ક્રેડિટ કાર્ડ દ્વારા ઓનલાઈન ખરીદી(Online shopping) હવે ખૂબ જ સામાન્ય બની ગઈ છે અને મોટાભાગના ભારતીયો માટે સમય અને ક્યારેક પૈસા બચાવવા માટે તે એક સારો વિકલ્પ બની ગયો છે. ઑનલાઇન પ્લેટફોર્મ વેચાણ વધારવા માટે ક્રેડિટ કાર્ડ(Credit Card) દ્વારા ખરીદી પર અવનવી ઑફર્સ પણ આપવામાં આવે છે. આ તમામ ઑફર્સને કારણે ક્રેડિટ કાર્ડ દ્વારા ખરીદી પોકેટ અને સમયની દ્રષ્ટિએ ખૂબ જ અનુકૂળ છે. બેંકો પણ તેમના ગ્રાહકોને નવા ક્રેડિટ કાર્ડ ઓફર કરતી રહે છે. જો તમે પણ નવું ક્રેડિટ કાર્ડ લેવા માંગો છો તો ICCIC બેંકે ગ્રાહકો માટે ક્રેડિટ કાર્ડની પસંદગી માટે કેટલીક ટિપ્સ આપી છે આ ટિપ્સની મદદથી તમે શ્રેષ્ઠ ક્રેડિટ કાર્ડ પસંદ કરી શકો છો અને તમારી શોપિંગ પણ વધુ કરી શકો છો.
ક્રેડિટ કાર્ડ લેતા પહેલા જો તમે મુસાફરી માટે ઘણી બધી ઓનલાઈન બુકિંગ કરો છો તો તમારી ખર્ચ કરવાની ટેવ અને વ્યવહારને સમજો. જે પ્રકારે અને જે ખર્ચના બિલ ચૂકવો છો અથવા કોઈ ચોક્કસ પ્લેટફોર્મ દ્વારા મોટાભાગની ખરીદી કરો છો તો તે ઓફર મુજબના કાર્ડ પસંદ કરો જે તમને આ ખર્ચ પર મહત્તમ લાભ આપી શકે. ઉદાહરણ તરીકે એવા ઘણા કાર્ડ છે જે પેટ્રોલ અને ડીઝલના પેમેન્ટ સાથે જોડાયેલા છે. જો તમારો ઈંધણ ખર્ચ વધારે છે તો આવા ક્રેડિટ કાર્ડ દ્વારા તમે વધુ વળતર મેળવી શકો છો.
ક્રેડિટ કાર્ડ પસંદ કરતા પહેલા જાણી લો કે કાર્ડ પર વ્યાજ દર શું છે? કેટલીકવાર તમે બિલ પર ન્યૂનતમ રકમ ચૂકવો છો. આ કિસ્સામાં બાકીની રકમ પર વ્યાજ લેવામાં આવે છે. બીજી તરફ જો તમે આખી રકમને EMIમાં કન્વર્ટ કરો છો તો EMI પર વ્યાજ ચૂકવવું પડશે. આવી સ્થિતિમાં તમારે આવા ક્રેડિટ કાર્ડની પસંદગી કરવી જોઈએ જે તમને ઓછા વ્યાજ દર ઓફર કરે છે. આ સાથે ચુકવણીની સાથે વ્યાજ મુક્ત સમય વિશે પણ માહિતી લો અને ઉચ્ચ મર્યાદા સાથે કાર્ડ પસંદ કરો.
ક્રેડિટ કાર્ડની પસંદગીમાં કાર્ડ પરના રીવોર્ડ ખૂબ જ મહત્વપૂર્ણ છે. દરેક બેંક તેના ક્રેડિટ કાર્ડ પર વિવિધ રીતે રિવોર્ડ પોઈન્ટ આપે છે. જેનો ઉપયોગ તમે અન્ય ઘણી ડીલ્સ માટે કરી શકો છો. ક્રેડિટ કાર્ડ પસંદ કરતી વખતે, જુઓ કે ક્રેડિટ કાર્ડ પર કેટલા પુરસ્કારો ઉપલબ્ધ છે અને તમે કાર્ડના આ રિવોર્ડ પોઈન્ટનો ક્યાં અને કેવી રીતે ઉપયોગ કરી શકો છો. આના આધારે, તમે તમારા સોદાનો મહત્તમ લાભ લઈ શકશો.