MS Dhoni: ઘોડાને માલિશ કરી પ્રેમ વરસાવી રહ્યો છે ધોની, જુઓ વાયરલ થઈ રહેલો ધોનીનો ઘોડાપ્રેમનો વિડીયો

IPL 2021 સ્થગીત થવા બાદ ચેન્નાઇ સુપર કિંગ્સ (Chennai Super Kings) ના કેપ્ટન એમએસ ધોની (MS Dhoni) હાલમાં ઘરે જ છે. વતન રાંચીમાં પોતાના ઘરે નિવૃત્તી બાદનો સમય પસાર કરી રહ્યો છે. જોકે ધોની ક્વોલીટી સમય પસાર કરવામાં માને છે. તે પાલતૂ પ્રાણીઓ સાથે અને ખેતી માં ધ્યાન આપતો સમય ગાળતો હોય છે.

ધોનીએ થોડાક સમયથી પોતાના ઘરે વધુ એક પાલતૂ સભ્યને આવકાર્યો છે. એટલે કે ઘોડાનુ આગમન તેના ઘરે થયુ છે. જેને સાથે ધોનીની મસ્ત પળોનો ખાસ વિડીયો સાક્ષી ધોની (Sakshi Dhoni) એ શેર કર્યો છે.

ધોની ની પત્નિ ખાસ પળોને સોશિયલ મીડિયા પર શેર કરવાનુ ચુકતી નથી. તેણે જ પોતાના ઘરે ઘોડા ના સ્વરુપે નવા મહેમાન ચેતક (Chetak Horse) ના આગમનની જાણકારી શેર કરી હતી. હવે ધોની આ ઘોડાની દેખભાળ કેવી કરે છે, તેની પણ એક ઝલક સાક્ષીએ દર્શાવી છે.

ધોની પોતાના પાલતૂ ઘોડાને મસ્ત માલીશ પોતાના હાથો વડે કરી રહ્યો છે. ઘોડો પણ સુતા સુતા વિશ્વના દિગ્ગજ ખેલાડીના હાથોની માલીશનો જાણે આનંદ માણી રહ્યો છે.

જાડેજા અને ધોની બંનેના ફાર્મહાઉસમાં ઘોડા

ધોની ના પાલતુ પ્રાણીઓના પરિવારની વાત કરવામાં આવે તો, ચેતક અગાઉ ચાર પાલતૂ ડોગ છે. જેમાં સેમ, ગબ્બર, લીલી અને ઝોયા નામના સભ્યો નો સમાવેશ થાય છે. જો ઘોડાની વાત કરવામાં આવે તો ભારતીય ક્રિકેટરોમાં રવિન્દ્ર જાડેજા (Ravindra Jadeja) બાદ ધોની એવો બીજો ક્રિકેટર છે, કે જેણે ઘોડો પાળ્યો છે.

આમ પણ જાડેજા અને ધોનીની જોડી દોસ્તીની બાબતમાં સારી જામે છે. હવે ધોની પણ જાડેજાની માફક ઘોડા પર પ્રેમ વરસાવતો નજર આવવા લાગ્યો છે. જાડેજા પાસે જામનગર સ્થિત તેના ફાર્મહાઉસમાં 4 ઘોડા છે