આજનું હવામાન : 24 કલાકમાં વીજળીના કડાકા સાથે અતિભારે વરસાદની આગાહી, જાણો કયા વિસ્તારોમાં વરસશે વરસાદ

ખેડૂતોને હરખાવતી હવામાન વિભાગે આગાહી કરી છે. રાજ્યમાં આગામી 24 કલાક ભારેથી અતિભારે વરસાદ પડી શકે છે. જી હા, હવામાન વિભાગે રાજ્યમાં 24 કલાકનું એલર્ટ આપ્યું છે. હવામાન વિભાગની આગાહી મુજબ દક્ષિણ ગુજરાતના વિવિધ સ્થળોએ ભારેથી અતિભારે વરસાદની શક્યતા છે અને આવા વિસ્તારો માટે ઓરેન્જ એલર્ટ જાહેર કરાયું છે.

આ વિસ્તારોમાં ઓરેન્જ અને યલો એલર્ટ જાહેર

તો ભરૂચ, સુરત, તાપી, નર્મદામાં વરસાદનું યલો અલર્ટ જાહેર કરાયું છે.. જ્યારે નવસારી, વલસાડ, દમણમાં ભારેથી અતિભારે વરસાદની આગાહી વ્યક્ત કરવામાં આવી છે.આ વિસ્તારોમાં ઓરેન્જ એલર્ટ જાહેર કરવામાં આવ્યુ છે. તો અમદાવાદમાં પણ હળવાથી મધ્યમ વરસાદની શક્યતા હવામાન વિભાગે સેવી છે. દાવો છે કે આગામી 14 ઓગસ્ટે ભારેથી અતિભારે વરસાદ વરસી શકે છે.

આ તરફ વલસાડ જિલ્લામાં ભારેથી અતિભારે વરસાદની શક્યતા વ્યક્ત કરવામાં આવી છે. માછીમારોને 12 થી 14 ઓગસ્ટ સુધી દરિયો ન ખેડવાની સૂચના આપવામાં આવી છે.અપર એર સાયક્લોનિક સર્ક્યુલેશન સક્રિય થતા વરસાદની તીવ્રતા વધવાની શક્યતા છે અને 14 ઓગસ્ટથી શરૂ થનારા અઠવાડિયામાં રાજ્યના અનેક વિસ્તારોમાં ભારેથી અતિભારે વરસાદ વરસી શકે તેવી આગાહી છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો