વડોદરા મ્યુનિસિપલ કોર્પોરેશને એકા એક ટાઉન પ્લાનીંગ નિયમોનુ ભંગ કરનાર સામે લાલ આંખ કરી છે. ખાસ કરીને હોસ્પિટલોને પોતાના નિશાન પર લેવામાં આવી છે. કોર્પોરેશન દ્વારા હોસ્પિટલો દ્વારા પાર્કિંગ સહિતની અનિયમિતતાને લઈ 114 જેટલી હોસ્પિટલને નોટિસો પાઠવવામા આવી હતી. પરંતુ હવે નોટિસ નહીં સીલ કરવાની કાર્યવાહી કરવામાં આવી છે. કોર્પોરેશન દ્વારા વડોદરા શહેરની ત્રણ હોસ્પિટલોને બુધવારે સીલ કરી દેવામાં આવી છે. જોકે હાલ તો દર્દીઓ એડમીટ હોવાને લઈ ઓપીડી વિભાગ ખુલ્લા રાખવામાં આવ્યા છે.
કોર્પોરેશને નોટિસ એવી હોસ્પિટલને નોટિસો આપી છે કે, જેમના દ્વારા પાર્કિંગ સહિતની જગ્યાઓ પર દબાણ કરવામાં આવ્યુ છે. આ સિવાય ગેરકાયદેસર બાંધકામ કરવામાં આવ્યુ હતુ. જેને લઈ હવે વડોદરા મ્યુનિસિપલ કોર્પોરેશને સિલ કરવાની કાર્યવાહીમાં આવી છે. શહેરની ઈસાનીયા અને તીર્થ હોસ્પિટલને સીલ કરવામાં આવી છે. અગાઉ નોટિસ આપવા છતાં તેને નહીં ગણકારવાને લઈ હવે કોર્પોરેશન દ્વારા આકરી કાર્યવાહી શરુ કરવામાં આવી છે. પાર્કિગ અને પ્રાથમિક સુવિધાઓના અભાવને લઈ શહેરમાં લોકોએ પરેશાની વેઠવી પડતી હોય છે.