Surat : મસાલા પર મોંઘવારીનો માર, યુદ્ધ અને ખરાબ હવામાનને લીધે મસાલાના ભાવ 30 ટકા વધ્યા

રશિયા યુક્રેન વચ્ચે યુદ્ધ અને ખરાબ હવામાને ખાદ્યપદાર્થોનો સ્વાદ બગાડ્યો છે. જેના કારણે મસાલાની મોંઘવારીથી( Inflation) પણ ગૃહિણીઓ પરેશાન થઈ ગઈ છે. સુરતમાં(Surat)  મસાલામાં સરેરાશ 30 ટકાના ભાવમાં વધારો થયો છે. જેની અસરના ભાગરૂપે મસાલાના વેચાણમાં ઘટાડો થયો છે.ખાદ્યતેલ, દૂધ અને લીંબુના ભાવમાં તો વધારો થયો છે પરંતુ અથાણાં બનાવવાની સિઝન શરૂ થતાં જ મસાલાના(Spice)  ભાવમાં પણ સતત વધારો થઈ રહ્યો છે. હોળી પછી અથાણું બનાવવાની સિઝન શરૂ થાય છે. આ સિઝનમાં મસાલાનું વેચાણ સારું થાય છે. મસાલાના વેપારીઓનું કહેવું છે કે આ વખતે મોંઘવારીને કારણે વેચાણમાં ઘટાડો થયો છે. લોકો મસાલાનો ઓછો ઉપયોગ કરી રહ્યા છે. લોકો ગુણવત્તા સાથે કોઈ બાંધછોડ કરતા નથી. જે પ્રીમિયમ ક્વોલિટી લે છે તે ત્યાં માલ લે છે પણ જથ્થામાં ઘટાડો કરે છે.

તઝાકિસ્તાન અને ઈરાનથી આવતી હીંગના ભાવમાં પણ વધારો

જથ્થાબંધ મસાલાના વેપારીએ જણાવ્યું કે હિંગનો વપરાશ હંમેશા ભારતમાં મુખ્ય છે. અગાઉ અફઘાનિસ્તાનથી કરમુક્ત હીંગ આવતી હતી. જેના કારણે ભાવ નીચા હતા. તાલિબાન સત્તામાં આવ્યા બાદ ત્યાંથી આયાત બંધ થઈ ગઈ છે. તઝાકિસ્તાન અને ઈરાનથી આવતી હીંગના ભાવમાં પણ વધારો થયો છે. તેના પરના ટેક્સને કારણે સામાન મોંઘો થયો છે.

અને આ સિવાય છેલ્લા દોઢ મહિનાથી રશિયા યુક્રેન વચ્ચેના યુદ્ધને કારણે પણ પેટ્રોલના ભાવમાં સતત વધારો થઈ રહ્યો છે. જેના કારણે પરિવહન પર પણ અસર પડી છે અને મસાલાની હેરફેર મોંઘી બની છે. અન્ય એક વિક્રેતા જણાવે છે મેં સંગ્રહખોરી અને નફાખોરી પણ જવાબદાર છે.તેમણે ઉમેર્યું હતું કે પરિવહનથી બહુ ફરક પડતો નથી. કોમોડિટી પર સટ્ટાબાજી, સંગ્રહખોરી અને નફાખોરીને કારણે વરસાદને કારણે ઉત્પાદનમાં પણ ઘટાડો થયો છે.

દર વર્ષે દસ ટકા સુધીનો વધારો થાય છે. આ વખતે ભાવ વધુ પડતો હોવાથી લોકોને અસર થઈ છે. આ જ કારણ છે કે સિઝનમાં મસાલાના ભાવ વધે છે, જ્યારે સામાન્ય દિવસોમાં તે ઘટે છે. મસાલાના ભાવમાં 30 થી 40 ટકાનો વધારો થયો છે.

આ પણ વાંચો : Rajkot : ખોડલધામના ચેરમેન નરેશ પટેલની કોંગ્રેસ પ્રવક્તા મનહર પટેલે મુલાકાત લીધી

આ પણ વાંચો : કોંગ્રેસને વધુ એક ફટકો, કોંગ્રેસના સિનિયર નેતાએ આપનું ઝાડું પકડયું, મોટી સંખ્યામાં કાર્યકર્તાઓ આપમાં જોડાયા

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો