Commodity Market : ક્રુડ ઓઇલના ઉછાળા પર લાગ્યો બ્રેક, 1 દિવસમાં ક્રૂડમાં થયો 2% નો ઘટાડો, જાણો શા માટે સોના અને ચાંદીના ભાવ ઘટ્યા

Commodity Market: ક્રુડ ઓઇલમાં તેજી પર બ્રેક લાગી છે. ક્રૂડ એક દિવસમાં 2 ટકાથી વધુ ઘટ્યું છે. બીજી તરફ, બ્રેન્ટની કિંમત $84ની નીચે સરકી ગઈ છે, જ્યારે ગઈકાલે બ્રેન્ટની કિંમત $86ને પાર કરી ગઈ હતી. WTI પણ $80 ની નીચે ટ્રેડ કરી રહ્યો હતો. દરમિયાન, MCX ક્રૂડ પણ 6700 ની નીચે સરકી ગયું છે. વાસ્તવમાં, ફિચના રેટિંગ ડાઉનગ્રેડ અને ડૉલરની મજબૂતીને કારણે, કાચા તેલની કિંમતમાં ગઈકાલે 2% નો ઘટાડો જોવા મળ્યો છે. આ સિવાય ક્રૂડની માંગને લઈને અનિશ્ચિતતાના કારણે પણ તેની અસર કિંમત પર પડી છે. બજારને ચીનમાં માંગ વધવાની ઓછી આશા દેખાઈ રહી છે.

આ પણ વાંચો : Share Market Today : શેરબજારમાં નરમાશ યથાવત, Sensex અને Nifty 0.3% ઘટાડા સાથે ખુલ્યા, આ સ્ટોક્સમાં 5% કરતા વધુ નુકસાન

દરમિયાન, ડૉલર ઇન્ડેક્સ 102 ની ઉપર રહે છે. જણાવી દઈએ કે ગઈકાલે ફિચે યુએસના સોવરિન ડેટ રેટિંગમાં ઘટાડો કર્યો છે. ઉપરાંત, માંગ અંગેની અનિશ્ચિતતાઓએ ક્રૂડ ઓઈલના ભાવ પર દબાણ સર્જ્યું છે.

દબાણ હેઠળ સોનું અને ચાંદી

COMEX પર સોનું $1940 ની નીચે સરકી ગયું છે જ્યારે MCX પર સોનું 59500 થી નીચે ગબડ્યું છે. COMEX પર ચાંદી 24 ડોલર પર આવી ગઈ છે. MCX પર ચાંદી 72600 પર આવી ગઈ છે. ડૉલરની મજબૂતાઈએ સોના અને ચાંદીની ચમક નિસ્તેજ કરી દીધી છે. હકીકતમાં, આંતરરાષ્ટ્રીય બજારમાં સોના અને ચાંદીમાં ઘટાડો વધ્યો છે. COMEX પર સોનું $1940 ની નીચે સરકી ગયું છે અને 3-સપ્તાહની નીચી સપાટીની નજીક છે. ગઈકાલે સોનાનો ભાવ $1950 ની નીચે સરકી ગયો હતો.

COMEX પર ચાંદી પણ $24 થી નીચે સરકી ગઈ છે. જુલાઈમાં ચાંદી બે મહિનાની ટોચે પહોંચી હતી. 24 જુલાઈના રોજ ચાંદી $25.2 પર પહોંચી હતી. એમસીએક્સ પર પણ સોનું 59500ની નીચે આવ્યું હતું. જ્યારે MCX પર ચાંદી પણ ₹72600 ની નીચે સરકી ગઈ હતી.

સોના-ચાંદીમાં કેમ વધ્યુ દબાણ ?

ડૉલરમાં સતત વધારો થવાથી સોના અને ચાંદી પર દબાણ જોવા મળ્યું છે.

4 અઠવાડિયાની ઊંચાઈએ પહોંચી ગયો છે. બીજી તરફ ડોલર ઈન્ડેક્સ સતત ત્રીજા દિવસે 102ની ઉપર જોવા મળી રહ્યો છે. અમેરિકાના રેટિંગ ડાઉનગ્રેડના કારણે પણ સોનાના ભાવમાં ઘટાડો થયો છે. ગઈ કાલે ફિચે યુએસનું સોવરિન ડેટ રેટિંગ ડાઉનગ્રેડ કર્યું હતું. ફેડના કડક વલણથી પણ કિંમતો પર દબાણ આવે છે.

બિઝનેસના તમામ સમાચાર વાંચવા માટે અહીં ક્લિક કરો