ઈલેક્ટ્રિક બસ ખરીદવા પર મળશે 10 લાખની સબસિડી, જાણો ટુ-વ્હીલ અને ફોર-વ્હીલ પર કેટલી મળશે

ઘણા લોકો માને છે કે સરકારે ફેમ 2 સબસિડી બંધ કરી દીધી છે, કારણ કે આ વખતના સામાન્ય બજેટમાં સરકારે ફેમ 2 સબસિડી અને ઇલેક્ટ્રિક વાહનો પર છૂટ વિશે કોઈ માહિતી આપી નથી.

આવી સ્થિતિમાં લોકોના મનમાં છે કે હવે ઈલેક્ટ્રિક વાહનો પર કોઈ ડિસ્કાઉન્ટ નહીં મળે. અમુક અંશે આ વાત સાચી પણ છે, તેમાં હવે કેન્દ્ર સરકાર ઇલેક્ટ્રિક વાહનો પર ડિસ્કાઉન્ટ નહીં આપે પરંતુ રાજ્ય સરકાર હજુ પણ ઇલેક્ટ્રિક વાહનો પર ડિસ્કાઉન્ટ આપી રહી છે. જેમાં કેટલાક રાજ્યો ઇલેક્ટ્રિક વાહનોની ખરીદી પર રોકડ સબસિડી પણ આપી રહી છે.

ક્યાં મળે છે રોકડ સબસિડી ?

ગુજરાત અને મહારાષ્ટ્ર જેવા રાજ્યોની જેમ મધ્યપ્રદેશમાં ઇલેક્ટ્રિક વાહનો ખરીદવા પર રોકડ સબસિડી મળી શકે છે. રાજ્યમાં બનેલી નવી EV નીતિના ડ્રાફ્ટમાં EVને પ્રોત્સાહન આપવા માટે રોકડ સબસિડીની જોગવાઈ કરવામાં આવી છે. આ સબસિડી વહેલા તે પહેલાના ધોરણે આપવામાં આવશે.

આ સબસિડી યોજના હેઠળ બસ ખરીદવા પર રૂ.10 લાખ સુધીના ડિસ્કાઉન્ટની તૈયારીથી 600 કરોડ રૂપિયાનો નાણાકીય બોજ પડશે જે કેન્દ્ર-રાજ્યો સંયુક્ત રીતે ઉઠાવશે. શહેરી વિકાસ અને ગૃહ નિર્માણ વિભાગ EV વાહનો માટે નોડલ એજન્સી છે. વિભાગે વર્ષ 2023માં 2019માં બનેલી MPની EV પોલિસીનો સંશોધિત ડ્રાફ્ટ તૈયાર કર્યો હતો. ત્યારથી આ ડ્રાફ્ટ વિભાગીય મુખ્યાલયમાં પેન્ડિંગ છે.

કયા વાહન પર કેટલી સબસિડી ?

ટુ-વ્હીલર પર રૂપિયા 10,000 સબસિડી પ્રથમ 1 લાખ વાહનો પર, ઓટો-રિક્ષા પર રૂ. 20,000 સબસિડી પ્રથમ 15,000 વાહનો પર, ફોર-વ્હીલર પર રૂ. 50,000 સબસિડી પ્રથમ 5,000 વાહનો પર, બસ પર રૂ. 10 લાખ સબસિડી આપવામાં આવશે, પરંતુ પ્રથમ 100 બસોને જ મળશે. ગુજરાતમાં ઈલેક્ટ્રિક વાહનો પર સબસિડી રૂ. 20000 થી 1.5 લાખ છે, મહારાષ્ટ્રમાં તે રૂ. 25000 થી 2.5 લાખ છે, કેરળમાં ઇ-રિક્ષા પરની સબસિડી રૂ. 10,000થી રૂ. 30,000 છે.

ચાર્જિંગ સ્ટેશન પ્રસ્તાવ

ઈવીને 10 વર્ષ માટે ટોલ ટેક્સ ફ્રી રાખવાનું પણ સૂચન છે. આ ઉપરાંત ચાર્જિંગ સ્ટેશન માટે સરકારી જમીન આપવા જેવી જોગવાઈઓ પણ છે. પોલિસીમાં એ વાતનો પણ સમાવેશ કરવામાં આવશે કે જ્યાં જગ્યા ઉપલબ્ધ હોય ત્યાં સરકારી ઈમારતોમાં ચાર્જિંગ સ્ટેશન બનાવવા જોઈએ.