Breaking News : ભાવનગર લઠ્ઠાકાંડમાં રો-મટીરીયલ સપ્લાયર આનંદ છાડી સહિત 13 આરોપીઓની ધરપકડ, જુઓ Video
ભાવનગર લઠ્ઠાકાંડ કેસમાં સ્ટેટ મોનિટરિંગ સેલ (SMC) દ્વારા તપાસ વધુ તેજ બનાવવામાં આવી છે. આ કેસમાં કથિત રીતે નકલી દારૂના રો-મટીરીયલ સપ્લાયર આનંદ છાડી સહિત કુલ 13 આરોપીઓની ધરપકડ કરવામાં આવી છે.
ભાવનગર લઠ્ઠાકાંડ કેસમાં સ્ટેટ મોનિટરિંગ સેલ (SMC) દ્વારા તપાસને વધુ તેજ બનાવવામાં આવી છે. આ ગંભીર ઘટનામાં અત્યાર સુધીમાં 21 નામજદ આરોપીઓમાંથી 13ની ધરપકડ કરવામાં આવી છે. પોલીસની તપાસ હવે ગેરકાયદેસર દારૂ બનાવવા માટે ઉપયોગમાં લેવાયેલા રો-મટીરીયલ અને સમગ્ર સપ્લાય નેટવર્ક પર કેન્દ્રિત છે.
તાજેતરમાં, SMC દ્વારા રો-મટીરીયલ સપ્લાય કરનાર આનંદ છાડીની પણ ધરપકડ કરવામાં આવી છે. આનંદ છાડીને વધુ પૂછપરછ અને તપાસ અર્થે રિમાન્ડની માંગણી સાથે કોર્ટમાં રજૂ કરવામાં આવ્યો છે. આ ઉપરાંત, ધરપકડ કરાયેલા અન્ય 12 આરોપીઓના રિમાન્ડ મેળવવા માટે પણ કાયદાકીય પ્રક્રિયા શરૂ કરવામાં આવી છે.
આ કેસમાં મિથેનોલ ભેળવેલા નકલી દારૂના કારણે અનેક લોકો અસરગ્રસ્ત થયા હતા અને દુર્ભાગ્યવશ મૃત્યુઆંક 13 પર પહોંચ્યો હતો. એક બાદ એક ખુલાસાઓ સામે આવી રહ્યા છે અને આરોપીઓના નામ જાહેર થતા જ તેમની ધરપકડ કરવામાં આવી રહી છે. SMC દ્વારા ઝેરિલા દારૂ ક્યાં તૈયાર કરાયો, રો-મટીરીયલ ક્યાંથી આવ્યું અને તેમાં અન્ય કોણ સંડોવાયેલું છે તેની ઊંડાણપૂર્વક તપાસ ચાલી રહી છે.
રાજકોટમાં ગુજરાત પોલીસની ટી-શર્ટ પહેરી નંબર પ્લેટ વગર વાહન ચલાવતી મહિલાનો વીડિયો વાયરલ
