જામનગરના કાલાવડમાં વાતાવરણ પલટાયું છે. જામનગર શહેર અને ગ્રામ્ય વિસ્તારોમાં ધોધમાર વરસાદ વરસ્યો છે. કાલાવડના ખરેડી, જસાપર, ખીજડીયા, ભાડુકિયા, વડાલામાં વરસાદ વરસ્યો છે. કાલાવડ પંથકમાં ભારે પવન સાથે વરસાદ વરસતા રસ્તા પર પાણી ફરી વળ્યા હતા. જો કે વાવણીલાયક વરસાદ આવતા ખેડૂતોમાં ખુશીનો માહોલ જોવા મળ્યો છે.
છોટાઉદેપુર જિલ્લામાં અચાનક જ વાતાવરણમાં પલટો આવ્યો. છોટાઉદેપુરના બોડેલી, ઢોકલીયા, અલીપુરા સહિત આસપાસના વિસ્તારોમાં વરસાદ વરસ્યો છે. છોટાઉદેપુર પંથકમાં વરસાદના પગલે વાતાવરણમાં ઠંડક પ્રસરી છે. હવામાન વિભાગની આગાહી વચ્ચે વરસાદ વરસતા આસપાસના વિસ્તારોમાં રહેતા લોકોને અસહ્ય ગરમીથી રાહત મળી છે. જો કે વાવણી લાયક વરસાદ વરસતા ખેડૂતોમાં ખુશીનો માહોલ જોવા મળ્યો છે.
ગુજરાતમાં છેલ્લા 24 કલાકમાં 78 તાલુકામાં વરસાદ નોંધાયો છે. સૌથી વધુ તાપીના કુકરમુંડામાં 3.1 ઈંચ વરસાદ વરસ્યો છે. તેમજ વ્યારામાં 2.5 ઈંચ વરસાદ વરસ્યો છે. તેમજ વલસાડમાં 2.4 ઈંચ વરસાદ વરસ્યો છે. બોડેલી અને નિઝરમાં 2.2 ઈંચ વરસાદ ખાબક્યો છે. આ ઉપરાંત સાગબારા અને વાપીમાં 2 ઈંચ વરસાદ વરસ્યો છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો