Breaking News : વાયરલ થયો આ એક વીડિયો અને રાજકોટ પોલીસ થઈ દોડતી, જુઓ Video

રાજકોટમાં દેશી દારૂના ખુલ્લેઆમ વેચાણનો એક વીડિયો વાયરલ થતાં ચકચાર મચી ગઈ છે. ગીર સોમનાથ બાદ રાજકોટમાંથી સામે આવેલી આ ઘટનાએ દારૂબંધીના અમલ પર ગંભીર સવાલો ઉઠાવ્યા છે. આ વીડિયો રાજકોટના બેડી ચોકડી નજીકનો હોવાનું અનુમાન છે. વીડિયોમાં સ્પષ્ટપણે દેશી દારૂનું વેચાણ થતું જોવા મળે છે, જે ગુજરાતમાં કાગળ પરની દારૂબંધીની વાસ્તવિકતા દર્શાવે છે.

તાજેતરમાં થયેલા લઠ્ઠાકાંડમાં અનેક લોકોના મોત થયા હોવા છતાં, આવા દ્રશ્યો દર્શાવે છે કે દારૂનું વેચાણ હજુ પણ અંકુશમાં નથી આવ્યું. મોટા શહેરો હોય કે નાના ગામડાં, દારૂબંધીનો કાયદો અસરકારક રીતે લાગુ પડતો નથી તેવો ભાવ સર્જાયો છે.

વાયરલ થયેલા આ વીડિયોના આધારે રાજકોટ પોલીસે સમગ્ર મામલે તપાસ હાથ ધરી છે. જોકે, આ ઘટના રાજ્યમાં કાયદો અને વ્યવસ્થાની સ્થિતિ તેમજ દારૂબંધીના અમલ અંગે ગંભીર ચિંતા જગાવે છે. આવા બનાવો વારંવાર સામે આવતા પોલીસ તંત્ર અને પ્રશાસન પર અનેક પ્રશ્નાર્થ સર્જાયા છે. આ વીડિયો હાલ સોશિયલ મીડિયા પર ઝડપથી ફરી રહ્યો છે.