દેવું ચૂકવો છો. સમયસર લોનના હપ્તા ભરવાથી તમારો ક્રેડિટ સ્કોર સુધરે છે. બીજી તરફ હપ્તાઓની ચુકવણીમાં ડિફોલ્ટ અથવા વિલંબને કારણે ખરાબ ક્રેડિટ સ્કોર ખરાબ થાય છે.
ગોલ્ડ લોન મદદરૂપ થાય છે
ક્રેડિટ સ્કોર સુધારવા માટે ગોલ્ડ લોન વધુ સારું માધ્યમ હોવાનું કહેવાય છે. ગોલ્ડ લોન એ સુરક્ષિત લોન છે. આમાં તમે સોનું ગીરવે મુકો છો અને તેની કિંમત અનુસાર બેંકો અને નાણાકીય સંસ્થાઓ તમને લોન આપે છે. હવે સવાલ એ થાય છે કે શું ગોલ્ડ લોન ક્રેડિટ સ્કોરને અસર કરે છે? તો જવાબ છે- હા… જ્યારે ગોલ્ડ લોનના હપ્તાઓની સમયસર ચુકવણી ક્રેડિટ સ્કોરમાં ઝડપથી સુધારો કરે છે તેમાં ડિફોલ્ટ થવાથી ક્રેડિટ સ્કોરમાં પણ ઝડપથી ઘટાડો થાય છે.
જ્યારે પણ તમે લોન અથવા ક્રેડિટ કાર્ડ માટે અરજી કરો છો ત્યારે તે તમારા ક્રેડિટ સ્કોરને અસર કરે છે. લોન આપતા પહેલા બેંકો ક્રેડિટ બ્યુરોને તમારી ક્રેડિટ હિસ્ટ્રી વિશે માહિતી માંગે છે. ગોલ્ડ લોન માટે અરજી કરવાથી તમારા ક્રેડિટ સ્કોરને પણ અસર થઈ શકે છે પરંતુ તેમાં થોડો ટ્વિસ્ટ છે. અન્ય લોનની જેમ જ્યારે તમે ગોલ્ડ લોન માટે અરજી કરો છો ત્યારે ધિરાણ આપનાર બેંક અથવા સંસ્થા તપાસ કરે છે.
તમારી અરજી પર નિર્ણય લેવા માટે ક્રેડિટ બ્યુરો તરફથી તમારો ક્રેડિટ રિપોર્ટ પૂછવામાં આવે છે. આ પૂછપરછો તમારી ક્રેડિટ રિપોર્ટ પર દેખાય છે. પૂછપરછ વગર લોન મળતી નથી. આવી સ્થિતિમાં જો ક્રેડિટ રિપોર્ટમાં વધુ પૂછપરછ બતાવવામાં આવે છે તે પણ ટૂંકા સમયમાં તો તે સૂચવે છે કે ક્યાં તો તમને ખૂબ લોનની જરૂર છે અથવા તમે તમારી જરૂરિયાત કરતાં વધુ લોન લઈ રહ્યા છો. આમાંના કોઈપણ સંકેત સારા નથી અને તમારા ક્રેડિટ સ્કોરને અસર કરે છે.
ગોલ્ડ લોન મેળવ્યા પછી તમારે ઉલ્લેખિત શરતો અનુસાર પૈસા પાછા આપવા પડશે. લોનની શરતો પૂરી કરવાથી તમારો ક્રેડિટ સ્કોર વધે છે. સારો ક્રેડિટ સ્કોર બનાવવા માટે સમયસર અથવા સમય પહેલાં લોનની EMI ચૂકવવી મહત્વપૂર્ણ છે. સમયસર EMI ચૂકવવું જવાબદાર ક્રેડિટ વર્તન દર્શાવે છે અને બેંકો આવા લોકોને સરળતાથી લોન આપે છે.