આ અઠવાડિયે સેન્સેક્સની ટોપ-10માં સામેલ સાત કંપનીઓના માર્કેટ કેપમાં થયો 1.16 લાખ કરોડનો વધારો, HDFC બેંકને થયો સૌથી વધુ ફાયદો

સેન્સેક્સની (Sensex) ટોચની 10 કંપનીઓમાંથી સાત કંપનીઓનું માર્કેટ  કેપ (BSE Market Cap) ગયા સપ્તાહે 1,16,048 કરોડ રૂપિયા વધી ગયું હતું. એચડીએફસી બેંકને સૌથી વધુ ફાયદો થયો. ગયા સપ્તાહે હિન્દુસ્તાન યુનિલિવર, આઈઆઈસીઆઈ બેંક, એચડીએફસી, સ્ટેટ બેંક ઓફ ઇન્ડિયા (SBI) અને કોટક મહિન્દ્રા બેંકના માર્કેટ કેપમાં વધારો થયો હતો. બીજી તરફ, રિલાયન્સ ઈન્ડસ્ટ્રીઝ, ટાટા કન્સલ્ટન્સી સર્વિસિસ (TCS) અને લાઈફ ઈન્સ્યોરન્સ કોર્પોરેશન (LIC)ના માર્કેટ વેલ્યુએશનમાં ઘટાડો થયો છે. રિપોર્ટિંગ સપ્તાહમાં એચડીએફસી બેન્કનું માર્કેટ કેપ 39,358.5 કરોડ રૂપિયા વધીને 7,72,514.65 કરોડ રૂપિયા પર પહોચ્યું છે. કોટક મહિન્દ્રા બેંકનું માર્કેટ કેપિટલાઇઝેશન 23,230.8 કરોડ રૂપિયા વધીને 3,86,264.80 કરોડ રૂપિયા અને HDFCનું માર્કેટકેપ 23,141.7 કરોડ રૂપિયા વધીને 4,22,654.38 કરોડ રૂપિયા થયું છે.

ICICI બેન્કનું માર્કેટ કેપ 21,047.06 કરોડ રૂપિયા વધીને 5,14,298.92 કરોડ રૂપિયા અને સ્ટેટ બેન્ક ઓફ ઇન્ડિયાનું માર્કેટ કેપ 5,801 કરોડ રૂપિયા વધીને 4,18,564.28 કરોડ રૂપિયા થયું હતું. ઈન્ફોસિસે સપ્તાહ દરમિયાન તેના મૂડીકરણમાં  2,341.24 કરોડ રૂપિયા ઉમેર્યા હતા અને તેનું મૂલ્યાંકન  6,14,644.50 કરોડ રૂપિયા થયું હતું. હિન્દુસ્તાન યુનિલિવરનું મૂલ્યાંકન  1,127.8 કરોડ રૂપિયા વધીને  5,47,525.25 કરોડ રૂપિયા થયું છે.

આ કંપનીઓના માર્કેટ કેપમાં ઘટાડો થયો છે

આ વલણથી વિપરીત, સપ્તાહ દરમિયાન રિલાયન્સ ઈન્ડસ્ટ્રીઝની બજાર સ્થિતિ રૂ. 31,761.77 કરોડ ઘટીને રૂ. 17,42,128.01 કરોડ થઈ હતી. TCSનું મૂલ્ય રૂ. 11,599.19 કરોડની ખોટ સાથે રૂ. 11,93,655.74 કરોડ રહ્યું હતું. LICની બજાર સ્થિતિ રૂ. 2,972.75 કરોડ ઘટીને રૂ. 5,19,630.19 કરોડ થઈ હતી.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

આ સપ્તાહે સેન્સેક્સમાં 558 પોઈન્ટનો ઉછાળો આવ્યો છે

ગયા અઠવાડિયે, BSE 30 શેરનો સેન્સેક્સ 558.27 પોઈન્ટ અથવા 1.02 ટકા ઉપર હતો. ટોપ 10 કંપનીઓની યાદીમાં રિલાયન્સ ઈન્ડસ્ટ્રીઝ પ્રથમ સ્થાને રહી. તે પછી TCS, HDFC બેંક, ઇન્ફોસિસ, હિન્દુસ્તાન યુનિલિવર, LIC, ICICI બેંક, HDFC, SBI અને કોટક મહિન્દ્રા બેંકનું સ્થાન રહ્યું.

વૈશ્વિક ટ્રેન્ડની પણ થશે અસર

અહીં, વિશ્લેષકોએ એવો અભિપ્રાય વ્યક્ત કર્યો છે કે મેક્રો ઇકોનોમિક ડેટા આ સપ્તાહે શેરબજારોની દિશા નક્કી કરશે. સપ્તાહ દરમિયાન ઘરેલુ મોરચે ઘણા મોટા આંકડા આવવાના છે, જે બજારની ચાલ નક્કી કરશે. વિશ્લેષકોનું કહેવું છે કે મેક્રો ઈકોનોમિક ડેટા ઉપરાંત મોંઘવારીની ચિંતા વચ્ચે બજારની દિશા માટે વૈશ્વિક વલણ પણ મહત્વપૂર્ણ રહેશે. આ સાથે બજારના સહભાગીઓ ફોરેન પોર્ટફોલિયો ઈન્વેસ્ટર્સ (FPI)ના વલણ પર પણ નજર રહેશે.

જીડીપી, પીએમઆઈના આંકડા આવવાના છે

સ્વસ્તિક ઇન્વેસ્ટમાર્ટના રિસર્ચ હેડ સંતોષ મીણાએ જણાવ્યું હતું કે, “આ અઠવાડિયે સ્થાનિક મોરચે ઘણા ડેટા આવવાના છે, જેના કારણે બજાર ખૂબ વ્યસ્ત રહેશે. જીડીપી વૃદ્ધિ દર ઉપરાંત વાહન વેચાણ અને પીએમઆઈના આંકડા પણ સપ્તાહ દરમિયાન આવવાના છે. વૈશ્વિક સ્તરે, વિવિધ દેશોના PMI આંકડા અને અમેરિકાના બેરોજગારીના આંકડા પણ બજારના દૃષ્ટિકોણથી મહત્વપૂર્ણ રહેશે. મીણાએ કહ્યું કે આ બધી બાબતોની વચ્ચે ડોલર ઈન્ડેક્સની અસ્થિરતા અને ક્રૂડ ઓઈલની કિંમત પણ બજાર પર અસર કરશે. FPI હજુ પણ વેચવાલી કરી રહ્યાં છે. તે જોવાનું રસપ્રદ રહેશે કે શું ધારણામાં સુધારો થયા પછી તેમનું વલણ બદલાય છે કે નહી.