Video : સાણંદ નજીક ગટરમાં પડેલા કર્મચારીને શોધવા ત્રીજા દિવસે પણ ફાયર બ્રિગેડના જવાનોએ ભારે જહેમત ઉઠાવી

અમદાવાદની સાણંદ ચોકડી પાસે ગટરમાં પડેલા કર્મચારીને શોધવા ત્રીજા દિવસે પણ ફાયર બ્રિગેડના જવાનોએ ભારે જહેમત ઉઠાવી છે. 20 જાન્યુઆરીએ સાંજે 4 કલાકની આસપાસ રાજુ પરમાર ગટરમાં પડી ગયો હતો. આ અંગેનો કોલ મળતા જ ફાયરના જવાનોએ સાણંદ ચોકડીથી 5 કિલોમીટર સુધીની ગટર લાઈનમાં તપાસ હાથ ધરી.ફાયર બ્રિગેડના જવાનોએ સમયાંતરે 2 BA સેટ સાથે કલાકો સુધી આસપાસમાં આવેલી ગટરના 4  ડ્રેનેજ પોઈન્ટ ચેક કર્યા.

આ ઉપરાંત STP પ્લાન્ટ સુધી કરેલી તપાસમાં પણ ગુમ કર્મચારીની કોઈ ભાળ મળી નથી. ફાયર બ્રિગેડે અદ્યતન કેમેરાથી કરેલી તપાસમાં કોઈ ભાળ ન મળતા ગટરમાં પડેલો કર્મચારી ક્યાંક ફસાઈ ગયો હોવાની આશંકા છે.

ગટરમાં પડી ગયાના કલાકો બાદ પણ ગુમ વ્યક્તિ મળ્યો નથી. જેથી એક શક્યતા એ છે કે ગટરમાં પાણીનું વહેણ વધારે હોવાથી ગુમ વ્યક્તિ તણાઈને દૂર ગયો હોઈ શકે. આ ઉપરાંત પાણી ભરાતા ફૂલાઈ જવાથી યુવકનું બોડી ઉપર આવી જવું જોઈએ. પરંતુ બોડી ઉપર ન આવતા આ કર્મચારી ક્યાંક ફસાઈ ગયો હોય તેવી પણ શક્યતા છે.

આ પણ વાંચો :  Surat Police Station List: સુરત શહેરનું કયુ પોલીસ સ્ટેશન કયા વિસ્તારમાં છે? જાણો તમામ માહિતી અને વધારો તમારુ Knowledge